ຝູເທາະ: ອາຊີບຕ່ຳແຜ່ນແພພື້ນເມືອງຂອງຊາວເຜົ່າ ເມື່ອງ ໄດ້ຮັບຮອງເປັນມໍລະດົກວັດທະນະທຳບໍ່ເປັນວັດຖຸລະດັບຊາດ

	[ຮູບພາບ] ທ່ານປະທານສະພາຕ່ຳ ມາເລເຊຍ ແລະພັນລະຍາໄດ້ໄປຢ້ຽມຢາມຮ່ອງຮອຍແຫ່ງຊາດພິເສດ ວັນໝຽວ - ກວກຕຶ້ຢ໋າມ
	ການສົມດຸນລະຫວ່າງການພັດທະນາການທ່ອງທ່ຽວ ແລະ ການອະນຸລັກມໍລະດົກວັດທະນະທໍາ ຫວຽດນາມ - ຍີ່ປຸ່ນ

ອາຊີບ​ຕ່ຳແຜ່ນແພພື້ນເມືອງ​ຂອງ​ຊາວ​ເຜົ່າ ​ເມື່ອງ, ຝູເທາະ

ອາຊີບ​ຕ່ຳແຜ່ນແພພື້ນເມືອງຂອງຊາວເຜົ່າ ​ເມື່ອງ ຢູ່ຕາແສງ ກິມເທື້ອງ ແລະ ຕາແສງ ຊວນດາຍ (ເມືອງ ເຕິນເຊີນ, ແຂວງ ຝູເທາະ) ໄດ້ປະກົດມີມາແຕ່ດົນນານ, ມາເຖິງປະຈຸບັນ, ຍັງຄົງຮັກສາໄດ້ບັນດາຄຸນຄ່າພື້ນເມືອງ, ເປັນເອກະລັກພິເສດທາງວັດທະນະທຳຂອງຊົນເຜົ່າ ເມື່ອງ. ​ເພື່ອ​ອະນຸລັກ​ຮັກສາ ​ແລະ ​ເຊີດ​ຊູ​ອາຊີບຫັດຖະກຳ​ນີ້, ​ແຂວງ ຝູເທາະ ​ໄດ້​ປະກາດໃຊ້​ຫຼາຍ​ກົນ​ໄກ ​ແລະ ນະ​ໂຍບາຍເພື່ອ​ປົກ​ປັກ​ຮັກສາ​ມູນ​ຄ່າ​ມໍລະດົກ​ວັດທະນະທຳອາຊີບ​ຫັດຖະກຳ​ພື້ນ​ເມືອງ - ອາຊີບຕ່ຳແຜ່ນແພພື້ນເມືອງນີ້.

​ໃນ​ໄລຍະ​ທີ່ຜ່ານມາ​, ຄະນະ​ກຳມະການ​ປະຊາຊົນ​ເມືອງ ​ເຕິນ​ເຊີນ ​ໄດ້​ປະກາດໃຊ້ບັນດາມະຕິ​ບັນຫາສະເພາະ, ​ແຜນການ​ອະນຸລັກ​ຮັກສາ ​ແລະ ພັດທະນາ​ບັນດາ​ຮູບ​ແບບ​ວັດທະນະ​ທຳ​ທີ່​ເປັນ​ເອກະລັກພິເສດຂອງ​ຊາວ​ເຜົ່າ​ສ່ວນ​ໜ້ອຍໃນບໍລິເວນເມືອງ, ​ໃນ​ນັ້ນ​ມີ​ອາຊີບຕ່ຳແຜ່ນແພພື້ນເມືອງ, ພ້ອມ​ກັນ​ນັ້ນ ກໍ່​ໄດ້​ສຸມ​ໃສ່​ຜັນ​ຂະຫຍາຍ​ຫຼາຍ​ວິທີ​ແກ້​ໄຂ​ເພື່ອ​ຮັກສາ ​ແລະ ເຊີດຊູ​ບັນດາ​ຮູບ​ແບບ​ວັດທະນະທຳ​ພື້ນ​ເມືອງ​ທີ່​ຕິດ​ພັນ​ກັບ​ການ​ພັດທະນາ​ການທ່ອງທ່ຽວຢ່າງຄົບຊຸດ, ປະຕິບັດ​ເປົ້າໝາຍ “ອະນຸລັກ​ຮັກສາ ​ແລະ ​ເສີມ​ຂະຫຍາຍ​ບັນດາ​ຄຸນຄ່າ​ວັດທະນະທຳ​ພື້ນເມືອງ, ສ້າງ​ແຮງ​ຈູງ​ໃຈ​ພັດທະນາ​ເສດຖະກິດ - ສັງຄົມ​ແບບ​ຍືນ​ຍົງ, ພັດ​ທະ​ນາ​ການ​ທ່ອງ​ທ່ຽວ​ເປັນ​ຂະ​ແໜງ​ເສດ​ຖະ​ກິດ​ປາຍແຫຼມ”.

ດ້ວຍ​ບັນດາ​ຄຸນຄ່າ​ວັດທະນະທຳ​ທີ່​ເປັນ​ສັນຍາລັກ ​ແລະ ຄວາມ​ມານະ​ພະຍາຍາມເຂົ້າຮ່ວມ​ຢ່າງຂ້ຽວຂາດ, ທັນ​ການ​ຂອງ​ທຸກ​ຂັ້ນ ​ແລະ ຂະ​ແໜງ​ການ​ຈາກ​ແຂວງ​ເຖິງ​ຮາກ​ຖານ​ພ້ອມ​ກັບ​ການ​ຮ່ວມ​ມື​ຢ່າງ​ມີ​ຄວາມ​ຮັບຜິດຊອບ​ຂອງ​ປະຊາຊົນ​ໃນບໍລິເວນ. ລັດຖະມົນຕີກະຊວງວັດທະນະທຳ, ກິລາ ແລະ ການທ່ອງທ່ຽວ ຕົກລົງເອົາ ອາຊີບຕ່ຳແຜ່ນແພພື້ນເມືອງຂອງຊາວເຜົ່າ ເມື່ອງ ຢູ່ບັນດາຕາແສງ ຊວນດາຍ, ກິມເທື້ອງ ເຂົ້າໃນບັນຊີລາຍຊື່ມໍລະດົກທີ່ບໍ່ເປັນວັດຖຸລະດັບຊາດ ອາຊີບຫັດຖະກຳພື້ນເມືອງ ຕາມເລກທີ 2322/QD-BVHTTDL ລົງວັນທີ 9 ສິງຫາ 2024.

​ໃນ​ຂອບ​ເຂດ​ໂຄງການ, ຄະນະ​ກຳມະການ​ປະຊາຊົນ​ເມືອງ ​ເຕິນ​ເຊີນ ​ໄດ້​ປະກາດ​ມະຕິ​ຕົກລົງ​ຂອງ​ຄະນະ​ກຳມະການ​ປະຊາຊົນ​ແຂວງ ຝູເທາະ ກ່ຽວ​ກັບ​ການ​ຮັບ​ຮອງບັນດາ​ແຫຼ່ງທ່ອງ​ທ່ຽວ​ຂອງ​ແຂວງ ລວມມີ: ​ແຫຼ່ງທ່ອງ​ທ່ຽວ​ຊຸມ​ຊົນ​ບ້ານ​ ຢູ, ​ແຫຼ່ງທ່ອງ​ທ່ຽວ​ນິ​ເວດ​​ຊຸມ​ຊົນ​ບ້ານ​ ກ໋ອຍ ​ແລະ ແຫຼ່ງ​ທ່ອງ​ທ່ຽວນິ​ເວດ ນ້ຳຕົກຫງອກ - ຕາ​ແສງ ຊວນ​ເຊີນ. ຈັດຕັ້ງວັນບຸນວັດທະນະທຳ ແລະ ກິລາ ເມືອງ ເຕິນເຊີນ ປີ 2024 ດ້ວຍຫຼາຍກິດຈະກຳທີ່ໜ້າ​ຟົດຟື້ນ ແລະ ດຶງດູດໃຈເຊັ່ນ: ງານມະໂຫລານສິລະປະມະຫາຊົນ, ລາຍການສະແດງສິລະປະ, ງານແຂ່ງຂັນກິລາພື້ນເມືອງຂອງຊົນເຜົ່າ.

ເສີມຂະຫຍາຍຄຸນຄ່າມໍລະດົກວັດທະນະທຳຜ່ານ Festival ນິງບິ່ງ - ຈາງອານ ປີ 2023 ຍສໝ - ຕອນ​ຄ່ຳ​ວັນ​ທີ 26 ທັນວາ, ຢູ່​ເຂດ​ທ່ອງ​ທ່ຽວ​ນິເວດ ຈາງອານ (ເມືອງ​ຮ່ວາ​ລື, ແຂວງ​ນິງບິ່ງ), ຄະ​ນະ​ກຳ​ມະ​ການ​ປະ​ຊາ​ຊົນ​ແຂວງ ນິງບິ່ງ ໄດ້​ຈັດ​ຕັ້ງ​ພິ​ທີ​ເປີດ​ງານ “ Festival ນິງ​ບິ່ງ - ຈາງອານ ຄັ້ງ​ທີ 2 ປີ 2023 ດ້ວຍ​ຫົວ​ຂໍ້​ວ່າ “ສີສັນມໍລະດົກ - ເຕົ້າໂຮມ ...

ຫວຽດນາມ ໄດ້ຮັບການເລືອກຕັ້ງເປັນຮອງປະທານຄະນະກຳມະການລະຫວ່າງລັດຖະບານຂອງສົນທິສັນຍາວ່າດ້ວຍການປົກປັກຮັກສາມໍລະດົກວັດທະນະທຳບໍ່ເປັນວັດຖຸ ຍສໝ - ວັນ​ທີ 8 ທັນວາ​, ຫວຽດນາມ ​ໄດ້​ຮັບ​ເລືອກ​ຕັ້ງ​ເປັນ​ຮອງ​ປະທານ​ຄະນະ​ກຳມະການ, ຕາງໜ້າ​ໃຫ້​ພາກ​ພື້ນ​ອາຊີ - ປາຊີ​ຟິກ. ນີ້​ແມ່ນ​ຄັ້ງ​ທີ 2 ທີ່​ຫວຽດນາມ ​ເຂົ້າ​ເປັນ​ສະມາຊິກ​ອົງການ​ບໍລິຫານ​ຂອງ​ສົນທິສັນຍາ​ປີ 2003, ພາຍຫຼັງ​ອາຍຸ​ການ​ທຳ​ອິດ​ແຕ່​ປີ 2006-2010.