ຕອນເຊົ້າວັນທີ 19 ກໍລະກົດ, ຢູ່ຮ່າໂນ້ຍ, ຄະນະຜູ້ແທນຂັ້ນສູງສູນກາງສະຫະພັນກຳມະບານລາວ ໄດ້ມີການພົບປະກັບການນຳມະຫາວິທະຍາໄລກຳມະບານ.
 |
| ຄະນະຜູ້ແທນສູນກາງສະຫະພັນກຳມະບານລາວ ຢ້ຽມຢາມ ແລະ ເຮັດວຽກຢູ່ ມະຫາວິທະຍາໄລກຳມະບານ. ພາບ: laodongthudo.vn |
ກ່າວຄຳເຫັນທີ່ການເຮັດວຽກ, ທ່ານ ປອ ເລກາວຖັ໊ງ, ເລຂາພັກ, ປະທານສະພາມະຫາວິທະຍາໄລກຳມະບານ ໄດ້ຢືນຢັນວ່າ, ສືບຕໍ່ມູນເຊື້ອອັນດີງາມໂດຍບັນດາການນຳປະຕິວັດໄດ້ເພີ່ມພູນຄູນສ້າງ, ໃນດ້ານກຳມະບານ, ສະຫະພັນໃຫຍ່ແຮງງານຫວຽດນາມ ແລະ ສູນກາງສະຫະພັນກຳມະບານລາວ ຍາມໃດກໍ່ຮ່ວມມືຮອບດ້ານ, ໃນນັ້ນມີການຮ່ວມມືດ້ານການບໍາລຸງສ້າງຢູ່ມະຫາວິທະຍາໄລກຳມະບານ.
ນັບແຕ່ຊຸດຮຽນທຳອິດມີການນຳຫຼັກແຫຼ່ງ 20 ສະຫາຍ, ມາຮອດປະຈຸບັນ, ສະຫະພັນໃຫຍ່ແຮງງານຫວຽດນາມ, ມະຫາວິທະຍາໄລກຳມະບານ ໄດ້ບໍາລຸງສ້າງພະນັກງານກຳມະບານລາວ 617 ຄົນ.
ຕາມທ່ານນາງ ອາລີ ວົງໜໍ່ບຸນທໍາ, ກຳມະການສູນກາງພັກປະຊາຊົນປະຕິວັດລາວ, ປະທານສູນກາງສະຫະພັນກຳມະບານລາວ ແລ້ວ, ການພົວພັນລະຫວ່າງມະຫາວິທະຍາໄລກຳມະບານ ກັບອົງການກຳມະບານລາວ ແມ່ນຮູບແບບການຮ່ວມມືທີ່ມີປະສິດທິຜົນ ແລະ ແທດຈິງ. ທ່ານນາງ ອາລີ ວົງໜໍ່ບຸນທໍາ ເນັ້ນໜັກ ວ່າ: ພາຍຫຼັງຮຽນຢູ່ມະຫາວິທະຍາໄລກຳມະບານ, ມີພະນັກງານຫຼາຍຄົນໄດ້ກັບ ເມືອປະເທດ ດໍາລົງຕໍາແໜ່ງເປັນຜູ້ນຳໃນສະຫະພັນກຳມະບານ ແລະ ຂະແໜງການຕ່າງໆຂອງລາວ.
ບູນມີ
