| ເພີ່ມທະວີການຮ່ວມມືດ້ານການບຳລຸງສ້າງ ພະນັກງານການນຳ, ຄຸ້ມຄອງ ໃຫ້ແກ່ພັກ ແລະ ລັດລາວ | |
| ຕໍ່ກຳລັງໜູນໃໝ່ໃຫ້ແກ່ສາຍພົວພັນຄູ່ຮ່ວມມື, ການຮ່ວມມືຍຸດທະສາດຮອບດ້ານ ຫວຽດນາມ-ຈີນ |
 |
| ການພົບປະບໍ່ເປັນທາງການລະຫວ່າງບັນດາລັດຖະມົນຕີກະຊວງປ້ອງກັນປະເທດ ອາຊຽນ ກັບລັດຖະມົນຕີກະຊວງປ້ອງກັນປະເທດ ອິນເດຍ |
ທີ່ການພົບປະບໍ່ເປັນທາງການກັບບັນດາລັດຖະມົນຕີກະຊວງປ້ອງກັນປະເທດ ອາຊຽນ, ທ່ານລັດຖະມົນຕີກະຊວງປ້ອງກັນປະເທດ ອາເມລິກາ ໄດ້ຢັ້ງຢືນຄືນໃໝ່ຄຳໝັ້ນສັນຍາຂອງອາເມລິກາ ກ່ຽວກັບເຂດມະຫາສະໝຸດອິນເດຍ ປາຊີຟິກ ແຫ່ງຄວາມເສລີ ແລະ ເປີດກວ້າງ, ບົນພື້ນຖານເຄົາລົບເອກະລາດອະທິປະໄຕຂອງບັນດາປະເທດ ບໍ່ວ່າປະເທດໃຫຍ່ຫຼືນ້ອຍ ແລະ ເຄົາລົບກົດໝາຍສາກົນ.
ຫົວໜ້າຄະນະບັນດາປະເທດອາຊຽນ ໄດ້ສະແດງຄວາມຊົມເຊີຍຕໍ່ເລື່ອງ ອາເມລິກາ ເຂົ້າຮ່ວມບັນດາກົນໄກຮ່ວມມືໂດຍອາຊຽນນຳພາຢ່າງຕັ້ງໜ້າ, ພິເສດແມ່ນກອງປະຊຸມລັດຖະມົນຕີກະຊວງປ້ອງກັນປະເທດ ບັນດາປະເທດ ອາຊຽນເປີດກວ້າງ (ADMM+). ຮັບຮູ້ບັນດາຄວາມມານະພະຍາຍາມຢ່າງຕັ້ງໜ້າຂອງອາເມລິກາ ໃນການຮ່ວມມືດ້ານປ້ອງກັນຊາດກັບອາຊຽນ ໃນໄລຍະຜ່ານມາ, ຫົວໜ້າຄະນະບັນດາປະເທດ ອາຊຽນ ຫວັງວ່າ ອາເມລິກາຈະສືບຕໍ່ເຂົ້າຮ່ວມ ແລະ ປະກອບສ່ວນຢ່າງຕັ້ງໜ້າເຂົ້າໃນບັນດາກົນໄກ, ຂອບເຂດໂດຍອາຊຽນເປັນເຈົ້າພາບ, ໃຫ້ຄຳໝັ້ນສັນຍາຈະສະໜັບສະໜູນຄວາມສາມັກຄີ, ເຫັນດີເປັນເອກະພາບ ແລະ ບົດບາດໃຈກາງຂອງອາຊຽນ.
ທີ່ການພົບປະບໍ່ເປັນທາງການລະຫວ່າງລັດຖະມົນຕີກະຊວງປ້ອງກັນປະເທດ ອາຊຽນ ກັບລັດຖະມົນຕີກະຊວງປ້ອງກັນປະເທດ ອິນເດຍ, ທ່ານ Shri Rajnath Singh ລັດຖະມົນຕີກະຊວງປ້ອງກັນປະເທດ ອິນເດຍ ຢັ້ງຢືນວ່າ ອິນເດຍຍາມໃດກໍ່ເຄົາລົບບົດບາດເປັນໃຈກາງຂອງ ອາຊຽນ, ຕັ້ງໜ້າເຂົ້າຮ່ວມກົນໄກໂດຍອາຊຽນນຳພາຄື ກອງປະຊຸມຂັ້ນສູງ ອາຊີຕາເວັນອອກ (EAS), ເວທີປາໄສພາກພື້ນ ອາຊຽນ (ARF)… ນະໂຍບາຍ “ການກະທຳມຸ່ງໄປສູ່ທາງທິດຕາເວັນອອກ” ເປັນຕົ້ນແມ່ນການສະແດງຄຳໝັ້ນສັນຍາຢ່າງແຮງຂອງອິນເດຍໃນການຊຸກຍູ້ການພົວພັນກັບອາຊຽນ. ທີ່ການພົບປະ, ທ່ານລັດຖະມົນຕີກະຊວງປ້ອງກັນປະເທດ ອິນເດຍ ສະເໜີບັນດາຂໍ້ລິເລີ່ມຮ່ວມມືກັບ ອາຊຽນ ກ່ຽວກັບການຊຸກຍູ້ການເຂົ້າຮ່ວມຂອງແມ່ຍິງອາຊຽນ ເຂົ້າການເຄື່ອນໄຫວຮັກສາສັນຕິພາບ ສປຊ ແລະ ການຮັບມືກັບໄພມົນລະພິດຢູ່ທະເລຍ້ອນຂີ້ເຫຍື້ອປຼາດຕິກ.
ຫົວໜ້າຄະນະຜູ້ແທນບັນດາປະເທດ ອາຊຽນ ຕີລາຄາສູງການເຂົ້າຮ່ວມຢ່າງຕັ້ງໜ້າ ແລະ ຄວາມຮັບຜິດຊອບຂອງ ອິນເດຍ ໃນບັນດາການເຄື່ອນໄຫວໂດຍອາຊຽນນຳພາ, ພິເສດແມ່ນ ADMM+ ແລະ ບັນດາກຸ່ມນັກຊ່ຽວຊານ ADMM+, ປະກອບສ່ວນສ້າງຄວາມໄວ້ເນື້ອເຊື່ອໃຈ ແລະ ເພີ່ມທະວີການປະສານສົມທົບ ແລະ ຊ່ວຍເຫຼືອ ອາຊຽນ ໃນການສ້າງຄວາມກຳລັງແຮງ. ຫົວໜ້າຄະນະຜູ້ແທນບັນດາປະເທດ ອາຊຽນ ໄດ້ຊົມເຊີຍ ແລະ ສະໜັບສະໜູນບັນດາຂໍ້ລິເລີ່ມທີ່ ອິນເດຍ ສະເໜີ.
ກ່າວຄຳເຫັນທີ່ການພົບປະບໍ່ເປັນທາງການຂອງລັດຖະມົນຕີປ້ອງກັນປະເທດບັນດາປະເທດ ອາຊຽນ ກັບທ່ານລັດຖະມົນຕີກະຊວງປ້ອງກັນປະເທດ ອິນເດຍ Shri Rajnath Singh, ທ່ານລັດຖະມົນຕີ ຟານວັນຢາງ ຕີລາຄາສູງບັນດາຂໍ້ສະເໜີຂອງກະຊວງປ້ອງກັນປະເທດ ອິນເດຍ ເພື່ອສະເຫຼີມສະຫຼອງ 30 ປີແຫ່ງວັນສ້າງຕັ້ງການພົວພັນ ອາຊຽນ - ອິນເດຍ. ເລື່ອງລັດຖະມົນຕີປ້ອງກັນປະເທດ ອາຊຽນ ແລະ ອິນເດຍ ຈັດກອງປະຊຸມບໍ່ເປັນທາງການຄັ້ງທຳອິດນີ້ ແມ່ນໂອກາດດີເພື່ອປຶກສາຫາລືບັນດາບັນຫາທີ່ຕ່າງຝ່າຍຕ່າງມີຄວາມສົນໃຈ, ຊຸກຍູ້ການຮ່ວມມືດ້ານປ້ອງກັນຊາດລະຫວ່າງ ອາຊຽນ - ອິນເດຍ. ໄປຄຽງຄູ່ກັນນັ້ນ, ເລື່ອງອາຊຽນຕົກລົງຈັດຕັ້ງການຊ້ອມຮົບທາງທະເລອາຊຽນ-ອິນເດຍຄັ້ງທຳອິດ ໄດ້ສະແດງໃຫ້ເຫັນວ່າ ອາຊຽນສະໜັບສະໜູນຂໍ້ສະເໜີຂອງອິນເດຍ.
ພາຍຫຼັງການພົບປະບໍ່ເປັນທາງການລະຫວ່າງ ອາຊຽນ - ອາເມລິກາ, ອາຊຽນ - ອິນເດຍ, ທ່ານລັດຖະມົນຕີກະຊວງປ້ອງກັນປະເທດ ຟານວັນຢາງ ໄດ້ມີການພົບປະສອງຝ່າຍກັບລັດຖະມົນຕີກະຊວງປ້ອງກັນປະເທດ ອິນໂດເນເຊຍ, ອາເມລິກາ, ສ.ເກົາຫຼີ ແລະ ອິນເດຍ.
ບຸນຄົງ
