ຕອນເຊົ້າວັນທີ 20 ມິຖຸນາ, ກຳປູເຈຍ ໄດ້ຈັດພິທີສະເຫຼີມສະຫຼອງ 45 ປີແຫ່ງວັນສ້າງຕັ້ງ “ວິວັດການມຸ່ງໄປສູ່ການໂຄ່ນລົ້ມລະບອບດັບສູນເຊື້ອຊາດຂະແມແດງ” ຢູ່ບ້ານ Koh Thmar (ຕາແສງ Tonloung, ເມືອງ Memut, ແຂວງ Thbong Khmum).
 |
| ທ່ານນາຍົກລັດຖະມົນຕີ ກຳປູເຈຍ Samdech Techo Hun Sen ແລະ ທ່ານນາຍົກລັດຖະມົນຕີ ຫວຽດນາມ ຟ້າມມີງຈິ໊ງ. ພາບ: TTXVN |
ເຫດການໂດຍທ່ານນາຍົກລັດຖະມົນຕີ ກຳປູເຈຍ Samdech Techo Hun Sen ແລະ ທ່ານນາຍົກລັດຖະມົນຕີ ຫວຽດນາມ ຟ້າມມີງຈິ໊ງ ເປັນປະທານ, ໂດຍມີການເຂົ້າຮ່ວມຂອງບັນດາເຈົ້າໜ້າທີ່ຂັ້ນສູງ ແລະ ນາຍພົນທະຫານຂອງ 2 ປະເທດ. ໃນຂອບເຂດງານສະເຫຼີມສະຫຼອງ, ສອງຝ່າຍເປີດສະຫຼອງລາຍການຢູ່ເຂດປູຊະນີຍະສະຖານປະຫວັດສາດ X16 Techo Koh Thmar ຈຳນວນໜຶ່ງ ແລະ ປູກຕົ້ນໄມ້ທີ່ລະນຶກ.
ຕາມສຳນັກຂ່າວສານຫວຽດນາມປະຈຳນະຄອນຫຼວງພະນົມເປັນແລ້ວ, ໜັງສືພິມ Khmer Times ໃນວັນດຽວກັນໄດ້ລົງຂ່າວກ່ຽວກັບພິທີສະເຫຼີມສະຫຼອງໂດຍມີການເຂົ້າຮ່ວມຂອງນາຍົກລັດຖະມົນຕີ ກຳປູເຈຍ ແລະ ຫວຽດນາມ.
ທ່ານນາຍົກລັດຖະມົນຕີ Hun Sen ເນັ້ນໜັກວ່າ ປະຫວັດສາດໄດ້ພິສູດ ໃຫ້ເຫັນວ່າ ຖ້າບໍ່ມີ “ວິວັດການມຸ່ງໄປສູ່ການໂຄ່ນລົ້ມລະບອບດັດສູນເຊື້ອຊາດ Pol Pot” ເລີ່ມຕົ້ນແຕ່ວັນທີ 20 ມິຖຸນາ ປີ 1977 ແລະ ບັນດາເຫດການຕໍ່ໄປ ຈະບໍ່ມີປະເທດກຳປູເຈຍໃນປັດຈຸບັນ.
ວັນທີ 19 ມິຖຸນາ, ໃນເຟສບຸກສ່ວນຕົວ, ທ່ານນາຍົກລັດຖະມົນຕີ Hun Sen ໄດ້ລົງບົດຂຽນກັບບັນດາສະຫາຍ ກ່ຽວກັບເສັ້ນທາງທີ່ຫຍຸ້ງຍາກໃນການຊອກຫາທາງປົດປ່ອຍກຳປູເຈຍ ໃຫ້ຫຼຸດພົ້ນອອກຈາກລະບອບດັບສູນເຊື້ອຊາດ.
ບູນມີ
