ເພີ່ມທະວີການຮ່ວມມືດ້ານການບຳລຸງສ້າງ ພະນັກງານການນຳ, ຄຸ້ມຄອງ ໃຫ້ແກ່ພັກ ແລະ ລັດລາວ

08:31 | 17/11/2022

ຍສໝ - ຕອນເຊົ້າວັນທີ 14 ພະຈິກ, ສະຖາບັນການເມືອງແຫ່ງຊາດ ໂຮ່ຈີມິນ ໄດ້ຈັດກອງປະຊຸມສະເຫຼີມສະຫຼອງ 60 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ລາວ (5 ກັນຍາ 1962 – 5 ກັນຍາ 2022), ສະເຫຼີມສະຫຼອງ 45 ປີແຫ່ງວັນເຊັນສົນທິສັນຍາມິດຕະພາບ ແລະ ການຮ່ວມມື ຫວຽດນາມ - ລາວ (18 ກໍລະກົດ 1977 – 18 ກໍລະກົດ 2022) ແລະ ພິທີປະດັບຫຼຽນໄຊ ແລະ ຫຼຽນກາຂອງ ພັກ, ລັດ ລາວ ໃຫ້ແກ່ສ່ວນບຸກຄົນ ແລະ ໝູ່ຄະນະຂຶ້ນກັບລະບົບຂອງສະຖາບັນການເມືອງແຫ່ງຊາດ ໂຮ່ຈີມິນ.

	ຕໍ່ກຳລັງໜູນໃໝ່ໃຫ້ແກ່ສາຍພົວພັນຄູ່ຮ່ວມມື, ການຮ່ວມມືຍຸດທະສາດຮອບດ້ານ ຫວຽດນາມ-ຈີນ
	ກຳລັງທະຫານປ້ອງກັນຊາຍແດນ ຫວຽດນາມ - ລາວ ເພີ່ມທະວີການຮ່ວມມື

ທ່ານ ສຈ.ປອ ຫງວຽນຊວັນທັ່ງ, ກຳມະການກົມການເມືອງ, ຜູ້ອຳນວຍການສະຖາບັນການເມືອງແຫ່ງຊາດ ໂຮ່ຈີມິນ, ປະທານສະພາທິດສະດີສູນກາງ ເຂົ້າຮ່ວມພິທີ. ຄະນະຜູ້ແທນ ສະຖາບັນການເມືອງ ແລະ ການປົກຄອງແຫ່ງຊາດ ລາວ, ໂດຍ ສະຫາຍ ພູວົງ ອຸ່ນຄຳແສງ, ກຳມະການສູນກາງພັກປະຊາຊົນປະຕິວັດລາວ, ຜູ້ອຳນວຍການສະຖາບັນການເມືອງ ແລະ ການປົກຄອງແຫ່ງຊາດ ລາວ ເປັນຫົວໜ້າຄະນະ ກໍໄດ້ເປັນກຽດເຂົ້າຮ່ວມ.

ເພີ່ມທະວີການຮ່ວມມືດ້ານການບຳລຸງສ້າງ ພະນັກງານການນຳ, ຄຸ້ມຄອງ ໃຫ້ແກ່ພັກ ແລະ ລັດລາວ

ບັນດາຜູ້ແທນຫວຽດນາມເຂົ້າຮ່ວມພິທີ

ກ່າວຄຳເຫັນທີ່ພິທີ, ທ່ານ ຮສ.ປອ ຫງວຽນຢຸຍບັກ, ຮອງຫົວໜ້າອຳນວຍການຜູ້ປະການ ສະຖາບັນການເມືອງແຫ່ງຊາດ ໂຮ່ຈີມິນ ຢືນຢັນວ່າ: 2 ປະເທດ ຫວຽດນາມ - ລາວ ມີການພົວພັນມິດຕະພາບທີ່ໃກ້ຊິດທາງດ້ານພູມີສາດ, ຕິດພັນໃນດ້ານການເມືອງ, ມີຄວາມຄ້າຍຄືກັນໃນດ້ານວັດທະນະທຳ, ປະຫວັດສາດ, ເງື່ອນໄຂເສດຖະກິດ; ເຄີຍແບ່ງທຸກແບ່ງສຸກນຳກັນ ໃນຂະບວນການຕໍ່ສູ້ຕ້ານລັດທິລ່າເມືອງຂຶ້ນ ແລະ ຟື້ນຟູພື້ນຖານເອກະລາດແຫ່ງຊາດ; ເຄີຍແບ່ງທຸກແບ່ງສຸກໃນພາລະກິດແຫ່ງການສ້າງສາປະເທດຊາດຄືີນໃໝ່ໃຫ້ຈະເລີນຮຸ່ງເຮືອງ ແລະ ມີຄວາມຜາສຸກ.

ການພົວພັນລະຫວ່າງຫວຽດນາມ ແລະ ລາວ ແມ່ນການພົວພັນທີ່ມີຄວາມໝາຍຄົງຕົວສຳລັບການພັດທະນາຂອງແຕ່ລະປະເທດ ແລະ ມີບົດບາດສຳຄັນໃນໂຄງປະກອບການພົວພັນໃນພາກພື້ນ. ການຮ່ວມມືລະຫວ່າງຫວຽດນາມ ແລະ ລາວ ແມ່ນຄວາມຕ້ອງການທີ່ຈຳເປັນ, ພາວະວິໄສ ຂອງທັງສອງຝ່າຍ, ປະກອບສ່ວນເຂົ້າໃນການຮັບປະກັນສັນຕິພາບ, ສະຖຽນລະພາບ ແລະ ການພັດທະນາຂອງພາກພື້ນອາຊີຕາເວັນອອກສ່ຽງໃຕ້. ປະທານ ໂຮ່ຈີມິນ ເຄີຍເວົ້າວ່າ: “ການປະຕິວັດລາວບໍ່ສາມາດຂາດການຊ່ວຍເຫຼືອຈາກການປະຕິວັດຫວຽດນາມ ແລະ ການປະຕິວັດຫວຽດນາມ ກໍ່ບໍ່ສາມາດເຮັດໄດ້ຖ້າບໍ່ມີການຊ່ວຍເຫຼືອຈາກການປະຕິວັດລາວ”.

ໃນແຕ່ລະປີ, ສະຖາບັນໄດ້ຮັບນັກສຶກສາ, ນັກຄົ້ນຄວ້າ, ນັກສຳມະນາກອນລາວເກືອບ 500 ຄົນໃນບັນດາລະບົບການຮຽນ (ພະນັກງານວາງແຜນຂັ້ນຍຸດທະສາດ, ທິດສະດີການເມືອງຂັ້ນສູງ, ການຝຶກອົບຮົມວິຊາຊີບ, ປະລິນຍາໂທ ແລະ ປະລິນຍາເອກ). ນັກສຶກສາລາວຢູ່ສະຖາບັນໄດ້ຕັ້ງໜ້າຮ່ຳຮຽນ, ຄົ້ນຄວ້າ, ມີຫຼາຍສະຫາຍໄດ້ຮຽນຈົບດ້ວຍຜົນການຮຽນດີເດັ່ນ ແລະ ໄດ້ກັບຄືນມາເຮັດວຽກ, ເສີມຂະຫຍາຍປະສິດທິຜົນ, ປະກອບສ່ວນສຳຄັນເຂົ້າໃນການສ້າງສາ ແລະ ພັດທະນາປະເທດຊາດ.

ມີນັກສຳມະນາກອນຫຼາຍຄົນໄດ້ກາຍເປັນການນຳຂັ້ນສູງຂອງພັກ, ລັດ ລາວ, ການນຳຂອງບັນດາຄະນະ, ກະຊວງ, ຂະແໜງການສູນກາງ ແລະ ທ້ອງຖິ່ນ, ນຳພາ ແລະ ຊີ້ນຳການພັດທະນາປະເທດຊາດໂດຍກົງ, ພ້ອມທັງຊຸກຍູ້ການພົວພັນແບບພິເສດລະຫວ່າງສອງພັກ, ສອງລັດ ແລະ ປະຊາຊົນສອງປະເທດ ຫວຽດນາມ - ລາວ.

ສະຖາບັນການເມືອງແຫ່ງຊາດ ໂຮ່ຈີມິນ ແລະ ສະຖາບັນການເມືອງ ແລະ ການປົກຄອງແຫ່ງຊາດລາວ ໄດ້ຜັນຂະຫຍາຍຫຼາຍໂຄງການ, ລາຍການຄົ້ນຄ້ວາລວມ ເພື່ອປະກອບສ່ວນເຂົ້າໃນການພັດທະນາ ແລະ ປະຕິບັດສຳເລັດແນວທາງ, ທັດສະນະ, ແຜນນະໂຍບາຍຂອງພັກ, ນະໂຍບາຍ, ກົດໝາຍຂອງລັດ ຄືບັນດາໂຄງການ: ພັດທະນາ ແລະ ປະຕິບັດລະບອບລະບຽບເສດຖະກິດການຕະຫຼາດຕາມທິດສັງຄົມນິຍົມໃຫ້ສຳເລັດຜົນ, ສ້າງພັກກຳອຳນາດ ແລະ ສ້າງລັດແຫ່ງອຳນາດກົດໝາຍຕາມທິດສັງຄົມນິຍົມ, ຄຸ້ມຄອງລັດດ້ວຍກົດໝາຍ, ຄົ້ນຄ້ວາພື້ນຖານແນວຄິດຂອງພັກ, ພິເສດແມ່ນໂຄງການແປປຶ້ມໂຮ່ຈີມິນຄົບຊຸດ ແລະ ວັດຈະນານຸກົມໂຮ່ຈີມິນວິທະຍາ ຈາກພາສາຫວຽດ ມາເປັນພາສາລາວ.

ບຸນຄົງ