ຫວ່າງແລ້ວນີ້, ຢູ່ຮ່າໂນ້ຍ, ສະຖານທູດລາຊະອານາຈັກໂອມານ ປະຈຳ ຫວຽດນາມ ໄດ້ຈັດຕັ້ງພິທີສະເຫຼີມສະຫຼອງ 30 ປີແຫ່ງວັນສ້າງຕັ້ງການພົວພັນທາງການທູດລະຫວ່າງໂອມານ - ຫວຽດນາມ.
 |
| ຫວຽດນາມ - ໂອມານ ສະເຫຼີມສະຫຼອງ 30 ປີແຫ່ງວັນສ້າງຕັ້ງການ ພົວພັນທາງການທູດ. ພາບ: congly.vn |
ກ່າວຄຳເຫັນທີ່ພິທີ, ທ່ານເອກອັກຄະລັດຖະທູດລາຊະອານາຈັກໂອມານ Saleh Mohamed Ahmed Al Saqri ໄດ້ຕີລາຄາບັນດາບາດກ້າວສຳຄັນໃນການຮ່ວມມື 2 ຝ່າຍລະຫວ່າງ ຫວຽດນາມ ແລະ ໂອມານ ທີ່ບັນລຸໄດ້. ການພົວພັນທາງການທູດ ແລະ ການເມືອງໄດ້ຮັບການປັບປຸງຢ່າງບໍ່ຢຸດຢັ້ງໂດຍຜ່ານການແລກປ່ຽນຄະນະຜູ້ແທນຢ່າງເປັນທາງການ. ສອງປະເທດໄດ້ສ້າງຕັ້ງຄະນະກຳມະການປະສົມຮ່ວມມືເສດຖະກິດຫວຽດນາມ - ໂອມານ, ໄດ້ລົງນາມໃນສັນຍາ 10 ສະບັບ ແລະ ບົດບັນທຶກຄວາມເຂົ້າໃຈກ່ຽວກັບການຮ່ວມມືສອງຝ່າຍໃນຫຼາຍຂົງເຂດ 3 ສະບັບ...
ໃນ 2 ປີຜ່ານມາ, ໂດຍບໍ່ຫົວຊາຕໍ່ຄວາມຫຍຸ້ງຍາກຍ້ອນໂລກລະບາດໂຄວິດ-19, 2 ປະເທດຍັງສືບຕໍ່ເພີ່ມທະວີການພົວພັນ ແລະ ຮັດແໜ້ນການຮ່ວມມື...
ທ່ານນາງ ຫງວຽນມີງຮັ່ງ, ຜູ້ຊ່ວຍວຽກລັດຖະມົນຕີກະຊວງການຕ່າງປະເທດ ຫວຽດນາມ ແບ່ງປັນວ່າ: “ພວກຂ້າພະເຈົ້າຍາມໃດກໍ່ມີຄວາມເຄົາລົບຕໍ່ຮູ້ສຶກອັນດີງາມ ແລະ ການສະໜັບສະໜູນອັນລ້ຳຄ່າທີ່ລັດຖະບານ ແລະ ປະຊາຊົນ ໂອມານ ໄດ້ສະຫງວນໃຫ້ປະຊາຊົນ ຫວຽດນາມ ໃນໄລຍະປະສົບກັບຄວາມຫຍຸ້ງຍາກ ເພື່ອຜ່ານຜ່າຜົນຮ້າຍຢ້ອນຫຼັງຈາກໄພທຳມະຊາດ. ການພົວພັນທີ່ສະໜິດຕິດພັນ, “ຮ່ວມທຸກຮ່ວມສຸກ” ແມ່ນພື້ນຖານອັນໝັ້ນແກ່ນໃຫ້ແກ່ການຮ່ວມມືອັນຍາວນານລະຫວ່າງ 2 ປະເທດ ຫວຽດນາມ ແລະ ໂອມານ.
ບົນພື້ນຖານນັ້ນການພົວພັນມິດຕະພາບທີ່ເປັນມູນເຊື້ອ ແລະ ຄວາມເຊື່ອໝັ້ນຕໍ່ຄວາມສາມາດບົ່ມຊ້ອນຮ່ວມມືລະຫວ່າງ 2 ປະເທດ, ທ່ານເອກອັກຄະລັດຖະທູດ ໂອມານ ແລະ ລັດຖະມົນຕີກະຊວງການຕ່າງປະເທດຫວຽດນາມ ຫວັງວ່າ ສອງປະເທດຈະສືບຕໍ່ຊຸກຍູ້ການຮ່ວມມືໃນທຸກຂົງເຂດ.
ບູນມີ
