| ການປົກປັກຮັກສາ ແລະ ພັດທະນາດ້ານວັດທະນະທໍາ ຢູ່ ເຢຍລະມັນ | |
| ບັນດານັກຮົບເກົ່າ ຊ່ວຍເຊື່ອມຕໍ່ປະຊາຄົມຊາວຫວຽດນາມ ຢູ່ ເຢຍລະມັນ |
ເຂົ້າຮ່ວມເຫດການດັ່ງກ່າວ ມີຜູ້ຕາງໜ້າຂອງ 80 ສາຂາສະມາຄົມ ແລະ ຜູ້ຕາງໜ້າຈາກຫຼາຍເຂດພາກ ຂອງເຢຍລະມັນ.
ກ່າວຄຳເຫັນນະທີ່ນີ້, ທ່ານເອກອັກຄະລັດຖະທູດ ຫວູກວາງມິນ ໄດ້ສະແດງຄວາມຕ້ອນຮັບບັນດາການນຳສາຂາສະມາຄົມ ແລະ ຜູ້ຕາງໜ້າປະຊາຄົມຊາວ ຫວຽດນາມ ຢູ່ ເຢຍລະມັນ ທີ່ເຂົ້າຮ່ວມກອງປະຊຸມ. ທ່ານເອກອັກຄະລັດຖະທູດ ໄດ້ຕີລາຄາສູງບັນດາການປະກອບສ່ວນຢ່າງບໍ່ຢຸດຢັ້ງ ແລະ ມີປະສິດທິຜົນຂອງບັນດາສະມາຄົມ ແລະ ປະຊາຄົມຫວຽດນາມ ໃນການພົວພັນທາງການທູດປະຊາຊົນເວົ້າສະເພາະ ແລະ ການທູດ ຫວຽດນາມ ເວົ້າລວມ. ຖືປະຊາຄົມຊາວຫວຽດນາມ ເປັນຂົວເຊື່ອມຕໍ່ມິດຕະພາບລະຫວ່າງປະຊາຊົນສອງປະເທດ ຫວຽດນາມ - ເຢຍລະມັນ, ທ່ານເອກອັກຄະລັດຖະທູດ ຮັບຮູ້ ແລະ ສະແດງຄວາມຂອບອົກຂອບໃຈຕໍ່ການອຸທິດສ່ວນ, ຄວາມມານະພະຍາຍາມໃນການໜູນຊ່ວຍບັນດາການເຄື່ອນໄຫວຂອງສະຖານທູດ ຫວຽດນາມ ປະຈໍາເຢຍລະມັນ ໃນໄລຍະຜ່ານມາ.
 |
| ຂົວຕໍ່ມິດຕະພາບລະຫວ່າງປະຊາຊົນສອງປະເທດ ຫວຽດນາມ - ເຢຍລະມັນ. (ພາບ: TTXVN) |
ນອກຈາກນັ້ນ, ປະຊາຄົມຊາວຫວຽດນາມ ຢູ່ ເຢຍລະມັນ ກໍ່ມີການປະກອບສ່ວນອັນໃຫຍ່ຫຼວງ ເຂົ້າໃນການພັດທະນາເສດຖະກິດ-ສັງຄົມຂອງປະເທດ, ໂດຍສະເພາະ ແມ່ນການໜູນຊ່ວຍປະເທດຜ່ານຜ່າຄວາມຫຍຸ້ງຍາກຈາກໂລກລະບາດໂຄວິດ-19. ທ່ານເອກອັກຄະລັດຖະທູດ ຫວູກວາງມິນ ເນັ້ນໜັກວ່າ: ໃນການພົບປະກັບທ່ານປະທານາທິບໍດີ ເຢຍລະມັນ Frank-Walter Steinmeier ກໍ່ຄືບັນດາເຈົ້າໜ້າທີ່ລັດຖະບານສະຫະພັນ ແລະ ບັນດາລັດ ເຢຍລະມັນ, ຝ່າຍເຢຍລະມັນໄດ້ຕີລາຄາສູງບັນດາຄວາມຮັກແພງ ແລະ ບັນດາການກະທຳທີ່ມີຄວາມໝາຍອັນສູງສົ່ງຂອງປະຊາຄົມຊາວ ຫວຽດນາມ ຢູ່ ເຢຍລະມັນ ແລະ ກໍ່ຄື ຫວຽດນາມ ທີ່ມີຕໍ່ປະຊາຊົນ ເຢຍລະມັນ ໃນໄລຍະຕົ້ນຂອງພະຍາດລະບາດ ຫຼື ເວລາທີ່ເຢຍລະມັນກຳລັງປະເຊີນກັບໄພພິບັດທຳມະຊາດ ແລະ ໄພນໍ້າຖ້ວມ.
ໂດຍການຮ່ວມແຮງຮ່ວມໃຈຂອງປະຊາຄົມຊາວຫວຽດນາມ ອາໄສຢູ່ ເຢຍລະມັນ ທີ່ໄດ້ປະກອບສ່ວນຢ່າງຕັ້ງໜ້າເຂົ້າໃນການເຮັດໃຫ້ການຮ່ວມມື ແລະ ການທູດລະຫວ່າງ 2 ປະເທດແໜ້ນແຟ້ນກວ່າອີກ, ກໍ່ຄືຍົກສູງທີ່ຕັ້ງຂອງປະຊາຄົມຊາວ ຫວຽດນາມ ໃນໃຈຂອງປະຊາຊົນເຢຍລະມັນ. ຕອບສະໜອງຄວາມຮັກແພງຂອງປະຊາຄົມ ແລະ ປະຊາຊົນຫວຽດນາມ, ຫວ່າງມໍ່ໆນີ້, ເຢຍລະມັນ ກໍ່ມອບຢາວັກຊີນທັງໝົດ 10 ລ້ານໂດສ ແລະ ອຸປະກອນການແພດທີ່ມີຄ່າຫຼາຍຢ່າງ ໃຫ້ຫວຽດນາມ ໃນຂະນະທີ່ແຫຼ່ງຢາປ້ອງກັນພາຍໃນປະເທດຍັງຈຳກັດຢູ່. ທ່ານເອກອັກຄະລັດຖະທູດ ປາດຖະໜາວ່າ ປະຊາຄົມຊາວຫວຽດນາມ ອາໄສຢູ່ ເຢຍລະມັນ ຈະສືບຕໍ່ປະກອບສ່ວນຢ່າງມີປະສິດທິຜົນ ແລະ ສົມທົບກັບສະຖານທູດ ເພື່ອຊຸກຍູ້ ແລະ ເພີ່ມທະວີການພົວພັນນີ້.
ຄຳຮຸ່ງ
