ການສົ່ງອອກໂທລະສັບ, ເຄື່ອງຄອມພິວເຕີຂອງ ຫວຽດນາມ ບັນລຸລະດັບ 10 ຕື້ USD | |
ຊົມເຊີຍທ່ານໝໍໜຸ່ມຫວຽດນາມ 10 ຄົນ |
ລາງວັນລູກໂລກທອງຄໍາ ປີ 2021 ໄດ້ຮັບການພິຈາລະນາ ແລະ ມອບໃຫ້ບັນດາບຸກຄົນທີ່ມີຜົນງານດີເດັ່ນດ້ານເຕັກໂນໂລຊີ, ແມ່ນພົນລະເມືອງຫວຽດນາມ ທີ່ມີອາຍຸບໍ່ເກີນ 35 ປີ ເຊິ່ງພວມຮ່ຳຮຽນ, ຄົ້ນຄ້ວາ, ເຮັດວຽກຢູ່ພາຍໃນ ຫຼື ຕ່າງປະເທດ. ນີ້ກໍແມ່ນຄັ້ງທີ 10 ຕິດຕໍ່ກັນທີ່ນໍ້າຊາ Dr Thanh ຮ່ວມເດີນທາງກັບລາງວັນທີ່ຊົງຄຸນຄ່າ ສໍາລັບບັນດາຜູ້ທີ່ມີຄວາມເກັ່ງກ້າສາມາດໜຸ່ມຂອງຫວຽດນາມ.
![]() |
ລາງວັນລູກໂລກທອງຄໍາ ປີ 2021 ໄດ້ຮັບການພິຈາລະນາ ແລະ ມອບໃຫ້ບັນດາບຸກຄົນທີ່ມີຜົນງານດີເດັ່ນດ້ານເຕັກໂນໂລຊີ, ແມ່ນພົນລະເມືອງຫວຽດນາມ ທີ່ມີອາຍຸບໍ່ເກີນ 35 ປີ ເຊິ່ງພວມຮ່ຳຮຽນ, ຄົ້ນຄ້ວາ, ເຮັດວຽກຢູ່ພາຍໃນ ຫຼື ຕ່າງປະເທດ. |
ພາຍຫຼັງເກືອບ 3 ເດືອນແຫ່ງການປຸກລະດົມ, ຄະນະກຳມະການຈັດຕັ້ງລາງວັນໄດ້ຮັບສໍາເນົາເອກະສານ 66 ຊຸຸດຈາກການສະເໜີຂອງ 27 ສໍານັກງານ, ໜ່ວຍງານ, ອົງການ ແລະ ວິສາຫະກິດທັງຢູ່ພາຍໃນ ແລະ ຕ່າງປະເທດ. ເມື່ອປຽບທຽບກັບຫຼາຍປີກ່ອນ, ຈໍານວນສໍາເນົາເອກະສານເພີ່ມຂຶ້ນ, ໂດຍສະເພາະແມ່ນຜູ້ທີ່ກໍາລັງຮໍ່າຮຽນ ຫຼື ເຮັດວຽກຢູ່ຕ່າງປະເທດ.
ລາງວັນວິທະຍາສາດ ແລະ ເຕັກໂນໂລຊີ ລູກໂລກທອງຄໍາ ປີ 2021 ໄດ້ມອບໃຫ້ຜູ້ທີ່ມີຄວາມເກັ່ງກ້າສາມາດໜຸ່ມ 10 ຄົນທີ່ດີເດັ່ນທີ່ສຸດ, ໃນນັ້ນ 3 ບຸກຄົນໃນຂົງເຂດໄອທີ, ຫັນເປັນດິຈິຕອນ ແລະ ອັດຕະໂນມັດ; 3 ບຸກຄົນໃນຂົງເຂດເຕັກໂນໂລຊີການແພດ ແລະ ການຢາ; 1 ບຸກຄົນໃນຂົງເຂດເຕັກໂນໂລຊີຊີວະສາດ; 1 ບຸກຄົນໃນຂົງເຂດເຕັກໂນໂລຊີສິ່ງແວດລ້ອມ ແລະ 2 ບຸກຄົນໃນຂົງເຂດເຕັກໂນໂລຊີວັດສະດຸໃໝ່.
![]() |
ສໍາລັບລາງວັນນັກສຶກສາຍິງດີເດັ່ນດ້ານວິທະຍາສາດ ແລະ ເຕັກໂນໂລຊີປີ 2021, ມີນັກສຶກສາ 20 ຄົນຢູ່ໃນສີ 4 ຂະແໜງຄື ໄອທີ, ໄຟຟ້າ, ເອເລັກໂຕຣນິກ ແລະ ກົນຈັກ. |
ແຕ່ລະບຸກຄົນຮັບລາງວັນໄດ້ຮັບຂັນລູກໂລກທອງຄໍາ, ໃບຢັ້ງຢືນລາງວັນ ແລະ ຫຼຽນກາ “ໄວໜຸ່ມປະດິດສ້າງ” ຈາກສູນກາງຄະນະຊາວໝຸ່ມ ແລະ ເງິນລາງວັນ 20 ລ້ານດົງ.
ສໍາລັບລາງວັນນັກສຶກສາຍິງດີເດັ່ນດ້ານວິທະຍາສາດ ແລະ ເຕັກໂນໂລຊີປີ 2021, ມີນັກສຶກສາ 20 ຄົນຢູ່ໃນສີ 4 ຂະແໜງຄື ໄອທີ, ໄຟຟ້າ, ເອເລັກໂຕຣນິກ ແລະ ກົນຈັກ. ບັນດານັກສຶກສາຍິງໄດ້ຮັບໃບຍ້ອງຍໍຈາກສູນກາງຄະນະຊາວໝຸ່ມ ແລະ ເງິນລາງວັນ 6,5 ລ້ານດົ່ງ.
ທ່ານນາງ ເຈີນອວຽນເຟືອງ ຮອງຜູ້ອໍານວຍການໃຫຍ່ ກຸ່ມເຕີນຫຽບຟາດ ໃຫ້ຮູ້ວ່າ “10 ປີຮ່ວມເດີນທາງກັບລາງວັນລູກໂລກທອງຄໍາ, ພວກຂ້າພະເຈົ້າຕີລາຄາສູງຕໍ່ກັບລາຍການດັ່ງກ່າວ ເພາະວ່ານີ້ແມ່ນສະໜາມຫຼິ້ນທີ່ມີຄວາມໝາຍ ແລະ ສະຕິປັນຍາ ໄດ້ຮັບຮູ້ບັນດາການປະກອບສ່ວນຂອງບັນດາຜູ້ເກັ່ງກ້າສາມາດໄວໜຸ່ມ ຫວຽດນາມ”.
![]() |
ທ່ານນາງ ເຈີນອວຽນເຟືອງ ຮອງຜູ້ອໍານວຍການໃຫຍ່ ກຸ່ມເຕີນຫຽບຟາດ ໃຫ້ຮູ້ວ່າ “10 ປີຮ່ວມເດີນທາງກັບລາງວັນລູກໂລກທອງຄໍາ, ພວກຂ້າພະເຈົ້າຕີລາຄາສູງຕໍ່ກັບລາຍການດັ່ງກ່າວ ເພາະວ່ານີ້ແມ່ນສະໜາມຫຼິ້ນທີ່ມີຄວາມໝາຍ ແລະ ສະຕິປັນຍາ ໄດ້ຮັບຮູ້ບັນດາການປະກອບສ່ວນຂອງບັນດາຜູ້ເກັ່ງກ້າສາມາດໄວໜຸ່ມ ຫວຽດນາມ”. |
ໃນຖານະເປັນວິສາຫະກິດໜຶ່ງ, ພວກຂ້າພະເຈົ້າເຂົ້າໃຈ ແລະ ເຫັນໄດ້ເຖິງຄວາມສໍາຄັນຂອງ 100 ປີແຫ່ງການສ້າງຄົນ. ລາງວັນລູກໂລກທອງຄໍາແມ່ນໂອກາດເພື່ອໃຫ້ເຕີນຫຽບຟາດສາມາດເຊື່ອມຕໍ່ກັບບັນດາຜູ້ເກັ່ງກ້າສາມາດໜຸ່ມ, ຮັບຮູ້ບັນດາຫົວຄິດປະດິດສ້າງ ແລະ ຄວາມມານະພະຍາຍາມຂອງລຸ້ນໜຸ່ມ, ຊ່ວຍໃຫ້ເຂົາເຈົ້າເຫັນໄດ້ເຖິງບັນດາຜົນງານຂອງຕົນມີຄຸນຄ່າຕົວຈິງໃນຊີວິດ, ໄດ້ຮັບການຮັບຮູ້ບໍ່ພຽງແຕ່ຢູ່ຫວຽດນາມເທົ່ານັ້ນ ຫາກຍັງໄດ້ຮັບຮູ້ຢູ່ຕ່າງປະເທດອີກ ແລະ ສ້າງແຮງບັນດານໃຈໃຫ້ໄວໜຸ່ມຄົນອື່ນໆ.
ທ່ານນາງ ເຈີ່ນອວຽນເຟືອງ ໃຫ້ຮູ້ວ່າ “ການຮ່ວມເດີນທາງກັບລາງວັນລູກໂລກທອງຄໍາ ແລະ ລາງວັນນັກສຶກສາຍິງດີເດັ່ນສໍາລັບຜູ້ເກັ່ງກ້າສາມາດໜຸ່ມຂອງປະເທດຊາດ, ຂ້າພະເຈົ້າບໍ່ພຽງແຕ່ຮູ້ສຶກພາກພູມໃຈເທົ່ານັ້ນ ຫາກຍັງຮູ້ສຶກຄືໄດ້ຮັບກໍາລັງໃຈຈາກມານະຈິດ ແລະ ຄວາມມານະພະຍາຍາມຂອງພວກເຂົາ ເຊິ່ງບໍ່ພຽງແຕ່ໃນການຮໍ່າຮຽນ ແຕ່ຍັງເປັນການປະກອບສ່ວນໃຫ້ຊຸມຊົນ ແລະ ສັງຄົມອີກດ້ວຍ. ດ້ວຍຄວາມສາມາດຂອງຕົນ, ພວກເຂົາໄດ້ຄົ້ນຄິດປະດິດສ້າງສິ່ງທີ່ແທດເໝາະກັບຊີວິດຕົວຈິງ”.
![]() |
ລາງວັນວິທະຍາສາດ ແລະ ເຕັກໂນໂລຊີ ລູກໂລກທອງຄໍາ ປີ 2021 ໄດ້ມອບໃຫ້ຜູ້ທີ່ມີຄວາມເກັ່ງກ້າສາມາດໜຸ່ມ 10 ຄົນທີ່ດີເດັ່ນທີ່ສຸດ, ໃນນັ້ນ 3 ບຸກຄົນໃນຂົງເຂດໄອທີ, ຫັນເປັນດິຈິຕອນ ແລະ ອັດຕະໂນມັດ; 3 ບຸກຄົນໃນຂົງເຂດເຕັກໂນໂລຊີການແພດ ແລະ ການຢາ; 1 ບຸກຄົນໃນຂົງເຂດເຕັກໂນໂລຊີຊີວະສາດ; 1 ບຸກຄົນໃນຂົງເຂດເຕັກໂນໂລຊີສິ່ງແວດລ້ອມ ແລະ 2 ບຸກຄົນໃນຂົງເຂດເຕັກໂນໂລຊີວັດສະດຸໃໝ່. |
ຄຽງຂ້າງການຮ່ວມເດີນທາງຢ່າງໝັ້ນຄົງພ້ອມກັບລາງວັນລູກໂລກທອງຄໍາ ແລະ ລາງວັນນັກສຶກສາຍິງດີເດັ່ນດ້ານວິທະຍາສາດ ແລະ ເຕັກໂນໂລຊີ, ກຸ່ມບໍລິສັດເຕີນຫຽບຟາດ ຍາມໃດກໍໄດ້ຮັບຮູ້ວ່າແມ່ນວິສາຫະກິດນໍາໜ້າຂອງ ຫວຽດນາມ ໃນການນຳໃຊ້ວິທະຍາສາດ ແລະ ເຕັກໂນໂລຊີເຂົ້າສູ່ການຜະລິດ ແລະ ພັດທະນາບັນດາຜະລິດຕະພັນໃຫມ່. ໃນຕະຫຼອດການດຳເນີນງານ, ວິສາຫະກິດນີ້ເປັນເຈົ້າການໃນການຊອກຫາວິທີແກ້ໄຂດ້ານເຕັກໂນໂລຊີ ແລະ ໄດ້ລົງທຶນຫຼາຍຮ້ອຍລ້ານໂດລາເຂົ້າໃນພື້ນຖານເຕັກໂນໂລຊີການຜະລິດເຄື່ອງດື່ມທີ່ທັນສະໄໝທີ່ສຸດໃນໂລກ ເພື່ອຜະລິດອອກເຄື່ອງດື່ມທີ່ດີຕໍ່ສຸຂະພາບຂອງຜູ້ບໍລິໂພກ.
ລາງວັນລູກໂລກທອງຄໍາ ຈັດຂຶ້ນໂດຍສູນກາງຄະນະຊາວໝຸ່ມ ສົມທົບກັບກະຊວງວິທະຍາສາດ ແລະ ເຕັກໂນໂລຊີ ພິຈາລະນາ ແລະ ມອບລາງວັນແຕ່ລະປີນັບແຕ່ປີ 2003. ພາຍຫຼັງ 17 ປີຂອງການຈັດຕັ້ງ, ມີ 169 ບຸກຄົນໄດ້ຮັບລາງວັນ. ກຸ່ມບໍລິສັດເຕີນຫຽບຟາດ, ຍີ່ຫໍ້ນໍ້າຊາ Dr Thanh ໄດ້ຮ່ວມເດີນທາງພ້ອມກັບລາງວັນນັບແຕ່ປີ 2011 ຮອດປະຈຸບັນ. |
ໄຊພອນ