| ຂົວຕໍ່ມິດຕະພາບລະຫວ່າງປະຊາຊົນສອງປະເທດ ຫວຽດນາມ - ເຢຍລະມັນ | |
| ງານບຸນວັດທະນະທຳ-ອາຫານການກິນຫວຽດນາມ 2022 ຈະຈັດຂຶ້ນຢູ່ແຂວງກວາງຈິ |
 |
| ລາຍການສະແດງສິລະປະທີ່ກອງປະຊຸມສໍາມະນາ “ນໍ້າໃຈມິດຕະພາບຫວຽດນາມ-ລາວ”. ພາບ: sggp.org.vn |
ນີ້ແມ່ນໜຶ່ງໃນບັນດາການເຄື່ອນໄຫວ ເພື່ອແນໃສ່ສະເຫຼີມສະຫຼອງວັນສ້າງຕັ້ງການພົວພັນທາງການທູດຫວຽດນາມ-ລາວ ຄົບຮອບ 60 ປີ (5-9-1962/5-9-2022), ວັນເຊັນສົນທິສັນຍາມິດຕະພາບ ແລະການຮ່ວມມືລະຫວ່າງຫວຽດນາມ-ລາວ ຄົບຮອບ 45 ປີ (18-7-1977/18-7-2022) ແລະປີສາມັກຄີມິດຕະພາບ ຫວຽດນາມ-ລາວ ປີ 2022.
ເຂົ້າຮ່ວມລາຍການ, ບັນດາຜູ້ແທນມີໂອກາດຫວນຄືນອະນຸສອນທີ່ເຕັມໄປດ້ວຍໄມຕີຈິດມິດຕະພາບ, ຄວາມສາມັກຄີລະຫວ່າງປະຊາຊົນສອງປະເທດ. ພ້ອມທັງສ່ອງແສງສາຍພົວພັນຖານບ້ານໃກ້ເຮືອນຄຽງມິດຕະພາບທີ່ເປັນມູນເຊື້ອ ແລະການຮ່ວມມືອັນດີງາມລະຫວ່າງຫວຽດນາມ ແລະລາວ ໃນພາລະກິດແຫ່ງການຕໍ່ສູ້ຍາດເອົາເອກະລາດແຫ່ງຊາດ ແລະສ້າງສາປະເທດຊາດ. ຜ່ານນັ້ນ, ໂຄສະນາຢ່າງກວ້າງຂວາງເຖິງປະຊາຊົນທຸກຊັ້ນວັນນະ, ພິເສດແມ່ນລຸ້ນໜຸ່ມກ່ຽວກັບຄວາມໝາຍ, ຄວາມສໍາຄັນຂອງການຮັກສາ, ປັບປຸງ ແລະເສີມຂະຫຍາຍສາຍພົວພັນຫວຽດນາມ-ລາວ.
ໃນວັນດຽວກັນ, ສະຫາຍ ຫງວຽນຖືກຮ້ຽນ ຮອງປະທານຄະນະກໍາມະການປະຊາຊົນນະຄອນເກິນເທີ ໄດ້ໃຫ້ການຕ້ອນຮັບສະຫາຍນາງ ພິມພາ ແກ້ວມີໄຊ ຫົວໜ້າສະຖານກົງສູນໃຫຍ່ລາວ ປະຈໍານະຄອນໂຮ່ຈີມິນ.
ກ່ອນໜ້ານັ້ນ, ຕອນຄໍ່າວັນທີ 4 ກັນຍາ, ສະຫະພັນບັນດາອົງການຈັດຕັ້ງມິດຕະພາບ ແລະສະມາຄົມມິດຕະພາບຫວຽດນາມ-ລາວ ນະຄອນເກິນເທີ ຈັດຕັ້ງການພົບປະສັງສັນສະເຫຼີມສະຫຼອງວັນສ້າງຕັ້ງການພົວພັນທາງການທູດຫວຽດນາມ-ລາວ ຄົບຮອບ 60 ປີ ແລະວັນເຊັນສົນທິສັນຍາມິດຕະພາບ ແລະການຮ່ວມມືຫວຽດນາມ-ລາວ ຄົບຮອບ 45 ປີ.
la.qdnd.vn
