ອ່າວລານຮ້າ ຕັ້ງຢູ່ທາງທິດຕາເວັນອອກຂອງເກາະ ກ໊າດບ່າ ແລະ ທາງທິດໃຕ້ຂອງອ່າວຮ່າລອງ. ອ່າວປະກອບດ້ວຍປະມານ 400 ເກາະ, ຂະຫນາດໃຫຍ່ ແລະ ນ້ອຍ, ສ້າງເປັນຮູບພາບໃຫຍ່ໂຕມະໂຫຖານຄືເທວະໂລກ.
 |
| ມຸມໜຶ່ງຂອງອ່າວລານຮ້າ. ພາບ: ລານເຕື່ອງ |
ຢູ່ອ່າວ, ເຈົ້າສາມາດເຫັນເກາະນ້ອຍໆບາງແຫ່ງທີ່ມີຫາດຊາຍຢູ່ຕີນພູຫີນ. ຢູ່ອ່າວລານຮ້າ, ມີໝູ່ບ້ານເທິງນ້ຳ ກ໊າຍແບ່ວ, ມີ 200 ກວ່າຄອບຄົວດຳລົງຊີວິດຢູ່ເຮືອນທີ່ຖືກອອກແບບເທິງໜ້ານ້ຳ, ນັກບູຮານຄະດີພາຍໃນ ແລະ ຕ່າງປະເທດ ໄດ້ຄົ້ນຫາປະຫວັດສາດການຄົງຕົວນັບພັນປີຂອງໝູ່ບ້ານດັ່ງກ່າວ.
 |
| ເຮືອທ່ອງທ່ຽວຢູ່ອ່າວລານຮ້າ. ພາບ: ລານເຕື່ອງ |
ບໍ່ຄືກັບອ່າວຮ່າລອງ, ອ່າວລານຮ້າ ມີ 139 ຫາດຊາຍເຫຼືອງນ້ອຍໆ, ໜ້າຮັກ ແລະ ທໍາມະຊາດທີ່ດຶງດູດນັກທ່ອງທ່ຽວມາຢ້ຽມຢາມ. ມີຫາດຊາຍຫຼາຍແຫ່ງ ຍາວຢຽດລຽບສອງພູຫີນ, ງຽບສະຫງົບ. ຢູ່ໃຕ້ນ້ຳສີຟ້າໃສແມ່ນປະກາລັງທີ່ມີສີສັນຫຼາກຫຼາຍ ຄື: ຫາດ ວ້ານໂຍ່ຍ, ວ້ານຮ່າ... ເຂດນ້ຳທະເລທີ່ສະຫງົບຄືເກາະ ເຊັ໊ນ, ເກາະ ກູ່, ເກາະ ຂີ... ແມ່ນບ່ອນທີ່ແຂກທ່ອງທ່ຽວດໍາ ນໍ້າເພື່ອຊົມປະກາລັງ...
 |
| ພາຍເຮືອ kayak ຢູ່ອ່າວລານຮ້າ. ພາບ: ລານເຕື່ອງ |
ຍ້ອນຄວາມສວຍງາມທາງທຳມະຊາດທີ່ປະຖົມປະຖານ ແລະ ງຽບສະຫງົບ, ປະຈຸບັນອ່າວລານຮ້າ ໄດ້ຮັບການຂຸດຄຄົ້ນຄືເປັນສະຖານທີ່ທ່ອງທ່ຽວພັກຜ່ອນຢ່ອນອາລົມທີ່ດຶງດູດໃຈນັກທ່ອງທ່ຽວທັງພາຍໃນ ແລະ ຕ່າງປະເທດຖັດຈາກ ອ່າວຮ່າລອງ.
ບູນມີ
