ໂດຍປະຕິບັດບັນດາການເຄື່ອນໄຫວການທູດເສດຖະກິດປີ 2022, ສະຖານທູດຫວຽດນາມ ປະຈຳ ໂຮນລັງ ໄດ້ສົມທົບກັບແຂວງ ຢາລາຍ ຈັດຕັ້ງໂຄງການເຊື່ອມຕໍ່ ແລະ ສົ່ງເສີມການຄ້າ ແລະ ການລົງທຶນຢູ່ ໂຮນລັງ ແຕ່ວັນທີ 26 – 30 ກັນຍາ 2022. ໂດຍທ່ານ ຣາລານຈຸງ ຮອງເລຂາພັກແຂວງ, ຫົວໜ້າພະແນກພາຍໃນຂອງພັກແຂວງ ນຳໜ້າຄະນະຜູ້ແທນ.
 |
| ການເຊື່ອມຕໍ່, ສົ່ງເສີມການຄ້າ ແລະ ການລົງທຶນ ຢາລາຍ – Friesland (ໂຮນລັງ). ພາບ: thoidai.com.vn |
 |
 |
ຫວ່າງແລ້ວນີ້, ທ່ານເອກອັກຄະລັດຖະທູດ ຟ້າມຫວຽດແອງ ໄດ້ເຂົ້າຮ່ວມ ຄະນະຜູ້ແທນເຮັດວຽກກັບເຈົ້າແຂວງ Friesland, ຢ້ຽມຢາມຮາກຖານການຜະລິດ, ດໍາເນີນທຸລະກິດຜະລິດຕະພັນກະເສດ ແລະ ສະຖາບັນຄົ້ນຄວ້າກ່ຽວກັບນໍ້າຂອງແຂວງ Friesland.
ໃນວັນດຽວກັນ, ກອງປະຊຸມສົ່ງເສີມການລົງທຶນຂອງແຂວງ ຢາລາຍ ໂດຍສະຖານທູດສົມທົບກັບສູນການຄ້າໂລກ Leeuwarden (WTC Leeuwarden) ກໍໄດ້ຮັບການຈັດຕັ້ງ.
ໃນການຢ້ຽມຢາມ ແລະ ເຮັດວຽກກັບບັນດາອົງການຮ່ວມສໍາພັນສະຫະກອນ Agriterra ແລະ ເວທີປາໄສປູກພືດສວນໂຮນລັງ ຫວຽດນາມ (NVHP) ຢູ່ World Horticulture Centre, ຄະນະຜູ້ແທນໄດ້ປຶກສາຫາລືຢ່າງລະອຽດກ່ຽວກັບຮູບແບບການຈັດຕັ້ງ ແລະ ບັນດາຂົງເຂດທີ່ສາມາດຮ່ວມມືກັບແຂວງ.
ທ່ານ ຣາລານຈຸງ ຢືນຢັນວ່າ ຢາລາຍ ມີທ່າແຮງ ແລະ ຄວາມສາມາດບົ່ມຊ້ອນທາງທຳມະຊາດຫຼາຍຢ່າງ ເພື່ອຊຸກຍູ້ການຮ່ວມມືກັບທັງສອງອົງການ ແລະ ປາດຖະໜາວ່າ ໂຮນລັງ ຈະຊ່ວຍບັນດາສະຫະກອນຢູ່ບັນດາເມືອງທຸກຍາກ ພັດທະນາກາເຟສະອາດ, ຊ່ວຍໃຫ້ບັນດາປະຊາຄົມຊົນເຜົ່າສ່ວນໜ້ອຍເຂົ້າເຖິງແຫຼ່ງທຶນ ແລະ ຮ່ວມສໍາພັນເປີດກກວ້າງຂອບຂະໜາດການຜະລິດ ແລະ ຍົກສູງຊີວິດການເປັນຢູ່. ບັນດາຄູ່ຮ່ວມມືໄດ້ເຫັນດີສືບຕໍ່ຮ່ວມມືກັບບັນດາແຂວງ ຢາລາຍ ຜ່ານບັນດາອົງການຜູ້ຕາງໜ້າຢູ່ ຫວຽດນາມ ແລະ ໃຫ້ຄຳໝັ້ນສັນຍາຈະມາຢ້ຽມຢາມ ແລະ ເຮັດວຽກກັບແຂວງດັ່ງກ່າວໂດຍໄວ.
ບູນມີ
