ນັກທ່ອງທ່ຽວສາກົນມາ ຫວຽດນາມ ໃນເດືອນ ພະຈິກ 2022 ບັນລຸເກືອບ 597.000 ເທື່ອຄົນ, ເພີ່ມຂຶ້ນກວ່າ 23% ເມື່ອທຽບໃສ່ເດືອນກ່ອນ ແລະ ເພີ່ມຂຶ້ນເກືອບ 40 ເທົ່າເມື່ອທຽບໃສ່ໄລຍະດຽວກັນຂອງປີກາຍ.
 |
ນັກທ່ອງທ່ຽວສາກົນມາທ່ຽວຫວຽດນາມ ເພີ່ມຂຶ້ນຢ່າງແຮງ.
ວັນທີ 29 ພະຈິກ, ກົມໃຫຍ່ສະຖິຕິ, ກະຊວງແຜນການ ແລະ ການລົງທຶນ ຫວຽດນາມ ໃຫ້ຮູ້ວ່າ: ໃນ 11 ເດືອນປີ 2022, ນັກທ່ອງທ່ຽວສາກົນມາ ຫວຽດນາມ ບັນລຸ 2,95 ລ້ານເທື່ອຄົນ, ເພີ່ມຂຶ້ນ 21 ເທົ່າເມື່ອທຽບໃສ່ໄລຍະດຽວກັນຂອງປີກາຍ. ນີ້ແມ່ນຍ້ອນວ່າ ຫວຽດນາມ ໄດ້ເປີດກ້ວາງການທ່ອງທ່ຽວ, ເສັ້ນທາງການບິນສາກົນໄດ້ຮັບການຟື້ນຟູ.
ເພື່ອແນໃສ່ເພີ່ມທະວີການໂຄສະນາການທ່ອງທ່ຽວຫວຽດນາມ ໃຫ້ແກ່ຕະຫຼາດທ່ອງທ່ຽວທີ່ມີຄວາມຫຼາກຫຼາຍ, ຫວ່າງມໍ່ໆມານີ້, ອົງການທ່ອງທ່ຽວແຫ່ງຊາດຫວຽດນາມ ໄດ້ເປີດນຳໃຊ້ລະບົບໄປສະນີເອເລັກໂຕຼນິກ (email) ເພື່ອໂຄສະນາການທ່ອງທ່ຽວຫວຽດນາມ ຢູ່ທີ່ທີ່ຢູ່ https://mail.vietnam.travel. ນີ້ແມ່ນຄັ້ງທຳອິດທີ່ຂະແໜງທ່ອງທ່ຽວຫວຽດນາມ ມີລະບົບອີເມວພິເສດຮັບໃຊ້ບັນດາການເຄື່ອນໄຫວສົ່ງເສີມການທ່ອງທ່ຽວ, ເຊື່ອມໂຍງກັບເຄື່ອງໝາຍການທ່ອງທ່ຽວທີ່ມີຊື່ສຽງ vietnam.travel (ເວັບໄຊສົ່ງເສີມການທ່ອງທ່ຽວ ຫວຽດນາມ ຢູ່ຕ່າງປະເທດ).
ດັ່ງນັ້ນ, ມາຮອດປະຈຸບັນ, ຂະແໜງທ່ອງທ່ຽວ ຫວຽດນາມ ມີລະບົບອີເມລ໌ສົ່ງເສີມການທ່ອງທ່ຽວ (mail.vietnam.travel) ແລະ ລະບົບອີເມລ໌ບໍລິການສາທາລະນະເພື່ອຮັບໃຊ້ການຄຸ້ມຄອງລັດ (https://mail.vietnamtourism.gov.vn/), ດ້ວຍເຫດນີ້ ປັບປຸງລະບົບທຸລະກຳອີເມວໃນຂະແໜງການທ່ອງທ່ຽວຢ່າງມີວິທີການ, ເປັນມືອາຊີບ, ສອດຄ່ອງກັບເຄື່ອງໝາຍການທ່ອງທ່ຽວຫວຽດນາມ.
ນອກນີ້, ແຕ່ວັນທີ 2 ທັນວານີ້, ສູນຂໍ້ມູນຂ່າວສານການທ່ອງທ່ຽວ (ກົມໃຫຍ່ທ່ອງທ່ຽວ) ຈະສົມທົບກັບບັນດາຫົວໜ່ວຍຄູ່ຮ່ວມມືເພື່ອເປີດໂຄງການ “ບັດຫວຽດນາມ” ໃນໂຄງການ “ໜຶ່ງບັດແຫ່ງຊາດ” ໂດຍກະຊວງອຸດສາຫະກຳ ແລະ ການຄ້າເປັນຜູ້ຮັບຜິດຊອບ ກັບກະຊວງ ແລະ ສາຂາທີ່ກ່ຽວຂ້ອງ ເພື່ອຈັດຕັ້ງປະຕິບັດ.
ບູນມີ
