| ຫວຽດນາມ ແລະ ເມັກຊິໂກ ສົ່ງເສີມການຮ່ວມມືທາງດ້ານການຄ້າ, ເສດຖະກິດ ແລະ ການລົງທຶນ | |
| ມີໂຮງງານປຸງແຕ່ງປາປຶ່ງຕື່ມອີກ 6 ແຫ່ງ ທີ່ສົ່ງອອກໄປອາເມລິກາ |
ໃນໄຕມາດທີ 1 ປີ 2022 ການສົ່ງອອກປາປຶ່ງ ໄດ້ຊ້າລົງ ເນື່ອງຈາກຄວາມຕ້ອງການນໍາເຂົ້າຈາກຕະຫຼາດມີທ່າອ່ຽງຫຼຸດລົງໃນບາງຕະຫຼາດ. ມາຮອດເດືອນກໍລະກົດ, ການສົ່ງອອກເລີ່ມເຕີບໂຕຄືນໃໝ່, ບັນລຸ 197 ລ້ານ USD ແລະ ເພີ່ມຂຶ້ນ 56% ເມື່ອທຽບໃສ່ໄລຍະດຽວກັນຂອງປີ 2021.
ໄລ່ລວມໃນ 7 ເດືອນຕົ້ນປີ, ການສົ່ງອອກປາປຶ່ງຂອງຫວຽດນາມ ບັນລຸກວ່າ 1,6 ຕື້ USD, ເພີ່ມຂຶ້ນ 79%. ດັ່ງນັ້ນ, ພ້ອມກັບກຸ້ງ (ບັນລຸ 2,65 ຕື້ USD), ປາປຶ່ງ ແມ່ນຜະລິດຕະພັນອາຫານທະເລ ທີ່ມີວົງເງິນສົ່ງອອກໃຫຍ່ອັນດັບ 2, ບັນລຸ 1,6 ຕື້ USD ໃນ 7 ເດືອນຕົ້ນປີ, ເພີ່ມຂຶ້ນ 79%. ສະນັ້ນ, ຈາກອັນດັບ 4 ໃນບັນດາປະເທດນຳເຂົ້າປາປຶ່ງຂອງຫວຽດນາມ ໃນປີ 2021, ເມັກຊິໂກ ໄດ້ກາຍເປັນຕະຫຼາດຢືນທີ 3 (ຖັດຈາກ ຈີນ ແລະ ອາເມລິກາ), ກວມ 4,5% ຂອງວົງເງິນສົ່ງອອກປາປຶ່ງຫວຽດນາມ.
 |
| ເມັກຊິໂກ ແມ່ນປະເທດທີ່ນຳເຂົ້າປາປຶ່ງໃຫຍ່ອັນດັບທີ 3 ຂອງຫວຽດນາມ. |
ອີງຕາມ VASEP, ໃນຂະນະທີ່ການສົ່ງອອກປາປຶ່ງ ໄປຍັງຕະຫຼາດຫຼັກເຊິ່ງແມ່ນອາເມລິກາ ກຳລັງມີສັນຍານຊ້າລົງໃນເດືອນກໍລະກົດ (ຍ້ອນສິນຄ້າຄ້າງສາງເພີ່ມຂຶ້ນ, ການບໍລິໂພກຊ້າ ແລະ ລາຄາຫຼຸດລົງ) ນັ້ນ, ເມັກຊິໂກຍັງຄົງຮັກສາອັດຕາການເຕີບໂຕສູງ. ສະເພາະການສົ່ງອອກປາປຶ່ງ ໄດ້ເພີ່ມຂຶ້ນສອງເທົ່າເມື່ອທຽບໃສ່ໄລຍະດຽວກັນຂອງປີ 2021, ບັນລຸ 11 ລ້ານ USD.
ກ່ອນໜ້ານີ້, ໄລ່ຮອດເດືອນພຶດສະພາ 2022, ເມັກຊິໂກ ກໍ່ແມ່ນຕະຫຼາດທີ່ມີວົງເງິນການນຳເຂົ້າປາປຶ່ງໃຫຍ່ທີ່ສຸດຂອງກຸ່ມ CPTPP, ກວມ 35% ຍອດມູນຄ່າການນຳເຂົ້າຂອງກຸ່ມດັ່ງກ່າວ. VASEP ຄາດຄະເນວ່າ ການສົ່ງອອກປາປຶ່ງ ໄປເມັກຊິໂກຈະບັນລຸ 125 ລ້ານ USD ໃນປີ 2022, ເພີ່ມຂຶ້ນ 80% ເມື່ອທຽບໃສ່ປີ 2021.
ກ່ຽວກັບບັນດາປະເພດສິນຄ້າ, VASEP ໃຫ້ຮູ້ວ່າ: ໃນ 7 ເດືອນຕົ້ນປີ, ຊີ້ນປາປຶ່ງແຊ່ແຂງ ທີ່ສົ່ງອອກໄປຍັງເມັກຊິໂກກວມ 94% ຍອດມູນຄ່າ, ບັນລຸ 69 ລ້ານ USD; ຜະລິດຕະພັນປາຈາຕັດເປັນຕ່ອນ ກວມ 6%, ບັນລຸ 4,4 ລ້ານ USD.
ລາຄາສະເລ່ຍຊີ້ນປາປຶ່ງແຊ່ແຂງທີ່ສົ່ງອອກໄປຕະຫຼາດເມັກຊິໂກໃນເຄິ່ງທຳອິດຂອງປີນີ້ແມ່ນ 2,8 USD/ກິໂລ, ສູງກວ່າລາຄາສະເລ່ຍ 1,71 USD/ກິໂລ ໃນໄລຍະດຽວກັນຂອງປີ 2021 63,5%.
ຄຳຮຸ່ງ
