| ເຝີ ຫວຽດນາມ ສ້າງຄວາມປະທັບໃຈຕໍ່ເພື່ອນມິດ ອາຊຽນ | |
| ຊາວຫວຽດນາມ ອາໄສຢູ່ ສ.ເກົາຫຼີ ແລະ ຊາວ ສ.ເກົາຫຼີ ອາໄສ ຢູ່ ຫວຽດນາມ ແມ່ນຂົວເຊື່ອມຕໍ່ການພົວພັນລະຫວ່າງສອງປະເທດ |
 |
| ຈິດຕະກອນ ເຢືອງວັນແທັງ (ພາບ: TTXVN) |
ທີ່ພິທີໄຂ, ທ່ານ Pasquali ເຈົ້າຄອງນະຄອນ Passignano, ຊີ້ແຈ້ງວ່າ: ສິລະປະແມ່ນສານຂອງສັນຕິພາບ ແລະ ຊຸກຍູ້ການພົວພັນ ຫວຽດນາມ - ອີຕາລີ ສືບຕໍ່ພັດທະນາຢ່າງດີງາມ. ທ່ານ Pasquali ສະແດງຄວາມຂອບອົກຂອບໃຈ ນັກຈິດຕະກອນ ວັນເຢືອງແທັງ ທີ່ໄດ້ວາງສະແດງພາບແຕ້ມຢູ່ Passignano - ໂດຍແມ່ນບັນດານະຄອນສວຍງາມທີ່ສຸດຂອງອີຕາລີ ແລະ ຫາກໍ່ໄດ້ຈັດເຂົ້າບັນຊີບັນດາສະຖານທີ່ສວຍງາມທີ່ສຸດໃນໂລກ.
ໂດຍແນະນຳໄປຍັງເພື່ອນມິດອີຕາລີ ດ້ວຍພາບແຕ້ມກ່ຽວກັບຖະໜົນຫົນທາງຮ່າໂນ້ຍ ແລະ ທິວທັດທຳມະຊາດ ເພື່ອແນໃສ່ຊ່ວຍໃຫ້ມະຫາຊົນອີຕາລີ ເຂົ້າໃຈຕື່ມອີກກ່ຽວກັບປະເທດຊາດ ຫວຽດນາມ, ນັກຈິດຕະກອນ ວັນເຢືອງແທັງ ຍັງມີຜົນງານບັນດາພາບແຕ້ມທິວທັດທຳມະຊາດຂອງ ອີຕາລີ ຄື ພູຜາປ່າໄມ້, ໜອງນ້ຳ, ສະຖາບັດຕະຍາກຳທີ່ເກົ່າແກ່…
ຜ່ານຜົນງານນັບສິບໆຢ່າງທີ່ໄດ້ຄັດເລືອກຢ່າງລະອຽດ ເພື່ອແນະນຳຢູ່ງານວາງສະແດງ, ທ່ານຜູ້ຊົມຈະໄດ້ຮັບຊົມ ແລະ ລົງພຶດຕິກຳຕົວຈິງບັນດາຄວາມຮູ້ສຶກ, ການຂຸດຄົ້ນບັນດາແງ່ມູມໃໝ່, ເຕັກນິກທີ່ສັບສົນ ແລະ ຄ່ອງແຄ້ວ, ການສົມທົບກັນຢ່າງກົມກຽວຂອງສີສັນຢ່າງມີຫົວຄິດປະດິດສ້າງ, ເພື່ອພ້ອມກັນແບ່ງປັນກັບນັກຈິດຕະກອນຍິງ ດ້ວຍການລົງພຶດຕິກຳຕົວຈິງ ແລະ ຄວາມຮູ້ສຶກແຫ່ງນ້ຳໃຈກ່ຽວກັບຄາວຍັງນ້ອຍທີ່ປະສົບກັບຄວາມຫຍຸ້ງຍາກທີ່ເປັນໜ້າຈົດຈຳ, ຂາດແຄນວັດຖຸ ເຊິ່ງເຕັມໄປດ້ວຍຄວາມມຸ່ງມາດປາດຖະໜາກກ່ຽວກັບອະນາຄົດແຫ່ງສັນຕິພາບ.
ກ່າວຄຳເຫັນທີ່ພິທີໄຂງານວາງສະແດງ, ທ່ານເອກອັກຄະລັດຖະທູດ ຫວຽດນາມ ປະຈຳ ອີຕາລີ ເຢືອງຫ໋າຍຮຶງ ເນັ້ນໜັກວ່າ ນັກຈິດຕະກອນກໍ່ຄືດົນຕີ, ບໍ່ຈຳເປັນຕ້ອງມີພາສາເພື່ອຖ່າຍທອດ, ແຕ່ແມ່ນຂົວເຊື່ອມຕໍ່ຢ່າງມີປະສິດທິຜົນເພື່ອເຊື່ອມຕໍ່ຈິດໃຈ, ຫົວໃຈຂອງປະຊາຊົນສອງປະເທດຫວຽດນາມ -ອີຕາລີ.
ບຸນຄົງ
