ສີສັນບັນດາເຜົ່າຫວຽດນາມ ໄດ້ສະແດງອອກຜ່ານພາບຖ່າຍແຕ່ລະແຜ່ນ

ໂດຍຈັດຂຶ້ນແຕ່ວັນທີ 1-10 ພະຈິກ, ຢູ່ຫໍພິພິຕະພັນດັກລັກ, ງານວາງສະແດງໄດ້ແນະນຳພາບຖ່າຍ 200 ແຜ່ນຂອງນັກຖ່າຍຮູບ 87 ຄົນ, ທີ່ໄດ້ຄັດເລືອກຈາກພາບຖ່າຍນັບພັນແຜ່ນຂອງບັນດານັກຖ່າຍຮູບໃນທົ່ວປະເທດ. ຊຸດພາບຖ່າຍໄດ້ສະແດງໃຫ້ເຫັນຈຸດວັດທະນະທຳທີ່ເປັນເອກະລັກສະເພາະ, ດີເດັ່ນຂອງ 54 ຊົນເຜົ່າ ຫວຽດນາມ. ທ່ານ ຕ້າກວາງດົງ, ຮອງລັດຖະມົນຕີກະຊວງວັດທະນະທຳ, ກິລາ ແລະທ່ອງທ່ຽວ ຫວຽດນາມ, ໃຫ້ຮູ້ວ່າ: “ພວກຂ້າພະເຈົ້າປາດຖະໜາຢາກສືບຕໍ່ເສີມຂະຫຍາຍບັນດາຄວາມໝາຍຂອງງານວາງສະແດງນີ້ຢ່າງເລິກເຊິ່ງ, ກວ້າງຂວາງກວ່າເຖິງພໍ່ແມ່ປະຊາຊົນ ແລະແຂກທ່ອງທ່ຽວມາຢ້ຽມຢາມແຂວງ ດັກລັກ. ນີ້ກໍ່ແມ່ນຈຸດທີ່ເປັນເອກະລັກສະເພາະ, ອຸດົມສົມບຸນຕື່ມອີກເຂົ້າໃນບັນດາສີສັນທີ່ສວຍງາມຂອງ ດັກລັກ, ເພື່ອໃຫ້ພວກເຮົາມີຄວາມເຂົ້າໃຈກ່ຽວກັບບັນດາຈຸດຄວາມງາມທາງດ້ານວັດທະນະທຳຂອງແຕ່ລະເຂດ, ພາກ, ໃນນັ້ນ, ມີຫຼາຍຊົນເຜົ່າພວມດຳລົງຊີວິດຢູ່ແຂວງ ດັກລັກ”. ພາບ: ສໍານັກຂ່າວສານຫວຽດນາມ