| ນັກສຶກສາຫວຽດນາມ - ລາວ - ກຳປູເຈຍ ຢູ່ນະຄອນໂຮ່ຈີມິນ ພົບປະແລກປ່ຽນວັດທະນະທຳ ແລະຕ້ອນຮັບບຸນປີໃໝ່ | |
| ການເຄື່ອນໄຫວຕ້ອນຮັບບຸນປີໃຫມ່ປະຈຳຊາດ ກຳປູເຈຍ, ລາວ, ມຽນມາ, ໄທ ຢູ່ ນະຄອນໂຮ່ຈີມິນ |
 |
| ທ່ານ ນາຍົກລັດຖະມົນຕີ ຫງວຽນຊວນຟຸກ ໄດ້ມີການພົບປະເຈລະຈາທາງໄກ ກັບທ່ານ ນາຍົກລັດຖະມົນຕີ ລາວ ແລະ ທ່ານ ນາຍົກລັດຖະມົນຕີ ກໍາປູເຈຍ ໃນເດືອນ 3 ປີ 2021 (ພາບ: baoquocte.vn) |
ຄະນະໂຄສະນາສຶກສາ ຄະນະພັກແຂວງ ສະເໜີໃຫ້ບັນດາທ້ອງຖິ່ນ, ຫົວໜ່ວຍຈັດຕັ້ງການໂຄສະນາກ່ຽວກັບປະຫວັດສາດການພົວພັນແບບພິເສດຫວຽດນາມ - ລາວ ແລະ ບັນດາຜົນງານການຮ່ວມມືຂອງສອງປະເທດ, ພິເສດແມ່ນໃນໄລຍະແຕ່ປີ 1962 ຮອດປະຈຸບັນ, ໃນນັ້ນ ສຸມໃສ່ເນັ້ນໜັກ: ຢັ້ງຢືນການພົວພັນລະຫວ່າງ ຫວຽດນາມ - ລາວ, ລາວ - ຫວຽດນາມ ແມ່ນແບບຢ່າງໜຶ່ງ, ຕົວແບບໜຶ່ງທີ່ຫາຍາກກ່ຽວກັບຄວາມສະໜິດຕິດພັນຢ່າງແໜ້ນແຟ້ນ, ສັດຊື່ບໍລິສຸດ, ໂປ່ງໃສ ແລະ ເຕັມໄປດ້ວຍປະສິດທິຜົນລະຫວ່າງປະຊາຊົນສອງປະເທດທີ່ຕໍ່ສູ້ເພື່ອເອກະລາດ, ເສລີພາບ ແລະ ຄວາມກ້າວໜ້າຂອງສັງຄົມ; ເຮັດໃຫ້ປະຊາຊົນທຸກຊັ້ນຄົນໄດ້ເຂົ້າໃຈເລິກເຊິ່ງກ່ຽວກັບການພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງ ສອງຊາດ ຫວຽດນາມ - ລາວ ທີ່ປະທານ ໂຮ່ຈິມິນ ແລະ ປະທານສຸພານຸວົງ, ປະທານໄກສອນ ພົມວິຫານໄດ້ສ້າງສັນ; ສືບຕໍ່ປົກປັກຮັກສາ, ພັດທະນາ ແລະ ຍົກສູງການພົວພັນພິເສດຫວຽດນາມ - ລາວ ບົນຈິດໃຈເອກະລາດ, ເປັນເຈົ້າຕົນເອງ, ເຈດຈໍານົງກຸ້ມຕົນເອງ, ເພິ່ງຕົນເອງ, ເສີມຂະຫຍາຍທ່າແຮງ ແລະ ຄວາມສາມາດຂອງແຕ່ລະຝ່າຍ ເພື່ອຜົນປະໂຫຍດຂອງປະຊາຊົນແຕ່ລະປະເທດ, ປະກອບສ່ວນເຂົ້າໃນການຮັກສາສັນຕິພາບ, ສະຖຽນລະພາບ, ການຮ່ວມມື ແລະ ພັດທະນາໃນພາກພື້ນ ແລະ ທົ່ວໂລກ.
ໂຄສະນາບັນດາໂຄງການພົ້ນເດັ່ນໂດຍມີການສົມທົບລະຫວ່າງສອງປະເທດ; ບັນດາຮູບແບບທີ່ດີ, ວິທີການທີ່ມີປະສິດທິຜົນໃນພັດທະນາເສດຖະກິດ - ສັງຄົມຢູ່ເຂດຊາຍແດນ, ໝາກຜົນຂອງການຮ່ວມມືພັດທະນາເສດຖະກິດ, ວັດທະນະທຳ - ສັງຄົມລະຫວ່າງແຂວງ ເຫງະອານ ກັບແຂວງຊຽງຂວາງ, ບໍລິຄຳໄຊ, ຫົວພັນ ແລະ ບັນດາເມືອງເຂດຊາຍແດນແຂວງ ເຫງະອານ ກັບບັນດາເມືອງເຂດຊາຍແດນຂອງປະເທດເພື່ອນມິດລາວ; ບັນດາບຸກຄົນທີ່ພົ້ນເດັ່ນເຊິ່ງມີປະກອບສ່ວນສຳຄັນເຂົ້າໃນການພັດທະນາການພົວພັນຮ່ວມມືຫວຽດນາມ - ລາວ.
ໂຄສະນາກ່ຽວກັບເນື້ອໃນ ແລະ ຄວາມໝາຍຂອງສອງເຫດການສຳຄັນຄື: ວັນສ້າງຕັ້ງການພົວພັນທາງການທູດ ຫວຽດນາມ - ລາວ (5 ກັນຍາ 1962) ແລະ ວັນເຊັນສົນທິສັນຍາມິດຕະພາບ ແລະ ການຮ່ວມມື ຫວຽດນາມ - ລາວ (18 ກໍລະກົດ 1977); ຢືນຢັນສອງເຫດການປະຫວັດສາດທີ່ຍິ່ງໃຫຍ່, ເປັນຂີດໝາຍບາດລ້ຽວ, ເປັນໄລຍະພັດທະນາໃໝ່ລະຫວ່າງສອງປະເທດ. ໂຄສະນາ ແລະ ຕອບສະໜອງການປະກວດ “ຊອກຮູ້ປະຫວັດສາດການພົວພັນພິເສດລະຫວ່າງຫວຽດນາມ - ລາວ, ລາວ - ຫວຽດນາມ”.
ໂຄສະນາກ່ຽວກັບປະຫວັດສາດການພົວພັນ ຫວຽດນາມ - ກຳປູເຈຍ ແລະ ບັນດາຜົນງານການຮ່ວມມືລະຫວ່າງສອງປະເທດໃນໄລຍະປະຈຸບັນ: ຂໍ້ມູນກ່ຽວກັບປະຫວັດສາດການພົວພັນລະຫວ່າງສອງປະເທດ, ບັນດາຂີດໝາຍປະຫວັດສາດທີ່ສຳຄັນ, ບັນດາໝາກຜົນ, ຜົນງານທີ່ບັນລຸໄດ້ໃນ 55 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ ແລະ ກຳປູເຈຍ (24 ມິຖຸນາ 1967 - 24 ມິຖຸນາ 2022); ຄວາມຜູກພັນຂອງປະຊາຊົນສອງປະເທດໃນບັນດາໄລຍະປະຫວັດສາດ; ການປະກອບສ່ວນ ແລະ ການເສຍສະຫຼະຂອງກອງທັບ ແລະ ປະຊາຊົນ ຫວຽດນາມ ໃນໄລຍະທີ່ຮ່ວມກັບປະຊາຊົນ ກຳປູເຈຍ ເພື່ອໂຄ່ນລົ້ມລະບອບດັບສູນເຊື້ອຊາດ ຂະແມແດງ.
ໂຄສະນາກ່ຽວກັບໝາກຜົນ, ຜົນງານໃນການຮ່ວມມືທາງດ້ານການເມືອງ, ເສດຖະກິດ, ວັດທະນະທໍາ, ຄວາມໝັ້ນຄົງ, ການປ້ອງກັນຊາດ...ລະຫວ່າງສອງປະເທດ, ໃນນັ້ນ ການພົວພັນດ້ານການເມືອງສືບຕໍ່ມີບົດບາດຫຼັກແຫຼ່ງ, ກໍານົດທິດໃນການພົວພັນຂອງສອງປະເທດ.
ຄະນະໂຄສະນາສຶກສາ ຄະນະພັກແຂວງ ສະເໜີບັນດາທ້ອງຖິ່ນ, ຫົວໜ່ວຍຈັດຕັ້ງການເຄື່ອນໄຫວປຸກລະດົມໃຫ້ມີຄວາມອຸດົມສົມບູນ, ຫຼາຍຮູບຫຼາບແບບ, ຈັດຂຶ້ນໃນຕະຫຼອດປີ 2022, ໃນນັ້ນສຸມໃສ່ຈຸດເວລາ: ສຳລັບ “ປີມິດຕະພາບ ຫວຽດນາມ - ກຳປູເຈຍ 2022””, ແຕ່ເດືອນ ມິຖຸນາ ຫາ ເດືອນ ສິງຫາ 2022. ສຳລັບ “ປີສາມັກຄີມິດຕະພາບ ຫວຽດນາມ - ລາວ 2022” ແຕ່ ເດືອນ ກໍລະກົດ ຫາ ເດືອນ ກັນຍາ 2022.
ຫອມມາລາ
