ຫວ່າງແລ້ວນີ້, ຄະນະກຳມະການປະຊາຊົນແຂວງ ກວາງນາມ ແລະ ສະຫະພັນບັນດາອົງການຈັດຕັ້ງມິດຕະພາບຫວຽດນາມ ເປັນປະທານກອງປະຊຸມເພີ່ມທະວີການຮ່ວມມື, ລະດົມການອຸປະຖໍາທີ່ບໍ່ຂຶ້ນກັບລັດຖະບານຕ່າງປະເທດ ແລະ ຄູ່ຮ່ວມມື ຢູ່ ຮ່າໂນ້ຍ.
 |
| ບັນຍາກາດທີ່ການເຮັດວຽກ. ພາບ: thoidai.com.vn |
 |
ກອງປະຊຸມເພື່ອແນໃສ່ຕີລາຄາໝາກຜົນການຊ່ວຍເຫຼືອ, ຕອບບຸນແທນຄຸນບັນດາອົງການບໍ່ຂຶ້ນກັບລັດຖະບານຕ່າງປະເທດ ແລະ ບັນດາຄູ່ຮ່ວມມືໃນໄລຍະຜ່ານມາ, ພ້ອມທັງສະເໜີບັນດາມາດຕະການແກ້ໄຂຂໍ້ຕິດຂັດ, ຄວາມຫຍຸ້ງຍາກໃນວຽກງານອຸປະຖໍາ. ຜ່ານນັ້ນ, ກໍສ້າງຕັ້ງ ແລະ ຮັກສາສາຍພົວພັນອັນຍາວນານລະຫວ່າງແຂວງ ກວາງນາມ ກັບບັນດາອົງການບໍ່ຂຶ້ນກັບລັດຖະບານຕ່າງປະເທດ ແລະ ບັນດາຄູ່ຮ່ວມມື, ສະເໜີບັນດາຄວາມຕ້ອງການລະດົມການອຸປະຖໍາຂອງແຂວງເໝາະສົມກັບມາດຖານອຸປະຖໍາຂອງບັນດາອົງການບໍ່ຂຶ້ນກັບລັດຖະບານຕ່າງປະເທດ ແລະ ບັນດາຄູ່ຮ່ວມມື.
ມີຜູ້ແທນປະມານ 150 – 200 ຄົນເຂົ້າຮ່ວມກອງປະຊຸມ, ໃນນັ້ນມີຜູ້ຕາງໜ້າການນຳບັນດາກະຊວງ, ຂະແໜງການສູນກາງ, ການນຳບັນດາອົງການການທູດ, ບັນດາອົງການຮ່ວມມືພັດທະນາ, ອົງການສາກົນ, ບັນດາອົງການບໍ່ຂຶ້ນກັບລັດຖະບານສາກົນ, ນັກອຸປະຖໍາ, ວິສາຫາກິດທີ່ມີທຶນລົງທຶນຈາກຕ່າງປະເທດຈຳນວນໜຶ່ງຢູ່ແຂວງ ກວາງນາມ, ບັນດາພະແນກ, ຄະນະ, ຂະແໜງການທີ່ກ່ຽວຂ້ອງ ແລະ 18 ເມືອງ, ເທດສະບານ, ນະຄອນຂອງແຂວງ ກວາງນາມ.
ບູນມີ
