| ເສດຖະກິດ ຫວຽດນາມ ຟື້ນຟູຢ່າງຕັ້ງໜ້າ, ຄາດວ່າລະດັບເຕີບໂຕ GDP 6 ເດືອນຜ່ານມາບັນລຸ 6,42 % | |
| ຊຸກຍູ້ການແລກປ່ຽນດ້ານການຄ້າ, ການລົງທຶນ, ສ້າງລະບົບການຜະລິດ ແລະ ການສະໜອງຢູ່ພາກພື້ນໃຫ້ເປັນປົກກະຕິ |
 |
| ທ່ານຮອງລັດຖະມົນຕີ ໂດ໊ທັ໋ງຫາຍ ກ່າວຄໍາປາໄສທີ່ເວທີປາໄສ( ພາບ: TTXVN) |
ທ່ານນາງຮອງລັດຖະມົນຕີເສດຖະກິດ Mexico Luz Maria de la Mora ເນັ້ນໜັກວ່າ ເມັກຊິໂກ ຖື ຫວຽດນາມ ແມ່ນຕະຫຼາດທີ່ມີຄວາມສຳຄັນທາງດ້ານຍຸດທະສາດຂອງ ເມັກຊິໂກ ໃນພາກພື້ນ ອາຊີ - ປາຊີຟິກ. ເມັກຊິໂກ ພ້ອມທີ່ຈະກາຍເປັນປະຕູເພື່ອໃຫ້ສິນຄ້າ ຫວຽດນາມ ເຂົ້າສູ່ຕະຫຼາດອາເມລິກາເໜືອ ແລະ ອາເມລິກາລາຕິນ.
ທ່ານນາງຮອງລັດຖະມົນຕີ Luz Maria ສະແດງຄວາມປາດຖະໜາວ່າ ບັນດາອົງການຮັບຜິດຊອບຂອງສອງປະເທດຈະສືບຕໍ່ເພີ່ມທະວີການສົມທົບກັນຢ່າງແໜ້ນແຟ້ນໃນໄລຍະຈະມາເຖິງ ແລະ ບັນດາວິສາຫະກິດຂອງສອງຝ່າຍຈະໜູນໃຊ້ທ່າໄດ້ປຽບຂອງສັນຍາຄູ່ຮ່ວມມືຮອບດ້ານ ແລະ ກ້າວໜ້າຂ້າມປາຊີຟິກ (CPTPP) ຢ່າງມີປະສິດທິຜົນ, ຜ່ານນັ້ນ ກໍຊຸກຍູ້ວົງເງິນການຄ້າສອງຝ່າຍ, ປະກອບສ່ວນເຂົ້າໃນການຟື້ນຟູເສດຖະກິດ ພາຍຫຼັງໂລກລະບາດໂຄວິດ-19. ທ່ານນາງ Luz Maria ຢືນຢັນວ່າ, ກະຊວງເສດຖະກິດເມັກຊິໂກ ຈະສ້າງທຸກເງື່ອນໄຂສະດວກ ແລະ ໜູນຊ່ວຍໃຫ້ປະຊາຄົມວິສາຫະກິດສອງຝ່າຍໃຫ້ຫຼາຍທີ່ສຸດ.
ທ່ານຮອງລັດຖະມົນຕີ ໂດ໊ທັ໋ງຫາຍ ເນັ້ນໜັກວ່າ ຫວຽດນາມ ປາດຖະໜາຢາກຍົກສູງກວ່າອີກສໍາລັບມູນຄ່າວົງເງິນການຄ້າ ແລະ ການລົງທຶນກັບເມັກຊິໂກ, ສຸມໃສ່ບັນດາຂົງເຂດພະລັງງານ, ໂທລະຄົມມະນາຄົມ, ກະສິກຳທີ່ນໍາໃຊ້ເຕັກນິກ ທັນສະໄໝ ແລະ ບັນດາຂະແໜງການອຸດສາຫະກຳທີ່ມີມູນຄ່າເພີ່ມສູງ. ພ້ອມກັນນັ້ນ, ກໍເພີ່ມທະວີບັນດາການເຄື່ອນໄຫວສົ່ງເສີມການຄ້າສອງຝ່າຍ.
ຫອມມາລາ
