ຕາມທ່ານເອກອັກຄະລັດຖະທູດ ເມັກຊິໂກ ປະຈຳ ຫວຽດນາມ, ບັນດາການເຄື່ອນໄຫວທີ່ພົ້ນເດັ່ນແມ່ນງານວາງສະແດງ “ການເດີນທາງໄປຍັງ ເມັກຊິໂກ ບູຮານ”, ຄາດວ່າຈະຈັດຂຶ້ນໃນວັນທີ 19 ພຶດສະພາ ຢູ່ເຂດໜອງ ຮວ່ານກຽມ, ແນະນຳບັນດາວັດຖຸພັນບູຮານ ແລະ ມໍລະດົກອາລະຍະທໍາບູຮານຂອງ ເມັກຊິໂກ. ທ່ານເອກອັກຄະລັດຖະທູດ ປາດຖະໜາວ່າ ງານວາງສະແດງຈະດຶງດູດຄວາມສົນໃຈຂອງໝູ່ປະຊາຊົນນະຄອນຫຼວງ ແລະ ປະຊາຊົນຫວຽດນາມ, ຜ່ານນັ້ນ ກໍ່ປະກອບສ່ວນເພີ່ມທະວີຄວາມເຂົ້າໃຈ ແລະ ຄວາມສະໜິດຕິດພັນດ້ານວັດທະນະທຳລະຫວ່າງ 2 ປະເທດ.
 |
| ທ່ານ ປະທານຄະນະກຳມະການປະຊາຊົນນະຄອນ ຮ່າໂນ້ຍ ທ່ານ ເຈີນສີແທັງ (ເບື້ອງຂວາ) ແລະ ທ່ານ ເອກອັກຄະລັດຖະທູດ ເມັກຊິໂກ ປະຈຳ ຫວຽດນາມ Alejandro Negrín Munoz. (ຮູບ: ໜັງສືພິມ ຮ່າໂນ້ຍໃໝ່) |
ທ່ານເອກອັກຄະລັດຖະທູດ Alejandro Negrin Munoz ຢືນຢັນວ່າ ເມັກຊິໂກ ຍາມໃດກໍ່ຖື ຫວຽດນາມ ແມ່ນຄູ່ຮ່ວມມືສຳຄັນ, ໄດ້ສະແດງໃຫ້ເຫັນວ່າ ໂດຍກາຍເປັນປະເທດເຂດ ອາເມລິກາ - ລາຕິນ ທຳອິດທີ່ສ້າງຕັ້ງການພົວພັນທາງການທູດກັບ ຫວຽດນາມ ພາຍຫຼັງສົງຄາມ. ປະຈຸບັນ, ເມັກຊິໂກ ແມ່ນຄູ່ຮ່ວມມືການຄ້າໃຫຍ່ອັນດັບສອງຂອງຫວຽດນາມຢູ່ເຂດ ອາເມລິກາ - ລາຕິນ, ໃນນັ້ນ ຫວຽດນາມ ກໍ່ແມ່ນຄູ່ຮ່ວມມືການຄ້າໃຫຍ່ອັນດັບສອງຂອງ ເມັກຊິໂກໃນກຸ່ມອາຊຽນ.
ທ່ານປະທານຄະນະກຳມະການປະຊາຊົນນະຄອນ ຮ່າໂນ້ຍ ເຈີນສີແທັງ ຕີລາຄາສູງບັນດາການປະກອບສ່ວນຂອງເມັກຊິໂກ ໃນການຊຸກຍູ້ການຮ່ວມມືດ້ານເສດຖະກິດ ແລະ ວັດທະນະທຳລະຫວ່າງ 2 ປະເທດ. ທ່ານໄດ້ກ່າວເຖິງການມີຢູ່ນັບມື້ນັບຫຼາຍຂອງບັນດາວິສາຫະກິດຈາກທັງສອງປະເທດໃນຕະຫຼາດຂອງກັນ ແລະ ກັນ, ເຊັ່ນ ສູນບັນເທີງ Kidzania ຂອງເມັກຊິໂກ ທີ່ Lotte West Lake, ສາຂາຂອງກຸ່ມບໍລິສັດ FPT ໃນເມືອງ Guadalajara. ບັນດາເຫດການຄື “ສັບປະດາຫວຽດນາມ”, “ວັນຫວຽດນາມ” ຢູ່ ເມັກຊິໂກ ຫຼື ງານວາງສະແດງວັດທະນະທໍາຂອງພື້ນຖານອາລະຍະທໍາ Olmeca ໄດ້ປະກອບສ່ວນເພີ່ມທະວີຄວາມເຂົ້າໃຈ ແລະ ການພົວພັນລະຫວ່າງປະຊາຊົນສອງປະເທດ.
ທ່ານ ປະທານຄະນະກຳມະການປະຊາຊົນນະຄອນ ກໍ່ເນັ້ນໜັກວ່າ ຮ່າໂນ້ຍ ໃຫ້ຄຳໝັ້ນສັນຍາສືບຕໍ່ສົມທົບກັນ ແລະ ໜູນຊ່ວຍບັນດາການເຄື່ອນໄຫວອື່ນໆຂອງສະຖານທູດ ເມັກຊິໂກ ທີ່ກ່ຽວຂ້ອງເຖິງໂອກາດສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດລະຫວ່າງ 2 ປະເທດ, ປະກອບສ່ວນພັດທະນາການພົວພັນຄູ່ຮ່ວມມືຮອບດ້ານ ຫວຽດນາມ - ເມັກຊິໂກ ໃຫ້ນັບມື້ນັບພັດທະນາຢ່າງແທດຈິງ, ເລິກເຊິ່ງ ແລະ ມີປະສິດທິຜົນ.
 | ກອງທັບເຮືອ ຫວຽດນາມ - ໄທ ປະຕິບັດການລາດຕະເວນຮ່ວມ ຄັ້ງທີ 50 ຍສໝ - ຕອນເຊົ້າວັນທີ 21 ພະຈິກ, ກອງເຮືອ 263 ແລະ 265 ຂອງກອງບັນຊາການເຂດ 5 ກອງທັບເຮືອປະຊາຊົນ ຫວຽດນາມ ໄດ້ເຂົ້າທຽບທ່າກຳປັ່ນທະຫານເຂດ 5, ສິ້ນສຸດການລາດຕະເວນຮ່ວມປະຈຳປີ ຄັ້ງທີ 50 ກັບກອງເຮືອ 511 ແລະ 521 ຂອງກອງທັບເຮືອ ໄທ. |
 | ຍສໝ - ໂລໂກ້ (Logo) ທີ່ໄດ້ຮັບລາງວັນແມ່ນຄວາມຄິດປະດິດສ້າງຂອງກຸ່ມນັກສຶກສາມາຈາກ ຮ່າໂນ້ຍ, ນາງ ຫງວຽນເຈີນໝີແອັງ ຈາກມະຫາວິທະຍາໄລເສດຖະກິດແຫ່ງຊາດ (NEU) ແລະ ທ້າວ ໂດ໊ດືກເກືອງ ຈາກມະຫາວິທະຍາໄລສັບພະວິຊາ ຮ່າໂນ້ຍ (HUST). |
ແທັງຮັ່ງ
