| SCMP: ໂຮ້ຍອ້ານກຽມພ້ອມການຕ້ອນຮັບແຂກທ່ອງທ່ຽວສາກົນ | |
| ງານບຸນລະດູບານໃໝ່ ກົນເຊີນ - ກຽບບາກ ປີ 2023 ຈະດຳເນີນແຕ່ວັນທີ 4 – 13 ກຸມພາ ປີ 2023 |
 |
| ພາບປະກອບ: dangcongsan.vn |
ວັນທີ 2 ມັງກອນ, ພະແນກການທ່ອງທ່ຽວຮ່າໂນ້ຍໃຫ້ຮູ້ວ່າ: ໃນ 3 ວັນພັກປີໃໝ່ສາກົນ ນັບແຕ່ວັນທີ 31 ທັນວາ 2022 ຫາວັນທີ 2 ມັງກອນ ປີ 2023, ນະຄອນຫຼວງຕ້ອນຮັບແຂກທ່ອງທ່ຽວປະມານ 208.000 ເທື່ອຄົນ, ໃນນັ້ນມີແຂກທ່ອງທ່ຽວສາກົນ ບັນລຸປະມານ 38.000 ເທື່ອຄົນ. ພ້ອມກັບການຄວບຄຸມພະຍາດໂຄວິດ - 19, ບັນດາການເຄື່ອນໄຫວດຳເນີນທຸລະກິດ, ການບໍລິການໄດ້ຮັບການເປີດປະຕູຄືນໃໝ່, ຄວາມຕ້ອງການໃນການພັກຜ່ອນບຳລຸງ, ຢ້ຽມຊົມ ທ່ອງທ່ຽວຂອງແຂກເພີ່ມຂຶ້ນສູງ. ໃນ 3 ວັນພັກປີໃໝ່ສາກົນ,ສະມັດຕະພາບໃນການນຳໃຊ້ຫ້ອງພັກໄລ່ສະເລ່ຍຂອງໂຮງແຮມບັນລຸກ່ວາ 63%, ແຂກທ່ອງທ່ຽວສາກົນພັກເຊົາ ບັນລຸປະມານ 28%. ແຂກທ່ອງທ່ຽວສາກົນສ່ວນຫຼາຍມາຈາກບັນດາປະເທດຄື: ຍີ່ປຸ່ນ, ຈີນ, ອັງກິດ, ອາເມລິກາ, ເຢຍລະມັນ, ສ.ເກົາຫຼີ, ແຟນລັງ…
ໂດຍໃຫ້ຂໍ້ສັງເກດຕໍ່ວຽກງານຈັດຕັ້ງການຮັບໃຊ້ແຂກທ່ອງທ່ຽວຢູ່ບັນດາສະຖານທີ່, ທ່ານນາງ ດັ້ງເຮືອງຢາງ ຫົວໜ້າພະແນກການທ່ອງທ່ຽວຮ່າໂນ້ຍ ໃຫ້ຮູ້ວ່າ ວຽກງານຈັດຕັ້ງການຕ້ອນຮັບແຂກທ່ອງທ່ຽວໃນໂອກາດບຸນປີໃໝ່ສາກົນ 2023 ຢູ່ບັນດາເຂດ, ສະຖານທີ່ທ່ອງທ່ຽວ ໄດ້ດຳເນີນຢ່າງຟົດຟື້ນ. ບັນດາລາຍການຕ້ອນຮັບປີໃໝ່ສາກົນ 2023 ໄດ້ຈັດຕັ້ງສຳເລັດ, ໂດຍດຶງດູດຄວາມສົນໃຈຈາກແຂກທ່ອງທ່ຽວຄື: ລາຍການຕ້ອນຮັບປີໃໝ່ 2023 ຢູ່ສະໜາມຫຼວງ ດົງກິງເງ້ຍທຸກ, ບັນດາການເຄື່ອນໄຫວວັດທະນະທຳ, ສະແດງສິລະປະ, ອາຫານການກິນຕ້ອນຮັບປີໃໝ່ ແລະ ງານວາງສະແດງດອກໄມ້, ຕົ້ນໄມປະດັບ ທີ່ແກ່ຍາວຮອດບຸນເຕັດປະຈຳປີ ຢູ່ ຖະໜົນຄົນຢ່າງ 6 ສາຍເພື່ອໃຫ້ປະຊາຊົນ ແລະ ແຂກທ່ອງທ່ຽວມາຢ້ຽມຊົມ, ລະຫຼິ້ນ, ຊື້ເຄື່ອງ.
ທ່ານນາງ ດັ້ງເຮືອງຢາງ ແຈ້ງໃຫ້ຊາບວ່າ ໃນໂອກາດບຸນປີໃໝ່ສາກົນ, ຄະນະກວດກາຂອງພະແນກການທ່ອງທ່ຽວຮ່າໂນ້ຍ ໄດ້ເພີ່ມທະວີວຽກງານກວດກາການປະຕິບັດຕາມບັນດາຂໍ້ກຳນົດກົດໝາຍ ກ່ຽວກັບການເຄື່ອນໄຫວທ່ອງທ່ຽວ, ຜູ້ນຳທ່ຽວ…ຢູ່ບັນດາສະຖານທີ່ທ່ອງທ່ຽວໃນບໍລິເວນນະຄອນ.
ບຸນຄົງ
