| ສະເຫຼີມສະຫຼອງ ວັນຊາດຫວຽດນາມ ຄົບຮອບ 77 ປີ ຢູ່ບາງປະເທດໃນໂລກ | |
| ສະມາຄົມມິດຕະພາບ ລາວ-ຫວຽດນາມ ຂັ້ນສູນກາງ ອວຍພອນວັນຊາດຂອງສາທາລະນະລັດ ສັງຄົມນິຍົມ ຫວຽດນາມ ຄົບຮອບ 77 ປີ |
 |
| ທ່ານປະທານ ໂຮ່ຈີມິນໄດ້ອ່ານບົດຖະແຫຼງປະກາດເອກະລາດສະຖາປະນາ ປະເທດ ສາທາລະນະລັດ ປະຊາທິປະໄຕ ຫວຽດນາມ. ພາບ: vovworld.vn |
ເນື່ອງໃນໂອກາດ ສະເຫຼີມສະຫຼອງ 77 ປີແຫ່ງວັນຊາດປະເທດສາທາລະນະລັດ ສັງຄົມນິຍົມ ຫວຽດນາມ, ໜັງສືພິມໃຫຍ່ຂອງ ຫວຽດນາມ ສະບັບອອກໃນວັນນີ້ ໄດ້ລົງຫຼາຍບົດຂຽນທີ່ຍ້ອງຍໍຊົມເຊີຍຄວາມໝາຍປະຫວັດສາດ ຂອງເຫດການນີ້. ໜັງສືພິມປະຊາຊົນ, ອົງການສູນກາງຂອງພັກກອມມູນິດ ຫວຽດນາມ, ກະບອກສຽງຂອງພັກ, ລັດ ແລະ ປະຊາຊົນ ຫວຽດນາມ ໄດ້ລົງບົດຂຽນດ້ວຍຫົວຂໍ້ວ່າ: “ຈິດໃຈແຫ່ງວັນເອກະລາດຍາມ ເຍືອງທາງໃຫ້ພວກເຮົາກ້າວເດີນຕະຫຼອດໄປ. ບົດຂຽນໄດ້ຢັ້ງຢືນວ່າ: ໃນຕະຫຼອດໄລຍະ 77 ປີຜ່ານມາ, ເຖິງວ່າ ປະເທດ ສາທາລະນະລັດ ປະຊາທິປະໄຕ ຫວຽດນາມ ຕາມລັດຖະດຳລັດ ສະບັບເລກທີ 49 ອອກໃນວັນທີ 12 ຕຸລາ 1945 ຫຼື ປະເທດ ສາທາລະນະລັດ ສັງຄົມນິຍົມ ຫວຽດນາມ ຕາມຂໍ້ຕົກລົງຂອງ ສະພາແຫ່ງຊາດຊຸດທີ VI ນັບແຕ່ວັນທີ 2 ກໍລະກົດ 1976 ມາຮອດປັດຈຸບັນ ຄວາມມຸ່ງຫວັງ “ເອກະລາດ - ເສລີພາບ - ສັນຕິສຸກ” ຍັງບໍ່ປ່ຽນແປງ, ນັບມື້ນັບໄດ້ເປີດກວ້າງເນື້ອໃນ, ໄດ້ຮັບຮູ້ຢ່າງຄົບຖ້ວນ, ເລິກເຊິ່ງກ່ວາອີກກ່ຽວກັບເປົ້າໝາຍອັນສູງສົ່ງຂອງການປະຕິວັດ.
ວີໂອວີ
