| ຊຸກຍູ້ການພົວພັນຄູ່ຮ່ວມມືຮອບດ້ານ ຫວຽດນາມ - ຮຸງກາຣີ | |
| ທ່ານຫົວໜ້າກົມໃຫຍ່ເສນາທິການ ກອງທັບປະຊາຊົນລາວ ຢ້ຽມຢາມ ຫວຽດນາມ ຢ່າງເປັນທາງການ |
ວັນທີ 25 ມິຖຸນາ, ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫ້ວ ແລະ ຄະນະປະຕິບັດງານຂັ້ນສູງ ຫວຽດນາມ ໄດ້ໄປຮອດສະໜາມບິນສາກົນ Budepest Liszt Ferenc, ນະຄອນຫຼວງ Budapest, ເລີ່ມຕົ້ນການຢ້ຽມຢາມ ຮຸງກາຣີ ຢ່າງເປັນທາງການ ຕາມຄຳເຊື້ອເຊີນຂອງທ່ານປະທານສະພາແຫ່ງຊາດ ຮຸງກາຣີ Laszlo Kover. ຕ້ອນຮັບຄະນະຢູ່ສະໜາມບິນ ມີທ່ານຮອງປະທານສະພາແຫ່ງຊາດ Istvan Jakab, ທ່ານເອກອັກຄະລັດຖະທູດວິສາມັນ ຜູ້ມີອຳນາດເຕັມແຫ່ງ ຮຸງກາຣີ ປະຈຳ ຫວຽດນາມ Ory Csaba…
ການຢ້ຽມຢາມ ຮຸງກາຣີ ຢ່າງເປັນທາງການຂອງທ່ານປະທານສະພາແຫ່ງຊາດ ເວືອງດິ່ງເຫ້ວ ແລະ ຄະນະຜູ້ແທນຂັ້ນສູງສະພາແຫ່ງຊາດ ຫວຽດນາມ ແມ່ນເພື່ອແນໃສ່ເຮັດໃຫ້ການພົວພັນຄູ່ຮ່ວມມືຮອບດ້ານລະຫວ່າງ 2 ປະເທດ ເວົ້າລວມ ແລະ ການພົວພັນລະຫວ່າງ 2 ສະພາແຫ່ງຊາດເວົ້າສະເພາະໃຫ້ເລິກເຊິ່ງຂຶ້ນຕື່ມ, ເປີດແງ່ຫວັງໃໝ່ໃນການພົວພັນ 2 ຝ່າຍ ກໍຄືການຮ່ວມມືຢ່າງແໜ້ນແຟ້ນໃນບັນດາເວທີປາໄສພາກພື້ນ ແລະ ສາກົນ, ໃນສະພາບໂລກມີການຜັນແປຢ່າງສັບສົນ, ຍາກທີ່ຈະຄາດຄະເນລ່ວງໜ້າໄດ້.
 |
| ທ່ານປະທານສະພາແຫ່ງຊາດ ເວືອງດິ່ງເຫ້ວ ໄປຮອດສະໜາມບິນສາກົນ Budepest Liszt Ferenc |
ຮຸງກາຣີ ແລະ ຫວຽດນາມ ໄດ້ສ້າງຕັ້ງການພົວພັນທາງການທູດໃນວັນທີ 3 ກຸມພາ 1950. ສອງປະເທດມີສາຍພົວພັນມິດຕະພາບອັນເປັນມູນເຊື້ອອັນຍາວນານມາເປັນເວລາ 72 ປີ. ພິເສດ, ການພົວພັນລະຫວ່າງ 2 ປະເທດໄດ້ພັດທະນາຢ່າງຕັ້ງໜ້າໃນໄລຍະມໍ່ໆມານີ້, ສອງຝ່າຍໄດ້ຍົກລະດັບການພົວພັນຂຶ້ນເປັນຄູ່ຮ່ວມມືຮອບດ້ານ ເນື່ອງໃນໂອກາດທ່ານເລຂາທິການໃຫຍ່ ຫງວຽນຟູ໋ຈ້ອງ ຢ້ຽມຢາມ ຮຸງກາຣີ (2018) ໃນຂອບເຂດການຢ້ຽມຢາມ ຮຸງກາຣີ ໃນເດືອນ ກັນຍາ/ນີ້. ປີ 2018, ທ່ານເລຂາທິການໃຫຍ່ ຫງວຽນຟຸຈ້ອງ ຢືນຢັນວ່າ, ໃນສະພາບການທີ່ມີການປ່ຽນແປງຢ່າງສັບສົນໃນໂລກ ແລະ ພາກພື້ນ, ຫວຽດນາມ ຍາມໃດກໍ່ຖືເປັນສຳຄັນການພົວພັນມິດຕະພາບທີ່ເປັນມູນເຊື້ອ ແລະ ການຮ່ວມມືຮອບດ້ານກັບ ຮຸງກາຣີ, ຖືວ່າ ຮຸງກາຣີ ແມ່ນຄູ່ຮ່ວມມືນຳໜ້າຂອງ ຫວຽດນາມ ຢູ່ ເອີຣົບກາງ ແລະ ຕາເວັນອອກ .
ການຮ່ວມມືດ້ານການສຶກສາແລະການຝຶກອົບຮົມແມ່ນຂົງເຂດການຮ່ວມມືພື້ນຖານລະຫວ່າງສອງປະເທດ. ຮຸງກາຣີ ໄດ້ຊ່ວຍບຳລຸງສ້າງພະນັກງານ ແລະ ວິສະວະກອນນັບພັນຄົນ, ໃນນັ້ນມີຫຼາຍຄົນຖືພາລະໜ້າທີ່ສຳຄັນຂອງກົນໄກແຫ່ງລັດ ກໍ່ຄືຊີວິດເສດຖະກິດ - ສັງຄົມຂອງ ຫວຽດນາມ. ປະຈຸບັນ, ຮົງກາລີ ແມ່ນປະເທດໃນສະຫະພາບເອີລົບ (EU) ທີ່ໃຫ້ທຶນການສຶກສາຫຼາຍທີ່ສຸດໃຫ້ແກ່ຫວຽດນາມ ດ້ວຍ 200 ທຶນການສຶກສາຕໍ່ປີ. ມີຫຼາຍການເຄື່ອນໄຫວເຊີດຊູວັດທະນະທຳຫວຽດນາມ ຖືກຈັດຂຶ້ນຢູ່ 2 ປະເທດ. ກ່ຽວກັບການຮ່ວມມືພັດທະນາ, ຮຸງກາຣີ ຖືຫວຽດນາມ ແມ່ນຄູ່ຮ່ວມມືບຸລິມະສິດໃນນະໂຍບາຍໜູນຊ່ວຍພັດທະນາຢ່າງເປັນທາງການ (ODA), ໃຫ້ຄຳໝັ້ນສັນຍາໜູນຊ່ວຍ 440 ລ້ານເອີໂຣ ເພື່ອຜັນຂະຫຍາຍບັນດາໂຄງການຮ່ວມມືບຸລິມະສິດລະຫວ່າງ 2 ປະເທດ. ປະຈຸບັນ, ປະຊາຄົມຊາວຫວຽດນາມ ຢູ່ ຮຸງກາຣີ ມີປະມານ 5.000 ຄົນ, ເຊື່ອມໂຍງເຂົ້າກັນເປັນຢ່າງດີ ແລະ ມີຊື່ສຽງໃນປະເທດເຈົ້າພາບ, ຍາມໃດກໍ່ມຸ່ງໄປເຖິງບ້ານເກີດເມືອງນອນ ດ້ວຍບັນດາການເຄື່ອນໄຫວທີ່ດີ.
ໃນຂອບເຂດການຢ້ຽມຢາມ, ສອງປະເທດຈະຊຸກຍູ້ການຮ່ວມມືສອງຝ່າຍໃນທຸກຂົງເຂດ, ພິເສດແມ່ນເສດຖະກິດ, ການຄ້າ - ການລົງທຶນ, ສຸຂະພາບ, ວັດທະນະທຳ, ການສຶກສາ - ຝຶກອົບຮົມ; ຊຸກຍູ້ການເຈລະຈາ ແລະ ເຊັນສັນຍາຮ່ວມມືລະຫວ່າງ 2 ປະເທດ ແລະ ປະຕິບັດສັນຍາການຄ້າເສລີ ຫວຽດນາມ - EU (EVFTA) ຢ່າງມີປະສິດທິຜົນ; ຍູ້ແຮງການເປີດກວ້າງບັນດາໂຄງການຮ່ວມມື, ຕັ້ງໜ້າຜັນຂະຫຍາຍບັນດາບຸລິມະສິດທີ່ຮຸງກາຣີ ໃຫ້ແກ່ ຫວຽດນາມ.
ວີໂອວີ
