| ໂຄງການລະດູບານໃໝ່ບ້ານເກີດເມືອງນອນ 2023 ຈະດຳເນີນຢູ່ຮ່າໂນ້ຍ ໃນອາທິດກາງເດືອນມັງກອນ | |
| 9 ເດືອນປີ 2022, ຫວຽດນາມ ຕ້ອນຮັບແຂກທ່ອງທ່ຽວສາກົນຫຼາຍກວ່າ 1.65 ລ້ານເທື່ອຄົນ |
 |
| ທ່ານດິງຕຽນຢຸງ ເລຂາຄະນະພັກນະຄອນຮ່າໂນ້ຍ ພົບປະກັບນັກລົງທຶນຕ່າງປະເທດ |
ຮ່າໂນ້ຍ ດຶງດູດທຶນ FDI 21,8 ລ້ານ USD ໃນເດືອນມັງກອນ
ໃນເດືອນມັງກອນປີ 2023, ນະຄອນຮ່າໂນ້ຍ ດຶງດູດເງິນລົງທຶນໂດຍກົງຈາກຕ່າງປະເທດ (FDI) 21,8 ລ້ານ USD.
ໃນນັ້ນມີ 22 ໂຄງການ FDI ໄດ້ຮັບໃບອະນຸຍາດ ດ້ວຍຍອດເງິນລົງທຶນຈົດທະບຽນບັນລຸ 2,4 ລ້ານ USD, 9 ໂຄງການດັດປັບເງິນລົງທຶນດ້ວຍເງິນເພີ່ມເຕີມ ບັນລຸ 14,2 ລ້ານ USD, ນັກລົງທຶນຕ່າງປະເທດປະກອບຊື້ຫຸ້ນ, ໃບຫຸ້ນ 23 ເທື່ອ, ບັນລຸ 5,2 ລ້ານ USD.
ໃນຊຸມປີຜ່ານມາ, ຮ່າໂນ້ຍຍາມໃດກໍ່ນອນໃນກຸ່ມແຖວໜ້າທົ່ວປະເທດກ່ຽວກັບສະພາບແວດລ້ອມແຫ່ງການລົງທຶນທີ່ມີຄວາມສະດວກ. ໄປຄຽງຄູ່ກັນນັ້ນ ກໍ່ແມ່ນການຊຸກຍູ້ໂຄງລ່າງບັນດາເຂດອຸດສາຫະກຳ, ນະຄອນ ໃນການຜັນຂະຫຍາຍບັນດານະໂຍບາຍດຶງດູດເງິນລົງທຶນ, ປະຕິຮູບລະບຽບການບໍລິຫານ, ບຸລິມະສິດກ່ຽວກັບພາສີ, ທີ່ດິນ…ຢ່າງເປັນປະຈຳ.
ໃນໄລຍະຈະມາເຖິງ, ຮ່າໂນ້ຍຈະສຸມໃສ່ດຶງດູດເງິນລົງທຶນຈາກຕ່າງປະເທດ ຕາມລວງເລິກດ້ວຍເປົ້າໝາຍພັດທະນາແບບຍືນຍົງ, ໃຫ້ບຸລິມະສິດບັນດາໂຄງການທີ່ມີຄຸນນະພາບ, ຜະລິດຕະພັນທີ່ມີມູນຄ່າເພີ່ມ ແລະ ມີລັກສະນະແກ້ງແຍ້ງກັນສູງສຸມໃສ່ເຂົ້າໃນບັນດາຂົງເຂດຄື: ພັດທະນາໂຄງປະກອບໂຄງລ່າງຕົວເມືອງ, ສ້າງນະຄອນທັນສະໄໝ, ອຸດສາຫະກຳໜູນຊ່ວຍການນຳໃຊ້ເຕັກໂນໂລຢີທັນສະໄໝ, ເປັນມິດກັບສິ່ງແວດລ້ອມ, ບັນດາໂຄງການເຕັກໂນໂລຢີຂໍ້ມູນຂ່າວສານ, ຄົ້ນຄ້ວາພັດທະນາ, ການທ່ອງທ່ຽວ, ການບໍລິການການເງິນ, ທະນາຄານ, ບຳລຸງສ້າງຊັບພະຍາກອນ, ກະສິກຳນຳໃຊ້ເຕັກໂນໂລຢີສູງ, ອາຫານປອດສານພິດ.
ແລະກໍ່ໃນເດືອນມັງກອນ, ນະຄອນມີວິສາຫະກິດ 1.551 ແຫ່ງຈົດທະບຽນສ້າງຕັ້ງໃໝ່, ຫຼຸດລົງ 27%ເມື່ອທຽບໃສ່ກັບປີ 2022, ທຶນຈົດທະບຽນໃໝ່ບັນລຸ 14.000 ຕື້ດົງ, ຫຼຸດລົງ 69%; ປະຕິບັດລະບຽບການຍຸບເລີກໃຫ້ແກ່ວິສາຫະກິດ 252 ແຫ່ງ, ຫຼຸດລົງ 21%, ມີວິສາຫະກິດ 7.895 ແຫ່ງຈົດທະບຽນຢຸດຕິການເຄື່ອນໄຫວ, ເພີ່ມຂຶ້ນ 16%, ມີວິສາຫະກິດ 2.855 ແຫ່ງກັບຄືນເຂົ້າສູ່ການເຄື່ອນໄຫວ, ຫຼຸດລົງ 13%. ອັດຕາເອກະສານຈົດທະບຽນວິສາຫະກິດແບບທາງໄກໄດ້ຮັກສາເປັນ 100%.
ບຸນຄົງ
