| ບັນດາສະຖານທີ່ໄດ້ຮັບຄວາມນິຍົມຊົມຊອບທີ່ສຸດຈາກແຂກທ່ອງທ່ຽວຫວຽດນາມ ໃນໂອກາດວັນບຸນທ້າຍປີ | |
| ປັກກິ່ງຕຳໜິຕິຕຽນບັນດາກໍລະນີຈຳກັດການເຂົ້າເມືອງສຳລັບແຂກທ່ອງທ່ຽວທີ່ມາຈາກຈີນ |
 |
| ພາບປະກອບ: hanoimoi.vn |
ຮ່າໂນ້ຍ ເປີດຕົວລາຍການທ່ອງທ່ຽວຕອນຄ່ຳຢູ່ ພະລາດຊະວັງທັງລອງ ສຳລັບແຂກທ່ອງທ່ຽວຕ່າງປະເທດ
ຕອນຄ່ຳວັນທີ 04 ມັງກອນ, ສູນອະນຸລັກຮັກສາມໍລະດົກ ທັງລອງ - ຮ່າໂນ້ຍ ສົມທົບກັບບັນດາຫົວໜ່ວຍທີ່ກ່ຽວຂ້ອງ ຈັດພິທີເປີດຕົວລາຍການທ່ອງທ່ຽວຕອນຄ່ຳຢູ່ ພະລາດຊະວັງທັງລອງ ດ້ວຍຫົວຂໍ້ “ພະລາດຊະວັງທັງລອງ ຍາມຄ່ຳຄືນ - ການສຳຜັດທີ່ເປັນເອກະລັກ” ສຳລັບແຂກທ່ອງທ່ຽວຕ່າງປະເທດ. ການເປີດຕົວໄດ້ຮັບຄວາມສົນໃຈເປັນຈຳນວນຫຼວງຫຼາຍຈາກບໍລິສັດທ່ອງທ່ຽວທີ່ຮັບແຂກສາກົນມາທ່ຽວຫວຽດນາມ ກໍ່ຄືແຂກທ່ອງທ່ຽວຕ່າງປະເທດ
ເມື່ອເຂົ້າຮ່ວມລາຍການທ່ອງທ່ຽວ “ພະລາດຊະວັງທັງລອງ ຍາມຄ່ຳຄືນ - ການສຳຜັດທີ່ເປັນເອກະລັກ”, ແຂກທ່ອງທ່ຽວຈະມີເວລາ 120 ນາທີ ເພື່ອມາຊົມ ແລະ ຄົ້ນຫາຊອກຮູ້ກ່ຽວກັບພະລາດຊະວັງທັງລອງທີ່ສວຍງາມໃນຕອນກາງຄືນ, ຄົ້ນຫາບັນດາຄຸນຄ່າທີ່ເປັນເອກະລັກສະເພາະຈາກສິລະປະສະຖາປັດຕະຍາກຳພະລາດຊະວັງ, ບ່ອນເຮັດວຽກ, ວິຖີຊີວິດ, ອາຫານການກິນຊາວວັງ… ແຂກທ່ອງທ່ຽວຈະໄດ້ຄົ້ນຫາເຂດມໍລະດົກວັດທະນະທຳໂລກ ພະລາດຊະວັງທັງລອງ ໂດຍ UNESCO ຮັບຮອງ; ຮັບຊົມລາຍການຟ້ອນຕຸກກະຕານ້ຳ ແລະ ຕຸກກະຕາເລົ່າເລື່ອງກ່ຽວກັບພະລາດຊະວັງທັງລອງ; ຄົ້ນຫາຄວາມເປັນເອກະລັກສະເພາະຂອງວັດຖຸພັນອັນລ້ຳຄ່າຂອງພະລາຊະວັງ;…..
ກ່ອນໜ້ານັ່ນ, ເດືອນເມສາ ປີ 2022, ພາຍຫຼັງຂະແໜງການທ່ອງທ່ຽວ ຫວຽດນາມ ເປີດປະຕູຕ້ອນຮັບແຂກທ່ອງທ່ຽວຢ່າງເຕັມຮູບແບບ, ສູນອະນຸລັກຮັກສາມໍລະດົກທັງລອງ - ຮ່າໂນ້ຍ ກໍໄດ້ເປີດລາຍການທ່ອງທ່ຽວຍາມຄ່ຳຄືນຖອດລະຫັດຢູ່ພະລາດຊະວັງທັງລອງ ທີ່ສະຫງວນໃຫ້ແກ່ແຂກພາຍໃນເຊິ່ງໄດ້ຮັບການຕອບຮັບ ແລະ ຕີລາຄາສູງ ຈາກແຂກທ່ອງທ່ຽວ.
ນອກຈາກລາຍການພິເສດນີ້ແລ້ວ, ສູນອະນຸລັກຮັກສາມໍລະດົກທັງລອງ - ຮ່າໂນ້ຍ ຍັງມີຫຼາຍລາຍການທ່ອງທ່ຽວ ເພື່ອຮັບໃຊ້ແຂກທ່ອງທ່ຽວສາກົນອີກດ້ວຍ, ເປັນຕົ້ນແມ່ນລາຍການທ່ອງທ່ຽວວິທະຍາສາດດ້ວຍຫົວຂໍ້ ການທ່ອງທ່ຽວບູຮານຄະດີພະລາດຊະວັງທັງລອງ, ການທ່ອງທ່ຽວວິຈິດສິນພະລາດຊະວັງທັງລອງ…
ບຸນຄົງ
