 | [ຮູບພາບ] ຈີນ ຈັດພິທີສູງສຸດເພື່ອຕ້ອນຮັບທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ |
| ບັນດາອົງການປະຊາຊົນໃນທົ່ວໂລກຊົມເຊີຍ ສະຫາຍເລຂາທິການໃຫຍ່, ປະທານປະເທດ ຫວຽດນາມ ໂຕເລີມ |
ຕາງໜ້າການນຳພັກ, ລັດ, ທ່ານເລຂາທິການໃຫຍ່, ປະທານປະເທດ ໂຕເລີມ ໄດ້ສະແດງຄວາມອວຍພອນທ່ານ ຫງວຽນມິງເຕີ່ມ, ຮອງຫົວໜ້າຄະນະພົວພັນຕ່າງປະເທດສູນກາງ, ເປັນກຽດທີ່ໄດ້ຮັບຄວາມໄວ້ເນື້ອເຊື່ອໃຈຈາກພັກ, ລັດໃຫ້ເປັນເອກອັກຄະລັດຖະທູດຜູ້ມີອຳນາດເຕັມແຫ່ງ ສາທາລະນະລັດ ສັງຄົມນິຍົມ ຫວຽດນາມ ປະຈຳ ລາວ.
 |
| ທ່ານເລຂາທິການໃຫຍ່, ປະທານປະເທດ ໂຕເລີມ ມອບຂໍ້ຕົກລົງແຕ່ງຕັ້ງເອກອັກຄະລັດຖະທູດຜູ້ມີອຳນາດເຕັມແຫ່ງສາທາລະນະລັດ ສັງຄົມນິຍົມ ຫວຽດນາມ ປະຈຳ ສປປ ລາວ ໃຫ້ທ່ານ ຫງວຽນມິງເຕີ່ມ.(ພາບ: Lam Khanh/TTXVN) |
ທ່ານເລຂາທິການໃຫຍ່, ປະທານປະເທດ ໄດ້ສະແດງຄວາມເຊື່ອໝັ້ນວ່າ ດ້ວຍປະສົບການຍາວນານໃນການເຄື່ອນໄຫວການຕ່າງປະເທດຂອງຕົນ, ສະຫາຍ ຫງວຽນມິງເຕີ່ມ ຈະເສີມຂະຫຍາຍມູນເຊື້ອການທູດຂອງບັນພະບຸລຸດ, ນຳໃຊ້ຝ່າຍການທຸດ, ການທູດໃນສະໄໝ ໂຮ່ຈີມິນ ກໍ່ຄືຈິດໃຈ “ຊ່ວຍເພື່ອນມິດແມ່ນຊ່ວຍຕົນເອງ”, ສືບຕໍ່ມານະພະຍາຍາມປະກອບສ່ວນປັບປຸງ, ເພີ່ມພູນຄູນສ້າງຢ່າງບໍ່ຢຸດຢັ້ງ ໃຫ້ການພົວພັນ ຫວຽດນາມ - ລາວ ນັບມື້ນັບພັດທະນາໃນທຸກຂົງເຂດ, ນຳມາເຊິ່ງຜົນປະໂຫຍດແທດຈິງໃຫ້ແກ່ພັກ, ລັດ ແລະ ປະຊາຊົນສອງປະເທດ.
ທ່ານເລຂາທິການໃຫຍ່, ປະທານປະເທດ ໄດ້ສະເໜີໃຫ້ທ່ານເອກອັກຄະລັດຖະທູດ ທີ່ໄດ້ຮັບການແຕ່ງຕັ້ງ ຈົ່ງສືບຕໍ່ຝຶກຝົນຫຼໍ່ຫຼອມຄຸນນະທາດທາງດ້ານການເມືອງຢ່າງບໍ່ຢຸດຢັ້ງ, ບຳລຸງສ້າງຕົນເອງ, ຮັກສາຮູບພາບຂອງຜູ້ທີ່ເປັນພະນັກງານການທູດໃນສາຍຕາຂອງພັກ, ລັດ ແລະ ປະຊາຊົນ ລາວ ອ້າຍນ້ອງ; ຍົກສູງຄວາມສາມັກຄີ, ເປັນແບບຢ່າງ, ຄວາມເປັນລະບຽບຮຽບຮ້ອຍຢູ່ສະຖານທູດ ຫວຽດນາມ ປະຈຳລາວ ກໍ່ຄືບັນດາອົງການຜູ້ຕາງໜ້າອື່ນໆຂອງ ຫວຽດນາມ ຢູ່ ລາວ.
ທ່ານເລຂາທິການໃຫຍ່, ປະທານປະເທດ ໄດ້ຮຽກຮ້ອງສະຫາຍ ຫງວຽນມິງເຕີ່ມ ສືບຕໍ່ຍູ້ແຮງວຽກງານກຳໄດ້ສະພາບການ, ຄົ້ນຄວ້າ, ຄາດຄະເນ, ປະກອບຄຳເຫັນທັງຍຸດທະສາດ ແລະ ຍຸດໂທບາຍ ບໍ່ພຽງແຕ່ໃຫ້ ຫວຽດນາມ ເພື່ອປະກອບສ່ວນຍົກການພົວພັນສອງປະເທດນັບມື້ນັບໃຫ້ດີງາມ, ຕິດພັນ, ສະໜິດແໜ້ນ, ພິເສດແມ່ນສະພາບການໂລກ, ພາກພື້ນ ທີ່ພວມຜັນແປນັບມື້ນັບສັບສົນ. ພ້ອມກັນນັ້ນ, ເສີມຂະຫຍາຍບົດບາດເປັນຫົວໜ້າອົງການຕາງໜ້າ, ເປັນຂົວຕໍ່ຊ່ວຍເຊື່ອມຕໍ່ ແລະ ພັດທະນາສາຍພົວພັນແບບພິເສດລະຫວ່າງ ລາວ - ຫວຽດນາມ, ທັງດ້ານການເມືອງ - ການທູດ, ເສດຖະກິດ - ການຄ້າ, ວັດທະນະທຳ, ທ່ອງທ່ຽວ... ຊຸກຍູ້ວິສາຫະກິດຂະໜາດໃຫຍ່ ແລະ ມີອິດທິພົນຂອງ ຫວຽດນາມ ມາລົງທຶນຢູ່ ລາວ, ປະກອບສ່ວນຢ່າງຕັ້ງໜ້າໃຫ້ແກ່ການພັດທະນາເສດຖະກິດ-ສັງຄົມຂອງປະເທດ ລາວ; ຈັດຕັ້ງການເຄື່ອນໄຫວທາງການທູດຫວ່າງສອງປະເທດເປັນຢ່າງດີ ແລະ ຊຸກຍູ້ການກວດກາ, ແນະນຳຜັນຂະຫຍາຍບັນດາຂໍ້ຕົກລົງຂັ້ນສູງລະຫວ່າງສອງພັກ, ສອງປະເທດ; ຊຸກຍູ້ ແລະ ເປີດກວ້າງການພົວພັນຮ່ວມມືລະຫວ່າງບັນດາຄະນະ, ະຊວງ, ຂະແໜງການທ້ອງຖິ່ນຂອງສອງປະເທດ, ພິເສດແມ່ນບັນດາທ້ອງຖິ່ນຊາຍແດນ.
ກ່າວຄຳປາໄສທີ່ຮັບໜ້າທີ່, ສະຫາຍ ຫງວຽນມິງເຕີ່ມ ຢືນຢັນຈະສືບຕໍ່ເຮັດວຽກ ແລະ ອຸທິດສຸດຊີວິດເພື່ອຜົນປະໂຫຍດລວມ, ຮ່ຳຮຽນຢ່າງບໍ່ຢຸດຢັ້ງ, ບຳລຸງສ້າງ,ເປັນທຳ, ບໍ່ຢ້ານກົວຕໍ່ຄວາມຫຍຸ້ງຍາກ, ມານະພະຍາຍາມ, ຕັ້ງໜ້າຝຶກຝົນຫຼໍ່ຫຼອມ, ສາມັກຄີກັບສະຖານທູດ ຫວຽດນາມ ປະຈຳ ລາວ, ສືບທອດຜົນງານຂອງບັນດາເອກອັກຄະລັດຖະທູດທີ່ຜ່ານມາ, ປະກອບສ່ວນເຂົ້າໃນຜົນງານລວມຂອງປະເທດ.
 |
| ທ່ານເລຂາທິການໃຫຍ່, ປະທານປະເທດ ໂຕເລີມ ໄດ້ເປັນປະທານມອບໜ້າທີ່ໃຫ້ທ່ານ ຫງວຽນມິງເຕີ່ມ.(ພາບ: Lam Khanh/TTXVN) |
ທ່ານເອກອັກຄະລັດຖະທູດ ປາດຖະໜາຢາກສືບຕໍ່ໄດ້ຮັບການຊີ້ນຳຂອງທ່ານເລຂາທິການໃຫຍ່, ປະທານປະເທດ ແລະ ການໜູນຊ່ວຍຂອງກະຊວງການຕ່າງປະເທດ, ບັນດາກະຊວງ, ຂະແໜງການທີ່ກ່ຽວຂ້ອງ ເພື່ອສາມາດສຳເລັດໜ້າທີ່, ສົມກັບຄວາມຄາດໝາຍຂອງການນຳສອງພັກ, ສອງປະເທດ, ໃນການປັບປຸງ ແລະ ເພີ່ມທະວີສາຍພົວພັນແບບພິເສດ ຫວຽດນາມ - ລາວ ໃຫ້ພັດທະນາຂຶ້ນສູ່ລະດັບສູງໃໝ່.
 | ສື່ມວນຊົນ ແລະ ຊາວຫວຽດນາມ ອາໄສຢູ່ຍີ່ປຸ່ນ ຍ້ອງຍໍສັນລະເສີນການປະກອບສ່ວນຂອງທ່ານເລຂາທິການໃຫຍ່ ຫງວຽນຟູ໋ຈ້ອງ ຍສໝ - ເຖິງວ່າຈະຫຍຸ້ງກັບວຽກງານ, ແຜນການເຄື່ອນໄຫວວຽກງານຫຼາຍຢ່າງ, ແຕ່ທ່ານເລຂາທິການໃຫຍ່ ຫງວຽນຟູ໋ຈ້ອງ ຍາມໃດກໍ່ຍາດເວລໄປພົບປະກັບປະຊາຄົມຊາວຫວຽດນາມຢູ່ຕ່າງປະເທດ, ສະແດງໃຫ້ເຫັນຄວາມຮັບຜິດຊອບ ແລະ ຄວາມຮັກແພງຊາວຫວຽດນາມ ຢູ່ຕ່າງປະເທດເປັນພິເສດ. |
 | ຫຼາຍຮ້ອຍອົງການປະຊາຊົນໃນທົ່ວໂລກ ໄດ້ໄວ້ອາໄລ, ສະແດງຄວາມເສົ້າສະຫຼົດໃຈຕໍ່ການຈາກໄປຂອງທ່ານເລຂາທິການໃຫຍ່ ຫງວຽນຟູ໋ຈ້ອງ ຍສໝ - ໃນຊຸມວັນທີ່ຜ່ານມາ, ຫຼາຍຮ້ອຍອົງການປະຊາຊົນ, ອົງການບໍ່ຂຶ້ນກັບລັດຖະບານຕ່າງປະເທດ, ບຸກຄົນ (ທີ່ເປັນເພື່ອນມິດ, ຄູ່ຮ່ວມມືຂອງສະຫະພັນບັນດາອົງການມິດຕະພາບ ຫວຽດນາມ ແລະ ບັນດາອົງການສະມາຊິກ) ຈາກທົ່ວໂລກໄດ້ສົ່ງໂທລະເລກ, ຈົດໝາຍ, ຂໍ້ຄວາມຄວາມເສົ້າສະຫຼົດໃຈເຖິງພັກ, ລັດ, ປະຊາຊົນ ຫວຽດນາມ, ສະຫະພັນບັນດາອົງການມິດຕະພາບ ຫວຽດນາມ ແລະ ບັນດາອົງການສະມາຊິກສູນກາງ ແລະ ທ້ອງຖິ່ນ. |
ມີງດຶກ
