| ລ້າງເຊີນເປີດນຳໃຊ້ ແອັບ ການທ່ອງທ່ຽວ ລ້າງເຊີນ Tourism | |
| ແງ່ຫວັງພົ້ນເດັ່ນໃນການຮ່ວມມືດ້ານທ່ອງທ່ຽວລະຫວ່າງຫວຽດນາມ ແລະ ອິນເດຍ |
 |
| ພາບປະກອບ |
ໂດຍນອນຢູ່ແຄມຫາດຊາຍຂອງແຂວງ ກວາງນາມ, ໂຮ້ຍອານມີການພັດທະນາຢູ່ແຄມແມ່ນ້ຳທູບົ່ງ ແລະ ເຂດຕົວເມືອງທ່າເຮືອ ນັບແຕ່ສະຕະວັດທີ 15 ນີ້ຍັງໄດ້ຮັບການອະນຸລັກຮັກສາ ແລະ UNESCO ໄດ້ຮັບຮອງເອົາເປັນມໍລະດົກໂລກ ເມື່ອປີ 1999. ສະເໜ່ຂອງເຂດເມືອງເກົ່າແຫ່ງນີ້ ແມ່ນການປະສົມປະສານລະຫວ່າງບັນດາພື້ນຖານວັດທະນະທຳກັບການອອກແບບ ແລະ ສະຖາປັດຕະຍາກຳທ້ອງຖິ່ນ ທີ່ຖືກຜົນສະທ້ອນຈາກຈີນ, ຍີ່ປຸ່ນ ກໍ່ຄືບາງຈຸດພິເສດໃນສະໄໝທີ່ເປັນຫົວເມືອງຂຶ້ນຂອງຝລັ່ງ.
ທ້າວ ຫວຽດງວຽນ ຜູ້ນຳທ່ຽວໃຫ້ຮູ້ວ່າ: ຕະຫຼາດໂຮ້ຍອານ, ເຂດພາກກາງ ຫວຽດນາມ ແມ່ນບົດດົນຕີປະສົມທີ່ມີສີສັນ ແລະ ກິ່ນຫອມ ດ້ວຍສຽງລົດຕຸກໆຕະຫຼອດເວລາ, ບັນດາຜູ້ຍິງທີ່ມີອາຍຸສູງ ນັ່ງຢູ່ຂ້າງກັບຮ້ານວາງຂາຍໝາກໄມ້, ຜັກຫຼາຍຊະນິດ…
ຫວຽດນາມ ໄດ້ເປີດປະຕູຕ້ອນຮັບແຂກທ່ອງທ່ຽວສາກົນນັບແຕ່ເດືອນມີນາ ແລະ ໄດ້ເຫັນຈຳນວນແຂກທ່ອງທ່ຽວຄ່ອຍໆເພີ່ມຂຶ້ນ ພາຍຫຼັງຜ່ານຜ່າຄວາມຫຍຸ້ງຍາກໄລຍະພະຍາດໂຄວິດ - 19 ທີ່ແກ່ຍາວ.
ຫວຽດ ໃຫ້ຮູ້ວ່າ ຊຸມປີກ່ອນເກີດພະຍາດໂຄວິດ -19, ໃນຕອນເຊົ້າ ຢູ່ຕະຫຼາດມີແຂກທ່ອງທ່ຽວສາກົນເປັນຈຳນວນຫຼາຍ. ແຕ່ປັດຈຸບັນມີແຕ່ຊາວທ້ອງຖິ່ນ. ຂ້າພະເຈົ້າຄາດວ່າ ມີພຽງແຕ່ 30% ຈຳນວນແຂກທ່ອງທ່ຽວສາກົນເມື່ອທຽບໃສ່ກັບປີ 2019. ສິ່ງນີ້ຍັງບໍ່ທັນພຽງພໍກັບໂຮ້ຍອານ, ພວກຂ້າພະເຈົ້າຕ້ອງການແຂກທ່ອງທ່ຽວຈະກັບມາອີກ.
ລາວກໍ່ໃຫ້ຮູ້ວ່າ ແຂກທ່ອງທ່ຽວສາກົນມາໂຮ້ຍອານ ຍັງບໍ່ຫຼາຍ ແຕ່ພາຍຫຼັງແຂກທ່ອງທ່ຽວຈີນສາມາດໄປທ່ອງທ່ຽວຄືນໃໝ່ ຈຳນວນແຂກທ່ອງທ່ຽວກໍ່ຈະເພີ່ມຂຶ້ນ. ໝາຍຄວາມວ່າ ປັດຈຸບັນແມ່ນຈຸດເວລາດີທີ່ສຸດເພື່ອມາທ່ຽວໂຮ້ຍອານ.
ໂຮ້ຍອານໝາຍຄວາມວ່າ ສະຖານທີ່ພົບປະກັນແຫ່ງສັນຕິພາບ. ນີ້ແມ່ນໜຶ່ງໃນຈຳນວນໜ້ອຍສະຖານທີ່ໃນທົ່ວປະເທດ ສາມາດຈະຫວນຄືນບັນຍາກາດແຫ່ງອະດີດຕະການຂອງເຂດ. ດ້ວຍການພັດທະນາຂອງການຄ້າ, ໂຮ້ຍອານ ໄດ້ເປີດກວ້າງເພື່ອກາຍເປັນເສັ້ນທາງພົບປະແລກປ່ຽນສຳຄັນທີ່ສຸດຢູ່ທະເລຕາເວັນອອກ ແລະ ແມ່ນສະຖານທີ່ດຳລົງຊີວິດຂອງພໍ່ຄ້າທີ່ມາຈາກທຸກແຖບຖິ່ນໃນທົ່ວໂລກ.
ບຸນຄົງ
