ທ່ານ​ປະ​ທານ​ສະ​ພາ​ແຫ່ງ​ຊາດ ເວືອງ​ດິ່ງ​ເຫ້ວ ໃຫ້​ການ​ຕ້ອນ​ຮັບທ່ານ​ເລ​ຂາ​ ​ພັກ​ແຂວງ, ເຈົ້າ​ແຂວງ ແຂວງ ຈຳ​ປາ​ສັກ
	ສື່ມວນ​ຊົນ ລາວ ອອກ​ຂ່າວ​ເປັນ​ຈຳ​ນວນຫຼາຍ​ກ່ຽວ​ກັບ​ການ​ຢ້ຽມ​ຢາມ​ສັນ​ຖະ​ວະ​ໄມ​ຕີ ແຫ່ງ ສ​ປ​ປ.ລາວ ຂອງ​ທ່ານ​ປະ​ທານ​ສະ​ພາ​ແຫ່ງ​ຊາດ ຫວຽດ​ນາມ

ທ່ານເລຂາທິການໃຫຍ່ສະພາແຫ່ງຊາດ, ຫົວໜ້າຫ້ອງວ່າການສະພາແຫ່ງຊາດ ຫວຽດນາມ ບຸ່ຍວັນເກື້ອງ ແລະ ທ່ານນາງເລຂາທິການໃຫຍ່ສະພາແຫ່ງຊາດລາວ ປິ່ງຄຳ ລາຊາສີມາ

ຕອນຍ່າຍ ວັນທີ 16 ພຶດສະພາ, ໃນຂອບເຂດການຢ້ຽມຢາມຢ່າງເປັນທາງການລາວ ຂອງທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫ້ວ, ທີ່ຫໍສະພາແຫ່ງຊາດລາວ ນະຄອນຫຼວງວຽງຈັນ, ທ່ານເລຂາທິການໃຫຍ່ສະພາແຫ່ງຊາດ, ຫົວໜ້າຫ້ອງວ່າການສະພາແຫ່ງຊາດ ຫວຽດນາມ ບຸ່ຍວັນເກື້ອງ ໄດ້ມີການພົວປະເຈລະຈາກັບ ທ່ານນາງເລຂາທິການໃຫຍ່ສະພາແຫ່ງຊາດລາວ ປິ່ງຄຳ ລາຊາສີມາ. ໃນການພົບປະ, 2 ຝ່າຍໄດ້ເຫັນດີເປັນເອກະພາບສົມທົບກັນຢ່າງແໜ້ນແຟ້ນໃນການປະຕິບັດຜັນຂະຫຍາຍບັນດາເນື້ອໃນຂອງສັນຍາຮ່ວມມືລະຫວ່າງສະພາແຫ່ງຊາດ 2 ປະເທດ ແລະ ສັນຍາຮ່ວມມືລະຫວ່າງຫ້ອງວ່າການສະພາແຫ່ງຊາດ ແລະ ຄະນະເລຂາທິການສະພາແຫ່ງຊາດ ລາວ ທີ່ໄດ້ລົງນາມ ເນື່ອງໃນໂອກາດການຢ້ຽມຢາມສະພາແຫ່ງຊາດລາວ ຢ່າງເປັນທາງການ ຂອງ ທ່ານປະທານສະພາແຫ່ງຊາດຫວຽດນາມ ເວືອງດິ່ງເຫ້ວ. ທ່ານເລຂາທິການໃຫຍ່ສະພາແຫ່ງຊາດ, ຫົວໜ້າຫ້ອງວ່າການສະພາແຫ່ງຊາດ ບຸ່ຍວັນເກື່ອງ ໄດ້ແບ່ງປັນບົດຮຽນປະສົບການໃນການຈັດຕັ້ງກອງປະຊຸມຂອງສະພາແຫ່ງຊາດຫວຽດນາມ ແລະ ວຽກງານເສນາທິການ ແລະ ການຮັບໃຊ້ ຂອງຫ້ອງວ່າການສະພາແຫ່ງຊາດ ເພື່ອປະກອບສ່ວນເຂົ້າໃນການຈັດຕັ້ງກອງປະຊຸມໃຫ້ສຳເລັດຜົນ; ນັບແຕ່ການກະກຽມທາງດ້ານເນື້ອໃນ, ຮ່າງໂຄງການດຳເນີນງານ, ບັນດາເງື່ອນໄຂເພື່ອຮັບປະກັນພື້ນຖານດ້ານວັດຖຸ, ສາຍສົ່ງອິນເຕີເນັດ, ວຽກງານປ້ອງກັນ, ຕ້ານໂລກລະບາດ Covid-19, ຂໍ້ມູນຂ່າວສານ. .. ກ່ອນ, ໃນ ແລະ ພາຍຫຼັງ ກອງປະຊຸມ.