 |
| ການເຄື່ອນໄຫວຂອງທ່ານຮອງນາຍົກລັດຖະມົນຕີຫວຽດນາມ ທີ່ WEF ຄັ້ງທີ 52. ພາບ: TTXVN |
ທີ່ການພົບປະກັບທ່ານ Alok Sharma ລັດຖະມົນຕີ, ປະທານ COP26, ທ່ານ ເລມິງຄ໊າຍ ໃຫ້ຮູ້ວ່າ: ຫວຽດນາມ ໄດ້ປະຕິບັດຫຼາຍມາດຕະການສັງລວມ, ຮອບດ້ານໃນຂົງເຂດຫັນປ່ຽນພະລັງງານ ແລະ ການຫັນປ່ຽນຮູບແບບການເຕີບໂຕຕາມທິດສີຂຽວ, ໝູນວຽນ ເພື່ອປະຕິບັດບັນດາຄຳໝັ້ນສັນຍາຂອງ COP26. ທ່ານຮອງນາຍົກລັດຖະມົນຕີ ແບ່ງປັນເລື່ອງທັງຮັບປະກັນຄວາມໝັ້ນຄົງດ້ານພະລັງງານເພື່ອຮັບໃຊ້ເປົ້າໝາຍເຕີບໂຕ ແລະ ທັງຫຼຸດຜ່ອນການປ່ອຍອາຍພິດແມ່ນບັນຫາສັບສົນທີ່ຈຳເປັນຕ້ອງໄດ້ຮັບການໜູນຊ່ວຍຈາກປະຊາຄົມສາກົນກ່ຽວກັບແຫຼ່ງຊັບພະຍາກອນ, ເຕັກໂນໂລຢິ, ກໍາລັງຄວາມສາມາດໃນການຄຸ້ມຄອງ, ຍ້ອນເຫດນັ້ນ, ຫວຽດນາມ ປາດຖະໜາຢາກໃຫ້ ອັງກິດ, ອີຢູ ແລະ ບັນດາປິເທດ G7 ຕ່າງໆ ຈະມີຄຳໝັ້ນສັນຍາລະອຽດໂດຍໄວ ເພື່ອໜູນຊ່ວຍ ຫວຽດນາມ ໃນຂົງເຂດນີ້.
ທີ່ການພົບປະກັບທ່ານປະທານ WEF Borge Brende, ທ່ານຮອງນາຍົກລັດຖະມົນຕີ ປາດຖະໜາວ່າ WEF ຈະສືບຕໍ່ເສີມຂະຫຍາຍບົດບາດເປັນຂົວຕໍ່ລະຫວ່າງລັດຖະບານ ແລະ ບັນດາວິສາຫະກິດໃນການຜັນຂະຫຍາຍທ່າອ່ຽງພັດທະນາ ແລະ ຊຸກຍູ້ບັນດາກໍາລັງໜູນການເຕີບໂຕໃໝ່.
ເນື່ອງໃນໂອກາດນີ້, ທ່ານຮອງນາຍົກລັດຖະມົນຕີ ໄດ້ໃຫ້ການຕ້ອນຮັບທ່ານ Henrik Anderson ປະທານທັງເປັນຜູ້ອຳນວຍການໃຫຍ່ກຸ່ມບໍລິສັດ Vestas Wind Systems ແລະ ທ່ານ Marcos Troyjo ປະທານທະນາຄານພັດທະນາໃໝ່ (NDB).
ບູນມີ
