| ສັນຍານໃໝ່ຈາກຮູບແບບຕະຫຼາດນັດຊາຍແດນ ລາວບາວ | |
| Fitch Ratings ຄາດຄະເນວ່າ ການເຕີບໂຕທາງເສດຖະກິດໄລຍະກາງຂອງຫວຽດນາມ ມີບັນດາສັນຍານທີ່ສະດວກ |
ດ້ວຍບັນດາປູຊະນີຍະສະຖານ, ທັດສະນິຍະພາບຫຼາຍຮູບຫຼາຍແບບ ແລະພື້ນຖານວັດທະນະທຳທີ່ອຸດົມສົມບູນ, ຂະແໜງທ່ອງທ່ຽວຫວຽດນາມ ມີທ່າໄດ້ປຽບຫຼາຍຢ່າງເພື່ອປະກອບສ່ວນເຂົ້າໃນການພັດທະນາປະເທດຊາດໃນສັງກາດບືນຕົວຂຶ້ນຂອງຊາດ.
ໜ້າທີ່ຫຍຸ້ງຍາກ, ຈະປະສົບຜົນສໍາເລັດໄດ້ຫຼືບໍ?
ດ້ວຍຈຳນວນນັກທ່ອງທ່ຽວສາກົນມາຫວຽດນາມ ໃນປີ 2024 ບັນລຸ 17,5 ລ້ານເທື່ອຄົນ, ໃນປີ 2025, ຂະແໜງທ່ອງທ່ຽວສູ້ຊົນບັນລຸເປົ້າໝາຍຕ້ອນຮັບນັກທ່ອງທ່ຽວສາກົນ 22 – 23 ລ້ານເທື່ອຄົນ ແລະຮັບໃຊ້ນັກທ່ອງທ່ຽວພາຍໃນປະເທດ 120 – 130 ລ້ານເທື່ອຄົນ; ຍອດລາຍຮັບຈາກນັກທ່ອງທ່ຽວຄາດວ່າຈະບັນລຸປະມານ 980 – 1.050 ພັນຕື້ດົ່ງ.
ນັກຊ່ຽວຊານຫຼາຍຄົນຖືວ່າ ການຕ້ອນຮັບນັກທ່ອງທ່ຽວສາກົນ 22 - 23 ລ້ານເທື່ອຄົນແມ່ນເປົ້າໝາຍບໍ່ເປັນໄປໄດ້ໃນເງື່ອນໄຂປະຈຸບັນ. ເຖິງຢ່າງໃດກໍຕາມດ້ວຍນັກທ່ອງທ່ຽວ 17,5 ລ້ານເທື່ອຄົນໃນປີ 2024, ສາມາດເຫັນໄດ້ການບຸກທະລຸ, ເບິ່ງຄືວ່າບໍ່ເປັນໄປໄດ້, ສິ່ງທີ່ບັນດານັກຊ່ຽວຊານໃຫ້ຂໍ້ສັງເກດກ່ຽວກັບການທ່ອງທ່ຽວຂອງຫວຽດນາມ ພາຍຫຼັງພະຍາດໂຄວິດ-19.
 |
| ພາບປະກອບ: ລືວເຮືອງ |
ດ້ວຍນັກທ່ອງທ່ຽວຕ່າງປະເທດເຂົ້າມາຫວຽດນາມ 17,5 ລ້ານຄົນ, ເພີ່ມຂຶ້ນ 38,9% ເມື່ອທຽບໃສ່ໄລຍະດຽວກັນຂອງປີ 2023. ໃນຂະນະທີ່ນັກທ່ອງທ່ຽວພາຍໃນປະເທດເພີ່ມຂຶ້ນພຽງແຕ່ 1,6% (110 ລ້ານເທື່ອຄົນ), ຕົວເລກ 38,9% ສະແດງໃຫ້ເຫັນເຖິງບາດກ້າວບຸກທະລຸທີ່ບໍ່ເຄີຍມີມາກ່ອນ, ເຮັດໃຫ້ຂະແໜງທ່ອງທ່ຽວມີທີ່ຕັ້ງໃໝ່, ກາຍເປັນຈຸດພົ້ນເດັ່ນໃນການພັດທະນາເສດຖະກິດ-ສັງຄົມ ຂອງປະເທດ.
ເຖິງຢ່າງໃດກໍຕາມ, ຍັງຕ້ອງຮັບຮູ້ວ່າ ຈາກຜົນງານໄດ້ຮັບນັກທ່ອງທ່ຽວ 17,5 ລ້ານເທື່ອຄົນ ໃນປີ 2024 ແລະສູ້ຊົນເພື່ອຮັບນັກທ່ອງທ່ຽວໃຫ້ໄດ້ແຕ່ 22 – 23 ລ້ານເທື່ອຄົນໃນປີ 2025 ແມ່ນໜ້າທີ່ທີ່ຫຍຸ້ງຍາກ. ຖ້າບໍ່ມີຍຸດທະສາດຖືກຕ້ອງ, ບໍ່ມີການຊຸກຍູ້ການບໍລິການທ່ອງທ່ຽວອາຊີບ, ທ່ວງທັນກັບທ່າອ່ຽງຂອງໂລກ, ແມ່ນບໍ່ສາມາດປະສົບຜົນສໍາເລັດໄດ້.
ຕາມທ່ານ ຮ່າວັນສຽວ, ຮອງຫົວໜ້າກົມທ່ອງທ່ຽວແຫ່ງຊາດຫວຽດນາມ ແລ້ວ, ປີ 2025 ແມ່ນປີທີ່ມີຄວາມໝາຍສຳຄັນເປັນພິເສດ, ມີຫຼາຍວັນບຸນໃຫຍ່. ໃນຂະນະນັ້ນ, ຕະຫຼາດນັກທ່ອງທ່ຽວສາກົນສາມາດເຕີບໂຕໃນເງື່ອນໄຂນະໂຍບາຍອຳນວຍຄວາມສະດວກກ່ຽວກັບວີຊາ ແລະການເຂົ້າອອກເມືອງ.
ຫວຽດນາມ ມີຄວາມສາມາດບົ່ມຊ້ອນຫຼາຍເພື່ອຕອບສະໜອງບັນດາທ່າອ່ຽງທ່ອງທ່ຽວໃໝ່, ຄື: ການທ່ອງທ່ຽວແບບຍືນຍົງ, ມີຄວາມຮັບຜິດຊອບຕໍ່ສິ່ງແວດລ້ອມ ແລະສັງຄົມ; ນັກທ່ອງທ່ຽວເລືອກສະຖານທີທ່ອງທ່ຽວບໍ່ໜາແໜ້ນປານໃດ; ຫັນຈາກການຢ້ຽມຢາມໄປສູ່ພຶດຕິກໍາຕົວຈິງ; ການທ່ອງທ່ຽວເບິ່ງແຍງດູແລສຸຂະພາບ; ການທ່ອງທ່ຽວຄອບຄົວຫຼາຍລຸ້ນ; ການທ່ອງທ່ຽວໂດຍ AI ອອກແບບລາຍການ…
ຜູ້ຕາງໜ້າກົມທ່ອງທ່ຽວແຫ່ງຊາດຫວຽດນາມ ຖືວ່າ ຜົນສຳເລັດຂອງການທ່ອງທ່ຽວບໍ່ພຽງແຕ່ສະແດງໃຫ້ເຫັນຜ່ານຕົວເລກ “ສາມາດວັດແທກໄດ້” ເທົ່ານັ້ນ, ຫາກຍັງຜ່ານຫຼາຍແງ່ມູມອີກດ້ວຍ. ນັ້ນແມ່ນຄວາມເອົາໃຈໃສ່ ແລະການສະໜັບສະໜູນຂອງທົ່ວສັງຄົມສໍາລັບການທ່ອງທ່ຽວ, ສິ່ງທີ່ຮັບຮູ້ໄດ້ງ່າຍທີ່ສຸດແມ່ນຄວາມສີວິໄລ, ຄວາມເປັນມິດຂອງປະຊາຄົມຕໍ່ນັກທ່ອງທ່ຽວ, ປະກອບສ່ວນຢ່າງຕັ້ງໜ້າເຂົ້າໃນການໂຄສະນາເຜີຍແຜ່ສານທີ່ວ່າ ຫວຽດນາມ ແມ່ນປະເທດທີ່ມີຄວາມປອດໄພ, ສະໜິດສະໜົມ ແລະດຶງດູດໃຈ.
ຄຽງຂ້າງນັ້ນ, ແມ່ນການເຂົ້າຮ່ວມຂອງບັນດາທ້ອງຖິ່ນ, ວິສາຫະກິດໃນການລົງທຶນກໍ່ສ້າງພື້ນຖານໂຄງລ່າງພັກເຊົາ, ການບໍລິການ... ການລົງທຶນໄດ້ສ້າງໂສມໜ້າໃໝ່ຢູ່ຫຼາຍທ້ອງຖິ່ນ, ຫຼາຍກິດຈະກຳ, ໂຄງການໃໝ່ໄດ້ຮັບການຜັນຂະຫຍາຍດ້ວຍຫຼາຍຮູບແບບໃໝ່, ສ້າງພື້ນຖານໂຄງລ່າງທີ່ທັນສະໄໝ, ຊຸກຍູ້ການພັດທະນາການທ່ອງທ່ຽວເຂົ້າສູ່ລວງເລິກ.
ຄວາມສາມາດບົ່ມຊ້ອນຈາກ "ບໍ່ຄໍາວັດທະນະທໍາ"
ໂດຍແມ່ນປະເທດທີ່ມີວັດທະນະທໍາອຸດົມສົມບູນ, ມີມໍລະດົກທີ່ເປັນຮູບຮ່າງ ແລະບໍ່ເປັນຮູບຮ່າງຫຼາຍຮູບຫຼາຍແບບຫຼາຍຢ່າງ, ດ້ວຍ 30 ກວ່າມໍລະດົກໂລກທີ່ໄດ້ຮັບການຮັບຮອງຈາກອົງການ UNESCO, ມີທັດສະນິຍະພາບທີ່ສວຍງາມ, ມະຫັດສະຈັນຫຼາຍແຫ່ງ, ສ້າງອອກບັນດາມໍລະດົກທີ່ເຕັມໄປດ້ວຍຄຸນຄ່າຂອງຫວຽດນາມ. ນ້ັນບໍ່ພຽງແຕ່ເປັນແຫຼ່ງທຶນເທົ່ານັ້ນ, ຫາກຍັງເປັນພື້ນຖານອັນໜັກແໜ້ນບໍ່ແມ່ນວ່າປະເທດໃດກໍ່ມີ ເພື່ອດຶງດູດນັກທ່ອງທ່ຽວສາກົນອີກດ້ວຍ.
 | |
|
ພິເສດແມ່ນບັນດາງານບຸນປະເພນີແຕ່ເໜືອຮອດໃຕ້, ທີ່ດຳເນີນໃນຕະຫຼອດລະດູບານໃໝ່ ແລະໃນປີ, ໄດ້ສ້າງເປັນ “ບໍ່ຄຳວັດທະນະທຳ” ທີ່ເປັນເອກະລັກສະເພາະສໍາລັບເພື່ອນມິດສາກົນ, ສ້າງຄວາມປະທັບໃຈໃຫ້ແຂກທ່ອງທ່ຽວເມື່ອມາຄົ້ນຫາສິ່ງທີ່ໃໝ່ອ່ຽມຂອງປະເທດຕາເວັນອອກ.
ຂໍ້ມູນຫຼ້າສຸດສະແດງໃຫ້ເຫັນວ່າ ໃນໂອກາດບຸນປີໃໝ່ປະຈໍາຊາດ ປີມະເສັງ 2025, ການເຄື່ອນໄຫວທ່ອງທ່ຽວໃນທົ່ວປະເທດໄດ້ດໍາເນີນຢ່າງຄຶກຄື້ນ. ຈຳນວນແຂກທ່ອງທ່ຽວພາຍໃນ ແລະຕ່າງປະເທດສືບຕໍ່ເພີ່ມຂຶ້ນເມື່ອທຽບໃສ່ໄລຍະດຽວກັນຂອງປີ 2024, ຫຼາຍແຂວງ, ນະຄອນບັນລຸລາຍຮັບນັບພັນຕື້ດົ່ງ. ໃນໄລຍະພຽງ 9 ວັນ, ແຕ່ວັນທີ 25 ມັງກອນ ຫາວັນທີ 2 ກຸມພາ, ທົ່ວປະເທດຕ້ອນຮັບ ແລະຮັບໃຊ້ແຂກທ່ອງທ່ຽວພາຍໃນປະເທດປະມານ 12,5 ລ້ານເທື່ອຄົນ, ເພີ່ມຂຶ້ນປະມານ 19% ເມື່ອທຽບໃສ່ໄລຍະດຽວກັນຂອງປີ 2024.
ຢູ່ຫຼາຍແຂວງ, ນະຄອນຕ່າງໆກໍ່ສໍາເລັດ ແລະສ້າງບັນດາໂຄງການໃໝ່ເພື່ອຮັບໃຊ້ການທ່ອງທ່ຽວຕາມທິດສຸມໃສ່ລົງເລິກ, ຄຸນນະພາບ, ວິຊາສະເພາະ, ຍືນຍົງ, ສ້າງເຄື່ອງໝາຍສິນຄ້າ; ສ້າງບັນດາຜະລິດຕະພັນການທ່ອງທ່ຽວທີ່ມີຄຸນນະພາບສູງ ເພື່ອແນໃສ່ນຳມາເຊິ່ງບັນດາຄຸນຄ່າຕົວຈິງ, ປະທັບໃຈໃຫ້ແກ່ນັກທ່ອງທ່ຽວ.
ດ້ວຍທັດສະນິຍະພາບທີ່ສວຍງາມ, ມໍລະດົກຫຼາຍຮູບຫຼາຍແບບ ຫວັງວ່າປີ 2025 ການທ່ອງທ່ຽວຫວຽດນາມ ຈະບຸກທະລຸດ້ວຍກຳລັງໜູນໃໝ່, ທ່າແຮງໃໝ່ພ້ອມກັບສັງກາດບືນຕົວຂຶ້ນຂອງປະເທດຊາດ.
 | ການສົ່ງອອກຂອງຫວຽດນາມ ສະແດງໃຫ້ເຫັນບັນດາສັນຍານການຟື້ນຟູ ຍສໝ - ຫວຽດນາມ ພວມຟື້ນຕົວເປັນປົກກະຕິຈາກການຊຸດໂຊມຂອງການຄ້າທົ່ວໂລກ ແລະ ການສົ່ງອອກມີຄວາມອາດສາມາດທີ່ສືບຕໍ່ເພີ່ມຄວາມໄວ ເມື່ອໃບສັ່ງສິນຄ້າໄດ້ຮັບການປັບປຸງ. |
 | ລາວ-ຫວຽດນາມ ມອບ-ຮັບສະຖານີເຄືອຂ່າຍສົ່ງຕໍ່ສັນຍານວິທະຍຸ – ໂທລະພາບຢູ່ແຂວງສະຫວັນນະເຂດ ໃນຕອນເຊົ້າຂອງວັນທີ 24 ທັນວາ 2018, ພິທີມອບ-ຮັບສະຖານີເຄືອຂ່າຍສົ່ງຕໍ່ສັນຍານວິທະຍຸ – ໂທລະພາບ ໄດ້ຈັດຂຶ້ນຢ່າງເປັນທາງການ ທີ່ບ້ານ ໂພໄຊ, ເມືອງພະລານໄຊ, ແຂວງສະຫວັນນະເຂດ, ໂດຍການເປັນປະທານ ຂອງທ່ານ ສະຫວັນຄອນ ຣາຊມຸນຕີ, ຮອງລັດຖະມົນຕີກະຊວງຖະແຫຼງຂ່າວ ວັດທະນະທຳ ແລະ ທ່ອງທ່ຽວ, ໂດຍມີທ່ານ ຄຳເຜີຍ ແກ້ວກິນນາລີ, ຮອງປະທານຄະນະກຳມາທິການຮ່ວມມືລາວ ... |
