ຜະລິດຕະພັນໝາກເຜັດສົດຫວຽດນາມ ອົງການທີ່ມີໜ້າທີ່ຮັບຜິດຊອບຈີນ ໄດ້ຮັບການເຫັນດີສົ່ງອອກຢ່າງເປັນທາງການໄປຍັງຕະຫຼາດຜູ້ຊົມໃຊ້ໃຫຍ່ທີ່ສຸດໃນໂລກ

15:21 | 09/03/2022

ຍສໝ - ຕາມຂໍ້ມູນຈາກອົງການການຄ້າ ສະຖານທູດ ຫວຽດນາມ ປະຈຳຈີນ ແລ້ວ, ຫວ່າງແລ້ວນີ້, ກົມໃຫຍ່ພາສີ ຈີນ ໄດ້ອອກປະກາດກ່ຽວກັບການຕົກລົງໃຫ້ແກ່ ວິສາຫະກິດ ຜະລິດໝາກເຜັດສົດຂອງ ຫວຽດນາມ 5 ແຫ່ງໄດ້ຈົດທະບຽນເດີນການເຄື່ອນໄຫວສົ່ງອອກໄປຍັງຕະຫຼາດຈີນ ນັບແຕ່ວັນທີ 3 ມີນາ ປີ 2022.

	ລືມຝູກວກໄປຊົ່ວຄາວ, ກຽນຢາງ ຍັງມີເກາະແຫ່ງໜຶ່ງທີ່ສວຍງາມ ເຊັກອິນງາມທີ່ສຸດ
	ນັກລົງທຶນຍີ່ປຸ່ນເລືອກຫວຽດນາມ ຍ້ອນມີສະຖຽນລະພາບດ້ານການເມືອງ ແລະ ເສດຖະກິດມະຫາພາກທີ່ເປັນປົກກະຕິ

ຜະລິດຕະພັນໝາກເຜັດສົດຫວຽດນາມ ອົງການທີ່ມີໜ້າທີ່ຮັບຜິດຊອບຈີນ ໄດ້ຮັບການເຫັນດີສົ່ງອອກຢ່າງເປັນທາງການໄປຍັງຕະຫຼາດຜູ້ຊົມໃຊ້ໃຫຍ່ທີ່ສຸດໃນໂລກ

ພາບປະກອບ

ຕາມແຈ້ງການຂອງອົງການທີ່ມີໜ້າທີ່ຂອງຈີນແລ້ວ, ຜະລິດຕະພັນໝາກເຜັດສົດ ຫວຽດນາມ ສົ່ງອອກໄປຍັງຈີນ ຕ້ອງຮັບປະກັນການກວດກາພະຍາດທາງພຶດຂອງປະເທດນີ້, ບັນດາງວດໝາກເຜັດສົດລ້ວນແຕ່ຕ້ອງໄດ້ຮັບການແກ້ໄຂກວດກາພະຍາດ ໂດຍບັນດາໜ່ວຍງານທີ່ມີໜ້າທີ່ຮັບຜິດຊອບຫວຽດນາມ ຫຼື ອົງການໂດຍເຈົ້າໜ້າທີ່ມີໜ້າທີ່ຮັບຜິດຊອບຫວຽດນາມ ມອບສິດ, ພ້ອມທັງ, ອະທິບາຍຢ່າງຈະແຈ້ງກ່ຽວກັບຕົວເລກດ້ານເຕັກນິກທີ່ກ່ຽວຂ້ອງໃນໃບຢັ້ງຢືນການກວດກາພະຍາດທາງພຶດ.

ທ່ານ ນົງດຶກລາຍ, ທີ່ປຶກສາການຄ້າສະຖານທູດ ຫວຽດນາມ ປະຈຳຈີນ ໃຫ້ຮູ້ວ່າ ນີ້ແມ່ນວິສາຫະກິດ 5 ແຫ່ງທຳອິດຂອງ ຫວຽດນາມ ທີ່ໄດ້ຮັບການອະນຸຍາດສົ່ງອອກຢ່າງເປັນທາງການຄືນໃໝ່, ພາຍຫຼັງໄລຍະໜຶ່ງຈີນຢຸດຕິການນຳເຂົ້າໝາກເຜັດສົດຂອງບັນດາວິສາຫະກິດ ຫວຽດນາມ. ຄວາມຕ້ອງການຂອງປະເທດມີປະຊາກອນ 1,4 ຕືຄົນນີ້ສຳລັບພະລິດຕະພັນກະເສດ, ສະບຽງອາຫານແມ່ນໃຫຍ່ຫຼວງທີ່ສຸດ, ດັ່ງນັ້ນ ບັນດາວິສາຫະກິດ ຫວຽດນາມຄວນຄົ້ນຄ້ວາຢ່າງລະອຽດເພື່ອຕອບສະໜອງຄວາມຮຽກຮ້ອງນັບມື້ນັບສູງຂຶ້ນຂອງຕະຫຼາດຈີນ, ຈາກນັ້ນ ຊຸກຍູ້ການສົ່ງອອກທາງການ, ຮັບປະກັນສົ້ນອອກຢ່າງເປັນປົກກະຕິໃຫ້ແກ່ຂະແໜງກະສິກຳຂອງ ຫວຽດນາມ.

ໃນສະພາບການຈີນ ຮັດແໜ້ນບັນດາການເຄື່ອນໄຫວກວດກາພະຍາດສົ່ງອອກສິນຄ້າ, ເປັນຕົ້ນແມ່ນບັນດາດ່ານຊາຍແດນເຂດຊາຍແດນ ເພື່ອປ້ອງກັນຕ້ານໂລກລະບາດໂຄວິດ - 19, ການຄົ້ນຄ້ວາ, ຕອບສະໜອງບັນດາຂໍ້ກຳນົດໃໝ່ເພື່ອອອກລະຫັດສົ່ງອອກທາງການ ເຊິ່ງໄດ້ຮັບຖືວ່າແມ່ນທິດກ້າວເດີນທີ່ຈຳເປັນເພື່ອຂຸດຄົ້ນຕະຫຼາດຊົມໃຊ້ຂອງຈີນ.

ບຸນຄົງ