ກົມໃຫຍ່ທ່ອງທ່ຽວ (ກະຊວງວັດທະນະທຳ, ກິລາ ແລະ ທ່ອງທ່ຽວ) ໃຫ້ຮູ້ວ່າ: ລາງວັນ “Oscar ຂອງການທ່ອງທ່ຽວໂລກ” World Travel Awards 2022 ຫາກໍ່ໄດ້ປະກາດລາຍຊື່ບັນດາລາງວັນລະດັບໂລກໃນປີ 2022, ຫວຽດນາມ ເປັນກຽດໄດ້ຮັບລາງວັນໃນ 16 ລາຍການລາງວັນແຖວໜ້າໂລກ.
ໃນລະດັບຊາດ, ຫວຽດນາມ ເປັນກຽດໄດ້ເຊີດຊູເປັນຈຸດໝາຍປາຍທາງມໍລະດົກແຖວໜ້າໂລກ (World’s Leading Heritage Destination 2022). ນີ້ແມ່ນຄັ້ງທີ 3 ທີ່ ຫວຽດນາມ ໄດ້ຮັບລາງວັນນີ້, 2 ຄັ້ງກ່ອນໜ້ານີ້ແມ່ນໃນປີ 2019 ແລະ 2020.
ຫວຽດນາມ ໄດ້ເຊີດຊູໃນ 16 ລາງວັນການທ່ອງທ່ຽວແຖວໜ້າໂລກ ຂອງ World Travel Awards 2022.
ເປັນໜ້າສົນໃຈແມ່ນບັນດາທ້ອງຖິ່ນ, ເຂດ ແລະ ສະຖານທີ່ທ່ອງທ່ຽວທີ່ມີຊື່ສຽງຂອງຫວຽດນາມ ເປັນກຽດໄດ້ເຊີດຊູເປັນສະຖານທີ່ທ່ອງທ່ຽວແຖວໜ້າໂລກໃນປີນີ້ຄື: ຮ່າໂນ້ຍ, ໂຮ້ຍອານ, ຝູກວກ, ມົກເຈົາ, ຕາມດ່າວ...
ຄຽງຄູ່ກັນນັ້ນ, ເຄື່ອງໝາຍການຄ້າຫວຽດນາມທີ່ມີຊື່ສຽງໃນຂົງເຂດໂຮງແຮມ, ຣີສອດ, ສາຍການບິນ, ບໍລິສັດບໍລິການທ່ອງທ່ຽວ… ກໍ່ໄດ້ຮັບອັນດັບທີ 1 ໃນບັນດາລາຍການແຖວໜ້າໂລກຂອງ WTA ປີ 2022.
ບັນຊີລາຍຊື່ບັນດາປະເພດລາງວັນແຖວໜ້າໂລກທີ່ ຫວຽດນາມ ຍາດໄດ້ຢູ່ World Travel Awards 2022 ຄື: ຈຸດໝາຍປາຍທາງມໍລະດົກໂລກ 2022 - ຫວຽດນາມ, ຈຸດໝາຍປາຍທາງຂອງມໍລະດົກແຖວໜ້າຂອງໂລກ (World’s Leading Heritage Destination 2022) - ຫວຽດນາມ, ຈຸດໝາຍປາຍທາງພັກຜ່ອນຢ່ອນອາລົມນະຄອນແຖວໜ້າໂລກ (World’s Leading Heritage Destination 2022) - ຮ່າໂນ້ຍ…
ຕາມກົມໃຫຍ່ທ່ອງທ່ຽວແລ້ວ, ລາງວັນດັ່ງກ່າວໄດ້ສະແດງໃຫ້ເຫັນຄວາມຮັກແພງ, ຄວາມຮັບຮູ້ ແລະ ເຊີດຊູຂອງປະຊາຄົມສາກົນກ່ຽວກັບຄວາມດຶງດູດ ແລະ ລະດັບຊັ້ນສູງຂອງການທ່ອງທ່ຽວຫວຽດນາມ.
ບູນມີ
