| ຫ້າສະຖານທີ່ທ່ອງທ່ຽວ ທີ່ເໝາະສົມສຳລັບແຂກທ່ອງທ່ຽວກິນເຈ ຢູ່ ຫວຽດນາມ | |
| ນະຄອນຮ່າໂນ້ຍ ແມ່ນ 1 ໃນຈຳນວນ 10 ນະຄອນທີ່ມີຄ່າໃຊ້ຈ່າຍຖືກທີ່ສຸດໃນໂລກສຳລັບຊາວຕ່າງປະເທດ |
 |
| ພາບປະກອບ: hanoimoi.com.vn |
ການຄັດເລືອກ “ເຂດທົ່ງພຽງແມ່ນ້ຳແດງທາງພາກເໜືອ” ຢືນຢູ່ອັນດັບທີ 14 ໃນຈຳນວນ 52 ແຫ່ງຂອງປີ 2022 ນັ້ນ, ທ່ານ Charly Wilder ບັນນາທິການການທ່ອງທ່ຽວ ຂອງ The New York Times ຂຽນວ່າ: “ເຂດທ່ອງທ່ຽວຄ່ອຍໆກັບຄືນມາ ດ້ວຍສະຖານະການທີ່ເປັນປົກກະຕິໃໝ່, ບັນດາແຂກທ່ອງທ່ຽວ ມີທ່າອ່ຽງຄັດເລືອກບັນດາຕົວເມືອງທີ່ຟົດຟື້ນ ແລະ ບັນດາຫາດຊາຍທີ່ມີຊື່ສຽງໃນໂລກ ຂອງ ຫວຽດນາມ. ແຕ່ຈົ່ງໄປຍັງເຂດພາກເໜືອ ຂອງຫວຽດນາມ ເພື່ອໄປຍັງບັນດາໝູ່ບ້ານອາຊີບຂອງເຂດທົ່ງພຽງແມ່ນ້ຳແດງທາງພາກເໜືອ, ເຊື່ອມຕົວເຂົ້າກັບບັນຍາກາດວັດທະນະທຳນັບພັນປີ ຂອງການດຳລົງຊີວິດທີ່ເປັນມູນເຊື້ອ ທີ່ພວມມີຄວາມສ່ຽງເຊື່ອມເສຍໄປ. ນັບພັນປີມານີ້, ບັນດາປະຊາຊົນຢູ່ໝູ່ບ້ານລຽບຕາມສອງແມ່ນ້ຳ ເກົາ ຢູ່ພາກເໜືອ ຫວຽດນາມ ຍັງມີການຂັບຮ້ອງທຳນອງກວານເຮາະ, ໂດຍແມ່ນຮູບແບບວັດທະນະທຳບໍ່ເປັນວັດຖຸ ທີ່ໄດ້ຮັບການຮັບຮອງເອົາຈາກ UNESCO ແຕ່ປີ 2009”.
ຕາມ The New York Times ແລ້ວ, ປັດຈຸບັນມີໝູ່ບ້ານເກົ່າແກ່ 49 ແຫ່ງ ຢູ່ບັກນິງ ແລະ ບັກຢາງ ພວມມານະພະຍາຍາມອະນຸລັກຮັກສາຮູບແບບເພງພື້ນເມືອງທີ່ເປັນເອກະລັກສະເພາະກວານເຮາະ ພ້ອມກັບຮີດຄອງປະເພນີທີ່ເປັນມູນເຊື້ອ, ພັດທະນາການທ່ອງທ່ຽວວັດທະນະທຳປະກອບສ່ວນບັນຫາອົບພະຍົບຈາກຊົນນະບົດໄປຍັງຕົວເມືອງ. ບາງບໍລິສັດການທ່ອງທ່ຽວຄື Vietnamstay ຫຼື Khoa Viet Travel ພວມຈັດຕັ້ງບັນດາ tour ຢ້ຽມຊົມໝູ່ບ້ານເກົ່າ, ວັດວາອາຮາມຈາກສະໄໝລາຊະວົງລີ, ໝູ່ບ້ານຫັດຖະກຳ ກໍ່ຄື Tour ການທ່ອງທ່ຽວແມ່ນ້ຳລຳເຊ ດ້ວຍເປົ້າໝາຍຮັກສາບັນດາຄຸນຄ່າດ້ານປະຫວັດສາດ.
ບຸນຄົງ
