ເມືອງ ຮາຍບ່າຈືງ ຫາກໍ່ລາຍງານໃຫ້ບັນດາອົງການເຈົ້າໜ້າທີ່ຂອງນະຄອນ ຮ່າໂນ້ຍ ກ່ຽວກັບການຜັນຂະຫຍາຍໂຄງການຈັດຕັ້ງສະຖານທີ່ຍ່າງເລາະ-ວັດທະນະທຳຢູ່ຖະໜົນ ເຈິ່ນເຍີນຕົງ ແລະ ເຂດອ້ອມຂ້າງ; ສວນດອກໄມ້, ເສັ້ນທາງຍ່າງອ້ອມໜອງທຽນກວາງ ຕິດພັນກັບການເສີມຂະຫຍາຍຄຸນຄ່າຂອງກຸ່ມປູສະນີຍະສະຖານ ກວາງຮວ່າ, ທຽນກວາງ ແລະ ຟາບຮວາ ເຊິ່ງຄາດວ່າຈະເລີ່ມປະຕິບັດແຕ່ວັນທີ 1 ມັງກອນ 2023.
 |
| ຄະນະກຳມະການປະຊາຊົນນະຄອນ ຮ່າໂນ້ຍ ຫາກໍ່ສົ່ງເອກະສານສະເໜີຄະນະກຳມະການປະຊາຊົນເມືອງ ຮາຍບ່າຈືງ ກ່ຽວກັບນະໂຍບາຍສ້າງໂຄງການຈັດຕັ້ງສະຖານທີ່ຍ່າງ. ພາບ: tienphong.vn |
 |
| ເຂດສະຖານທີ່ຍ່າງເລາະ, ເຂດວັດທະນະທຳຢູ່ເຂດໜອງທຽນກວາງ ແນໃສ່ເພື່ອຊຸກຍູ້ເສດຖະກິດຍາມກາງຄືນ ແລະ ປັບປຸງໂສມໜ້າຕົວເມືອງໃນບໍລິເວນ. ພາບ: tienphong.vn |
 |
| ກ່ຽວກັບຂອບເຂດການເຄື່ອນໄຫວ, ເມືອງໄດ້ລະບຸ 2 ໄລຍະ. ພາບ: tienphong.vn |
 |
| ບັນດາເນື້ອໃນ ແລະ ກິດຈະກໍາເຄື່ອນໄຫວຕົ້ນຕໍທີ່ດຳເນີນຢູ່ຖະໜົນຍ່າງໜອງ ທຽນກວາງ ຈະແບ່ງອອກເປັນ 6 ເຂດຕົ້ນຕໍ, ລວມມີ: ເຂດວັດທະນະທຳ ແລະ ສິ່ງສັກສິດ; ເຂດຍ່າງເລາະ... ພາບ: tienphong.vn |
 |
 |
| ລຽບຕາມຖະໜົນ ເຈີ່ນແທງຕົງ, ມີບ່ອນຈອດລົດໂອໂຕ ແລະ ລົດຈັກ ທັງກາງເວັນ ແລະ ກາງຄືນ, ອຳນວຍຄວາມສະດວກໃຫ້ຜູ້ທີ່ຕ້ອງການມາທີ່ນີ້ເພື່ອຍ່າງເລາະ. ພາບ: tienphong.vn |
 |
| ບໍລິເວນສວນດອກໄມ້ຢູ່ຕໍ່ໜ້າສວນສາທາລະນະ ທົ່ງເຍິດ ເໝາະແກ່ການຍ່າງຫຼິ້ນ ຫຼື ກິດຈະກຳມ່ວນຊື່ນຫຼາຍຢ່າງ. ພາບ: tienphong.vn |
 |
| ໃນເຂດຍ່າງ, ພະແນກວັດທະນະທຳ ແລະ ກິລາ ສະເໜີຈັດໃກ້ກັບຫໍຊາວໜຸ່ມ ຮ່າໂນ້ຍ. ພາບ: tienphong.vn |
 |
| ສວນສາທາລະນະທົ່ງເຍິດ ກົງກັນຂ້າມກັບໜອງທຽນກວາງ ແມ່ນໜຶ່ງໃນບັນດາ ສວນສາທາລະນະໃຫຍ່ຂອງຮ່າໂນ້ຍ. ພາບ: tienphong.vn |
 |
| ປະຈຸບັນ, ຮ່າໂນ້ຍ ມີສະຖານທີ່ຍ່າງ ໃນນັ້ນມີ: ເຂດຍ່າງຢູ່ໜອງຮວ່ານກ໋ຽມ, ເຂດຍ່າງໃນຄຸ້ມຖະໜົນເກົ່າຮ່າໂນ້ຍ ແລະ ເຂດຍ່າງຢູ່ຖະໜົນ ຈິ້ງກົງເຊີນ (ໄຕໂຮ່)... ພາບ: tienphong.vn |
 |
| ຖ້າຫາກໄດ້ຮັບການຮັບຮອງຈາກຄະນະກຳມະການປະຊາຊົນນະຄອນຮ່າໂນ້ຍ, ເຂດຖະໜົນຍ່າງ-ວັດທະນະທຳຢູ່ຖະໜົນ ເຈິ່ນເຍີນຕົງ ແລະ ເຂດອ້ອມແອ້ມ, ສວນດອກໄມ້ ແລະ ຖະໜົນຍ່າງອ້ອມໜອງທຽນກວາງ ເມືອງ ຮາຍບ່າຈືງ ຈະແມ່ນເຂດຍ່າງແຫ່ງທີ 6 ຂອງຮ່າໂນ້ຍ. ພາບ: tienphong.vn |
ບູນມີ
