ຍສໝ - ຕາມການລາຍງານຂອງນັກຂ່າວ VNA ປະຈຳເອີຣົບ, ໃນວັນທີ 23 ເມສາ ທີ່ນະຄອນຫຼວງ ວຽນນາ (Vienna) ຂອງປະເທດ ໂອຕຣິດ, ທ່ານເອກອັກຄະລັດຖະທູດ ຫວຽດນາມ ປະຈຳ ສາທາລະນະລັດ ໂອຕຣິດ ຫວູເລໄທຮ່ວາງ (VuLeThaiHoang) ໄດ້ມີການເຮັດວຽກຮ່ວມກັບ ທ່ານ Tobias Lang, ຜູ້ອຳນວຍການສູນສັນຕິພາບ ໂອຕຣິດ, ເພື່ອແນໃສ່ເພີ່ມທະວີການຮ່ວມມື ຫວຽດນາມ - ໂອຕຣິດ ໃນຂົງເຂດການຝຶກອົບຮົມ, ຍົກສູງຂີດຄວາມສາມາດໃຫ້ແກ່ກຳລັງທີ່ເຂົ້າຮ່ວມການເຄື່ອນໄຫວຮັກສາສັນຕິພາບຂອງ ສປຊ.
ຍສໝ - ຕອນເຊົ້າວັນທີ 23 ເມສາ, ຢູ່ທີ່ ຮ່າໂນ້ຍ (HaNoi), ທ່ານລັດຖະມົນຕີຊ່ວຍວ່າການກະຊວງຊົນເຜົ່າ ແລະ ສາສະໜາ ອີທົງ (YThong) ໄດ້ມີການພົບປະເຈລະຈາກັບ ທ່ານລັດຖະມົນຕີຊ່ວຍວ່າການ, ຮອງຫົວໜ້າຫ້ອງວ່າການສຳນັກງານນາຍົກລັດຖະມົນຕີລາວ ເຄື່ອງຄຳ ເກົານຸຈັນ (Kheungkham Keonuchan), ເພື່ອແນໃສ່ແລກປ່ຽນ ແລະ ເຫັນດີເປັນເອກະພາບຕໍ່ກັບບັນດາເນື້ອໃນການຮ່ວມມືຈຸດສຸມລະຫວ່າງສອງອົງການໃນຕໍ່ໜ້າ.
ຍສໝ - ຕອນບ່າຍວັນທີ 22 ເມສາ, ທັນທີຫຼັງຈາກພິທີຕ້ອນຮັບລະດັບລັດຢູ່ທີ່ທຳນຽບປະທານປະເທດ, ທ່ານເລຂາທິການໃຫຍ່, ປະທານປະເທດ ໂຕເລີມ (ToLam) ໄດ້ເຂົ້າຮ່ວມການພົບປະເຈລະຈາກັບ ທ່ານປະທານາທິບໍດີ ສ.ເກົາຫຼີ Lee Jae Myung ທີ່ພວມຢູ່ໃນລະຫວ່າງການຢ້ຽມຢາມລັດຖະກິດຢູ່ ຫວຽດນາມ.
ຍສໝ - ໃນວັນທີ 21 ເມສາ ຢູ່ທີ່ຮ່າໂນ້ຍ, ໄດ້ມີການຈັດກອງປະຊຸມພົບປະແລກປ່ຽນກອນລຳ ຫວຽດນາມ - ນິວຊີແລນ ພາຍໃຕ້ຫົວຂໍ້ “ກອນລຳ ແລະ ການເຊື່ອມຈອດເພື່ອສັນຕິພາບ”, ເຊິ່ງໄດ້ປະກອບສ່ວນເຂົ້າໃນການເສີມສ້າງຄວາມເຂົ້າອົກເຂົ້າໃຈ, ຊຸກຍູ້ການແລກປ່ຽນວັດທະນະທຳ ແລະ ຮັດແໜ້ນສາຍພົວພັນມິດຕະພາບລະຫວ່າງປະຊາຊົນສອງປະເທດ.
ຍສໝ - ຕອບສະໜອງຕາມຄຳເຊີນຂອງ ກະຊວງປ້ອງກັນປະເທດ ມາເລເຊຍ, ຄະນະຜູ້ແທນຂັ້ນສູງ ກະຊວງປ້ອງກັນປະເທດ ຫວຽດນາມ ໂດຍແມ່ນ ທ່ານ ພົນໂທ ຫງວຽນ ເຈື່ອງ ທັ່ງ, ກຳມະການສູນກາງພັກ, ກຳມະການປະຈຳຄະນະພັກການທະຫານສູນກາງ, ຮອງລັດຖະມົນຕີ ກະຊວງປ້ອງກັນປະເທດ ເປັນຫົວໜ້າຄະນະ ເຂົ້າຮ່ວມງານວາງສະແດງ ປ້ອງກັນຊາດອາຊີ ແລະ ຄວາມໝັ້ນຄົງແຫ່ງຊາດອາຊີ (DSA) ຄັ້ງທີ 19, ເຊິ່ງຈັດຂຶ້ນຢູ່ ປະເທດມາເລເຊຍ.
ຍສໝ - ວັນທີ 21 ເມສາ, ຢູ່ທີ່ນະຄອນຫຼວງ ອາປີອາ (Apia) ຂອງ ຊາມົວ (Samoa), ທ່ານເອກອັກຄະລັດຖະທູດ ຫວຽດນາມ ປະຈຳ ນິວຊີແລນ (NewZealand) ທັງເປັນເອກອັກຄະລັດຖະທູດປະຈຳ ຊາມົວ ຟານມິງຢາງ (PhanMinhGiang) ໄດ້ຍື່ນສານຕາຕັ້ງຕໍ່ຜູ້ນຳລັດເອກະລາດ Tuimalealiifano Va’aletoa Sualauvi II, ກາຍເປັນເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສາທາລະນະລັດ ສັງຄົມນິຍົມ ຫວຽດນາມ ທີ່ບໍ່ປະຈຳການຢູ່ລັດເອກະລາດ ຊາມົວ ຢ່າງເປັນທາງການ.
ຍສໝ - ໃນເວທີສົນທະນາ “ການຫັນເປັນດິຈິຕອນຂະແໜງປຶ້ມ”, ບັນດາຊ່ຽວຊານ ແລະ ວິທະຍາກອນໄດ້ເນັ້ນໜັກວ່າ, ໃນບໍລິບົດທີ່ເຕັກໂນໂລຢີສືບຕໍ່ພັດທະນາຢ່າງວ່ອງໄວ, ຄວາມສາມາດໃນການປັບຕົວ ແລະ ການເປັນເຈົ້າການໃນການປ່ຽນແປງໃໝ່ (ນະວັດຕະກຳ) ຈະແມ່ນປັດໄຈຕັດສິນເພື່ອໃຫ້ຂະແໜງປຶ້ມຊອກຫາທິດທາງການພັດທະນາທີ່ຍືນຍົງໃນຕໍ່ໜ້າ.
ຍສໝ - ທ່າມກາງສີສັນຂອງດອກຈຳປາທີ່ເບັ່ງບານຢ່າງສວຍງາມໃນໂອກາດບຸນປີໃໝ່ລາວ ພສ 2569 (ປີ 2026), ແຂວງ ເງະອານ (NgheAn) ໄດ້ຈັດຕັ້ງບັນດາຄະນະຜູ້ແທນເດີນທາງໄປຢ້ຽມຢາມ ສປປ ລາວ ໂດຍນຳເອົານ້ຳໃຈມິດຕະພາບອັນຍິ່ງໃຫຍ່, ຄວາມສາມັກຄີພິເສດ, ການຮ່ວມມືຮອບດ້ານ ແລະ ການພົວພັນຕິດພັນແບບຍຸດທະສາດ... ດ້ວຍບົດບາດເປັນປະຕູອອກສູ່ທະເລທີ່ໃກ້ທີ່ສຸດ, ແຂວງ ເງະອານ ໄດ້ກຳນົດພາລະກຳໃນການເປັນເພື່ອນຮ່ວມທາງ, ສະໜັບສະໜູນປະເທດລ້ານຊ້າງ ມຸ່ງໄປສູ່ອະນາຄົດແຫ່ງການພັດທະນາທີ່ຮັ່ງມີເຂັ້ມແຂງ ແລະ ຍືນຍົງ.
ຍສໝ - ລັດຖະບານ ຫວຽດນາມ (VietNam) ແລະ ອົງການພັດທະນາອຸດສາຫະກຳສະຫະປະຊາຊາດ (UNIDO) ຫາກໍ່ປະກາດຜັນຂະຫຍາຍໂຄງການຮ່ວມມືລະດັບຊາດ ຫວຽດນາມ-UNIDO ສະບັບໃໝ່, ເຊິ່ງເປັນການສ້າງບາດກ້າວທີ່ສຳຄັນໃນການເພີ່ມທະວີສາຍພົວພັນຮ່ວມມືທີ່ຍາວນານ ແລະ ແໜ້ນແກ່ນ ແນໃສ່ຊຸກຍູ້ການພັດທະນາອຸດສາຫະກຳຢ່າງຮອບດ້ານ ແລະ ຍືນຍົງຢູ່ ຫວຽດນາມ.
ຍສໝ - ວັນທີ 21 ເມສາ, ກະຊວງພາຍໃນ ໄດ້ເປັນເຈົ້າພາບຈັດກອງປະຊຸມໂຄສະນາເຜີຍແຜ່ ແລະ ແນະນຳການສ້າງແຜນການເຄື່ອນໄຫວ ໄລຍະ 2026-2030 ເພື່ອຜັນຂະຫຍາຍໂຄງການເຄື່ອນໄຫວປະຕິບັດແຜນການຍຸດທະສາດປະຊາຄົມວັດທະນະທຳ - ສັງຄົມ ອາຊຽນ ຢູ່ ຫວຽດນາມ (VietNam) ໄລຍະ 2026-2035.
ຍສໝ - ຫໍວາງສະແດງ ຫວຽດນາມ ໃນງານວາງສະແດງສິລະປະ ລາ ບຽນນາເລ ດີ ເວນິດ (La Biennale di Venezia) ຄັ້ງທີ 61, ທີ່ ເວນິດ (Venice), ອີຕາລີ (Italy) ຈະຈັດຂຶ້ນແຕ່ເດືອນພຶດສະພາ ຫາ ເດືອນພະຈິກ 2026.
ຍສໝ - ນະວັດຕະກຳ ບໍ່ພຽງແຕ່ຢຸດຢູ່ທີ່ແນວຄວາມຄິດ ຫຼື ການຄົ້ນຄວ້າເທົ່ານັ້ນ, ແຕ່ຕ້ອງກາຍເປັນການກະທຳທີ່ລະອຽດຕົວຈິງ, ໝາກຜົນທີ່ແທ້ຈິງ ແລະ ມູນຄ່າການປະກອບສ່ວນໂດຍຕົງໃຫ້ແກ່ການພັດທະນາປະເທດຊາດ.
ຍສໝ - ໃນບໍລິບົດທີ່ທົ່ວປະເທດພະຍາຍາມແກ້ໄຂ “ບັດເຫຼືອງ” ຂອງຄະນະກຳມະການເອີຣົບ ທີ່ມີຕໍ່ຂະແໜງສິນໃນນ້ຳ, ການສະກັດກັ້ນ ແລະ ກ້າວໄປສູ່ການຢຸດຕິການຂຸດຄົ້ນອາຫານທະເລແບບຜິດກົດໝາຍ, ບໍ່ມີການລາຍງານ ແລະ ບໍ່ເປັນໄປຕາມລະບຽບການ (IUU) ໄດ້ກາຍເປັນໜ້າທີ່ຮີບດ່ວນ. ຢູ່ເຂດປາກນ້ຳ ຢານ (Gianh), ຄ້າຍທະຫານຊາຍແດນດ່ານທ່າເຮືອ ຢານ (Gianh) (ທະຫານຊາຍແດນແຂວງ ກວາງຈິ - QuangTri) ໄດ້ຜັນຂະຫຍາຍຫຼາຍວິທີການແກ້ໄຂຢ່າງເປັນເອກະພາບ, ໃນນັ້ນ, ຖືເອົາການໂຄສະນາເຜີຍແຜ່ເປັນຈຸດສຸມ, ສົມທົບກັບການກວດກາ, ຕິດຕາມ ແລະ ຈັດການກັບການລະເມີດຢ່າງເຂັ້ມງວດ. ບັນດາການຫັນປ່ຽນທີ່ຕັ້ງໜ້າຕັ້ງແຕ່ຈິດສຳນຶກຈົນເຖິງການກະທຳຂອງຊາວປະມົງ ພວມປະກອບສ່ວນຮັກສາຄວາມໝັ້ນຄົງເຂດທະເລ, ພ້ອມທັງສ້າງພື້ນຖານເພື່ອແກ້ໄຂ “ບັດເຫຼືອງ” IUU.
ຍສໝ - ການນຳໃຊ້ປຶ້ມບັນທຶກການຂຸດຄົ້ນສິນໃນນ້ຳແບບອີເລັກໂຕຣນິກ ຢູ່ເທິງກຳປັ່ນຫາປາທາງໄກ ຢູ່ນະຄອນ ໂຮ່ຈີມິນ (HoChiMinh) ພວມຄ່ອຍໆສ້າງປະສິດທິຜົນຢ່າງຊັດເຈນ, ປະກອບສ່ວນເຂົ້າໃນການຫັນວຽກງານຄຸ້ມຄອງການປະມົງໃຫ້ເປັນທັນສະໄໝ.
ສຳລັບແຜນການພັດທະນາເສດຖະກິດສັງຄົມໄລຍະ 2026 – 2030, ມີຫຼາຍຄຳເຫັນຂອງສະມາຊິກສະພາແຫ່ງຊາດສະແດງຄວາມເຫັນດີເຫັນພ້ອມຢູ່ລະດັບສູງຕໍ່ບັນດາການຕີລາຄາກ່ຽວກັບ ສະພາບການສາກົນຂອງລັດຖະບານ.
ຍສໝ - ໃນວັນທີ 19 ເມສາ, ຢູ່ແຂວງ ຮຶງອຽນ ໄດ້ຈັດລາຍການ ພົບປະມິດຕະພາບ ຫວຽດນາມ - ກູບາ ເພື່ອສະເຫຼີມສະຫຼອງຄົບຮອບ 65 ປີ ແຫ່ງໄຊຊະນະ Giron. ເຫດການດັ່ງກ່າວແມ່ນຈັດຂຶ້ນໂດຍການຮ່ວມມືລະຫວ່າງ ສະຫະພັນບັນດາອົງການຈັດຕັ້ງມິດຕະພາບຫວຽດນາມ, ສະມາຄົມມິດຕະພາບ ຫວຽດນາມ - ກູບາ, ຄະນະພັກແຂວງ, ສະພາປະຊາຊົນ, ຄະນະກຳມະການປະຊາຊົນແຂວງ ແລະ ຄະນະກຳມະການແນວໂຮມປະເທດຊາດຫວຽດນາມ ແຂວງ ຮຶງອຽນ.
ຍສໝ - ວັນທີ 17 ເມສາ, ໃນການເຮັດວຽກລະຫວ່າງ ເອກອັກຄະລັດຖະທູດ ບັນດາປະເທດສະມາຊິກ ສະມາຄົມປະຊາຊາດແຫ່ງອາຊີຕາເວັນອອກສ່ຽງໃຕ້ (ອາຊຽນ) ກັບ ລັດຖະມົນຕີກະຊວງການຕ່າງປະເທດ, ການຄ້າຕ່າງປະເທດ ແລະ ສາສະໜາ ອາກຊັງຕິນ ທ່ານ ປາໂບຼ ກີໂນ (Pablo Quirno) ຢູ່ທີ່ນະຄອນຫຼວງ ບົວໂນສໄອເຣສ (Buenos Aires), ທ່ານນາງເອກອັກຄະລັດຖະທູດ ງໂງມິງຫງວຽດ ຢືນຢັນວ່າ, ຫວຽດນາມ ຈະສືບຕໍ່ສວມບົດບາດເປັນຂົວຕໍ່ ເພື່ອຊ່ວຍໃຫ້ປະເທດໃນອາເມລິກາໃຕ້ແຫ່ງນີ້ ເຂົ້າຫາຕະຫຼາດທີ່ກວ້າງໃຫຍ່ຂອງ ອາຊຽນ ແລະ ອາຊີ - ປາຊີຟິກ.
ຍສໝ - ນັກຂ່າວສຳນັກຂ່າວສານຫວຽດນາມ (TTXVN) ປະຈຳ ສິງກະໂປ ໄດ້ອ້າງອີງຕາມໜັງສືພິມ The Strait Times ໂດຍໃຫ້ທັດສະນະວ່າ ຫວຽດນາມ ພວມກາຍເປັນໜຶ່ງໃນບັນດາຈຸດໝາຍປາຍທາງອັນດັບຕົ້ນໆໃນອາຊີຕາເວັນອອກສ່ຽງໃຕ້ ສຳລັບນັກທ່ອງທ່ຽວ ສິງກະໂປ, ເຊິ່ງສະແດງອອກໂດຍຜ່ານລະດັບຄວາມສົນໃຈຢ່າງແຂງແຮງໃນບັນດາແພລັດຟອມເຄືອຂ່າຍສັງຄົມ, ກໍ່ຄືການເຕີບໂຕຢ່າງໜ້າສົນໃຈຂອງຂະແໜງທ່ອງທ່ຽວໃນຊຸມປີມໍ່ໆມານີ້.
ຍສໝ - ຄໍ່າຄືນວັນທີ 20 ເມສາ, ຢູ່ເຂດ ວັດໄທ (Chùa Thầy), ຕາແສງ ກວກອວາຍ (Quoc Oai) (ຮ່າໂນ້ຍ), ພະແນກອຸດສາຫະກຳ ແລະ ການຄ້າ ຮ່າໂນ້ຍ ສົມທົບກັບ ຄະນະກຳມະການປະຊາຊົນເມືອງ ກວກອວາຍ ແລະ ບັນດາພາກສ່ວນທີ່ກ່ຽວຂ້ອງ ຈັດຕັ້ງ “ພິທີເປີດງານບຸນວັດໄທ, ເປີດສັບປະດາວັດທະນະທຳ, ທ່ອງທ່ຽວ; ພື້ນທີ່ໂຄສະນາຜະລິດຕະພັນພິເສດຂອງໝູ່ບ້ານອາຊີບ ຕິດພັນກັບງານບຸນ ປີ 2026”.
ຍສໝ - ທ່າມກາງບໍລິບົດແຫ່ງການແຂ່ງຂັນດ້ານເຕັກໂນໂລຢີທົ່ວໂລກທີ່ນັບມື້ນັບຮຸນແຮງ, ການກຳນົດ ແລະ ຜັນຂະຫຍາຍເຕັກໂນໂລຢີຢຸດທະສາດ (CNCL) ພວມກາຍເປັນໜຶ່ງໃນບັນດາເສົາຄ້ຳທີ່ສຳຄັນ ເພື່ອໃຫ້ ຫວຽດນາມ ຍົກສູງຂີດຄວາມສາມາດໃນການແຂ່ງຂັນ, ຊຸກຍູ້ການເຕີບໂຕ ແລະ ຮັບປະກັນຄວາມເປັນເຈົ້າຕົນເອງ ຕາມບົດສະຫຼຸບເລກທີ 18-KL/TW ຂອງກອງປະຊຸມຄັ້ງທີ 2 ຄະນະບໍລິຫານງານສູນກາງພັກ ສະໄໝທີ XIV.
