| ບັນດາການເຄື່ອນໄຫວສະເຫຼີມສະຫຼອງ 47 ປີແຫ່ງວັນທ້ອນໂຮມປະເທດຊາດເປັນເອກະພາບຖືກຈັດຂຶ້ນທັງຢູ່ພາຍໃນ ແລະ ຕ່າງປະເທດ | |
| ທ່ານເລຂາທິການໃຫຍ່ ຫງວຽນຝູຈ້ອງ ຕ້ອນຮັບເອກອັກຄະລັດຖະທູດ ອາເມລິກາ ປະຈຳ ຫວຽດນາມ |
 |
| ທ່ານນາງປະທານສະຫະພັນແມ່ຍິງຫວຽດນາມ ຮ່າທິງາ ກ່າວຄຳເຫັນທີ່ພິທີ (ພາບ: TTXVN) |
ສະຖານທູດຫວຽດນາມ ປະຈຳ ເວເນຊູເອລາ, ອົງການທີ່ປຶກສາຝ່າຍປ້ອງກັນຊາດ ແລະ ປະຊາຄົມຊາວ ຫວຽດນາມ ປະຈຳ ເວເນຊູເອລາ, ຄະນະຜູ້ແທນສະຫະພັນແມ່ຍິງຫວຽດນາມ ໂດຍສະຫາຍ ຮ່າທິງາ (ຄະນະກຳມະການສູນກາງພັກ, ປະທານສະຫະພັນແມ່ຍິງຫວຽດນາມ) ໄດ້ເຂົ້າຮ່ວມພິທີ.
ທີ່ພິທີ, ທ່ານນາງປະທານສະຫະພັນແມ່ຍິງຫວຽດນາມ ຮ່າທິງາ ໄດ້ສະແດງຄວາມຕື້ນຕັນໃຈທີ່ໄດ້ໄປວາງພວງມາລາລະນຶກເຖິງປະທານ ໂຮ່ຈີມິນ ຢູ່ ເວເນຊູເອລາ; ຕີລາຄາສູງບັນດາການພັດທະນາອັນດີງາມຂອງການພົວພັນຄູ່ຮ່ວມມືຮອບດ້ານ ຫວຽດນາມ - ເວເນຊູເອລາ. ທ່ານນາງ ຮ່າທິງາ ເນັ້ນໜັກວ່າ ປະຊາຊົນ ແລະ ແມ່ຍິງ ຫວຽດນາມ ຍາມໃດກໍ່ຖືເປັນສຳຄັນການພົວພັນມິດຕະພາບທີ່ເປັນມູນເຊື້ອກັບ ເວເນຊູເອລາ, ຍາມໃດກໍ່ສະໜັບສະໜູນ ເວເນຊູເອລາ ໃນການຕໍ່ສູ້ປົກປັກຮັກສາເອກະລາດ, ອະທິປະໄຕ, ພັດທະນາປະເທດຊາດ ແລະ ເຊື່ອໝັ້ນວ່າ ການພົວພັນລະຫວ່າງ ຫວຽດນາມ ແລະ ເວເນຊູເອລາ ນັບມື້ກໍນັບພັດທະນາດີງາມກວ່າ.
ເນື່ອງໃນໂອກາດສະເຫຼີມສະຫຼອງ 35 ປີແຫ່ງວັນທີ່ UNESCO ເຊີດຊູປະທານ ໂຮ່ຈີມິນ ເປັນນັກວັດທະນະທຳດີເດັ່ນ ແລະ ວິລະຊົນແຫ່ງການປົດປ່ອຍຊາດຫວຽດນາມ, ທ່ານເອກອັກຄະລັດຖະທູດ ເລວຽດຢວຽນ ໄດ້ຍົກອອກມະຕິຂອງ UNESCO ໂດຍຖືວ່າ: ປະທານ ໂຮ່ຈີມິນ ແມ່ນສັນຍາລັກອັນດີເລີດຂອງຈິດໃຈແຫ່ງການເປັນເຈົ້າຕົນເອງຂອງຊາດ. ທ່ານໄດ້ອຸທິດຕະຫຼອດຊີວິດເພື່ອພາລະກິດປົດປ່ອຍຊາດຫວຽດນາມ, ປະກອບສ່ວນເຂົ້າໃນການຕໍ່ສູ້ຂອງທົ່ວປວງຊົນເພື່ອສັນຕິພາບ, ເອກະລາດແຫ່ງຊາດ, ປະຊາທິປະໄຕ ແລະ ຄວາມກ້າວໜ້າຂອງສັງຄົມ.
ກ່າວຄຳເຫັນນະທີ່ນີ້, ໃນນາມລັດຖະບານ ເວເນຊູເອລາ, ທ່ານຮອງລັດຖະມົນຕີການຕ່າງປະເທດ Capaya Rodriguez ໄດ້ສະແດງຄວາມຊົມເຊີຍ ແລະ ເຄົາລົບນັບຖືປະທານ ໂຮ່ຈີມິນ; ລັດຖະບານ ແລະ ປະຊາຊົນ ເວເນຊູເອລາ ຍາມໃດກໍ່ຖືເພິ່ນເປັນແບບຢ່າງໃນການຕໍ່ສູ້ປົກປັກຮັກສາເອກະລາດ ແລະ ອະທິປະໄຕ, ຮັກສາສັນຕິພາບ ແລະ ພັດທະນາປະເທດຊາດ, ພ້ອມທັງຖືເປັນສຳຄັນການພົວພັນຄູ່ຮ່ວມມືຮອບດ້ານລະຫວ່າງ ຫວຽດນາມ ແລະ ເວເນຊູເອລາ./.
ບຸນຄົງ
