 |
| ພິທີອັດວັນບຸນວັດທະນະທຳຊົນເຜົ່າຢ້າວທົ່ວປະເທດ ຄັ້ງທີ II. ພາບ: ສໍານັກຂ່າວສານຫວຽດນາມ |
ກ່າວຄຳເຫັນສະຫຼຸບວັນບຸນ, ທ່ານນາງ ຫງວຽນທິຫ໋າຍຍຸງ, ຫົວໜ້າກົມວັດທະນະທຳຊົນເຜົ່າ, ກະຊວງວັດທະນະທຳ, ກິລາ ແລະທ່ອງທ່ຽວ, ຮອງຫົວໜ້າຄະນະຈັດຕັ້ງວັນບຸນ ໄດ້ຕີລາຄາວ່າ ວັນບຸນໄດ້ຕອບສະໜອງຄວາມມຸ່ງຫວັງລວມຂອງພໍ່ແມ່ປະຊາຊົນບັນດາເຜົ່າ, ພິເສດແມ່ນພໍ່ແມ່ປະຊາຊົນເຜົ່າຢ້າວ ໃນຄອບຄົວ 54 ຊົນເຜົ່າ ຫວຽດນາມ. ຜ່ານນັ້ນ, ຍົກສູງຕື່ມອີກຄວາມຮູ້ ແລະສະຕິຄວາມຮັບຜິດຊອບຂອງພໍ່ແມ່ປະຊາຊົນບັນດາເຜົ່າໃນທົ່ວປະເທດ ຕໍ່ການອະນຸລັກຮັກສາມໍລະດົກວັດທະນະທຳຂອງຊາດ.
ບັນດາການເຄື່ອນໄຫວຢູ່ວັນບຸນໄດ້ດຳເນີນຢ່າງຟົດຟື້ນ, ເຕັມໄປດ້ວຍສີສັນວັດທະນະທຳຂອງຊົນເຜົ່າຢ້າວ, ວາດພາບບັນດາຄຸນຄ່າວັດທະນະທຳຊົນຊາດ ທີ່ຍັງຊ້ອນແຝງໃນການດຳລົງຊີວິດຂອງພໍ່ແມ່ປະຊາຊົນ. ຈາກນັ້ນ, ຢັ້ງຢືນກຳລັງຊີວິດຢ່າງແຮງຂອງວັດທະນະທຳຊົນເຜົ່າຢ້າວ ໃນການພົວພັນແລກປ່ຽນ ແລະຫັນປ່ຽນ, ໃນທ່າອ່ຽງເຊື່ອມໂຍງ.
ຢູ່ພິທີອັດ, ຄະນະຈັດຕັ້ງວັນບຸນ ໄດ້ປະກາດບັນດາທິມຍາດລາງວັນຢູ່ບາງເນື້ອໃນຫຼັກໃນວັນບຸນ, ມອບທຸງເຈົ້າພາບຈັດຕັ້ງວັນບຸນວັດທະນະທຳຊົນເຜົ່າຢ້າວທົ່ວປະເທດ ຄັ້ງທີ III ໃນປີ 2027 ໃຫ້ແກ່ແຂວງລາວກາຍ.
ກອງທັບ
