| ຫວຽດນາມ ແລະ ຮຸງກາຣີ ຍັງມີຄວາມສາມາດບົ່ມຊ້ອນຫຼາຍຢ່າງເພື່ອພັດທະນາ | |
| ທ່ານປະທານສະແຫ່ງຊາດ ຫວຽດນາມ ເລີ່ມໄປຢ້ຽມຢາມ ຮຸງກາຣີ ຢ່າງເປັນທາງການ |
 |
| ທ່ານພົນໂທ ເລຮຸຍວິ້ງ ມອບຂອງຂວັນທີ່ລະນຶກໃຫ້ທ່ານ Gaspar Maroth. ພາບ: ຮວ່າງຫວຽດ |
ທີ່ການພົບປະ, ສອງຝ່າຍໄດ້ເຫັນດີເປັນເອກະພາບຕີລາຄາວ່າ ໝາກຜົນການຮ່ວມມືດ້ານປ້ອງກັນຊາດລະຫວ່າງຫວຽດນາມ ແລະຮຸງກາຣີ ທີ່ໄດ້ຜັນຂະຫຍາຍໃນໄລຍະຜ່ານມາບົນພື້ນຖານບົດບັນທຶກຊ່ວຍຈໍາກ່ຽວກັບການຮ່ວມມືດ້ານປ້ອງກັນຊາດທີ່ໄດ້ລົງນາມໃນປີ 2018 ໄດ້ປະກອບສ່ວນຢ່າງຕັ້ງໜ້າເຂົ້າໃນການພົວພັນຄູ່ຮ່ວມມືຮອບດ້ານລະຫວ່າງສອງປະເທດ, ຕອບສະໜອງຄວາມຕ້ອງການ ແລະຜົນປະໂຫຍດຂອງແຕ່ລະຝ່າຍ. ສອງຝ່າຍປາດຖະໜາວ່າ ໃນໄລຍະຈະມາເຖິງສືບຕໍ່ຊຸກຍູ້ບັນດາເນື້ອໃນຮ່ວມມືທີ່ມີຢູ່ແລ້ວ, ໃນນັ້ນສຸມໃສ່ແລກປ່ຽນຄະນະຜູ້ແທນ, ບຳລຸງສ້າງ, ຮັກສາສັນຕິພາບສະຫະປະຊາຊາດ, ແກ້ໄຂຜົນຮ້າຍຢ້ອນຫຼັງຈາກສົງຄາມ, ຮ່ວມມືໃນການເຂົ້າຮ່ວມບັນດາການເຄື່ອນໄຫວຄຸ້ມຄອງວິກິດການລະຫວ່າງກະຊວງປ້ອງກັນປະເທດຫວຽດນາມ ແລະສະຫະພາບເອີຣົບ (FPA)...
ທ່ານພົນໂທ ເລຮຸຍວິ້ງ ກໍ່ແຈ້ງໃຫ້ຊາບກ່ຽວກັບເລື່ອງເປັນຄັ້ງທຳອິດທີ່ກະຊວງປ້ອງກັນປະເທດຫວຽດນາມ ຈະຈັດຕັ້ງງານວາງສະແດງປ້ອງກັນຊາດສາກົນໃນເດືອນ ທັນວາ 2022; ພ້ອມກັນນັ້ນກໍ່ໄດ້ເຊື້ອເຊີນການນຳກະຊວງປ້ອງກັນປະເທດ ແລະວິສາຫະກິດປ້ອງກັນຊາດຮຸງກາຣີ ມາຢ້ຽມຢາມຫວຽດນາມ ແລະເຂົ້າຮ່ວມງານວາງສະແດງດັ່ງກ່າວ ເພື່ອເປີດກາລະໂອກາດຊຸກຍູ້ການຮ່ວມມືໃຫ້ດີກວ່າເກົ່າ.
la.qdnd.vn
