ຕອນເຊົ້າວັນທີ 25 ເມສາ, ຜູ້ຕາງໜ້າຄະນະກຳມະການປະຊາຊົນເມືອງຊາປາໃຫ້ຮູ້ວ່າ ມີນັກທ່ອງທ່ຽວກວ່າ 30.000 ເທື່ອຄົນມາເຂດທ່ອງທ່ຽວແຫ່ງຊາດຊາປາເພື່ອມາຢ້ຽມຢາມ ແລະສຳຜັດກັບງານບຸນດອກກຸຫຼາບປີ 2022 ດ້ວຍຫົວຂໍ້ “Fansipan - ດິນແດນດອກກຸຫຼາບໃນເມກ” ໃນໄລຍະສອງວັນທ້າຍອາທິດທີ່ ຜ່ານມາ.
 |
| ງານບຸນດອກກຸຫຼາບ Fansipan ປີ 2022. ພາບ: netnews.vn |
 |
| ງານບຸນດອກກຸຫຼາບ Fansipan ປີ 2022. ພາບ: netnews.vn |
 |
| ມີນັກທ່ອງທ່ຽວຫຼາຍກວ່າ 30.000 ເທື່ອຄົນມາງານບຸນດອກກຸຫຼາບຢູ່ຊາປາ. ພາບ: netnews.vn |
ງານບຸນດອກກຸຫຼາບ Fansipan ປີ 2022 ດ້ວຍຫົວຂໍ້ “Fansipan - ດິນແດນດອກກຸຫຼາບໃນເມກ” ແມ່ນເຫດການໃຫຍ່ຈັດຂຶ້ນເປັນຄັ້ງທຳອິດຢູ່ຮ່ອມພູ ດອກກຸຫຼາບ ທີ່ໃຫຍ່ກວ່າໝູ່ຢູ່ ຫວຽດນາມ, ຂຶ້ນກັບເຂດທ່ອງທ່ຽວ Sun World Fansipan Legend ດ້ວຍເນື້ອທີ່ 50.000 m2. ງານບຸນດອກກຸຫຼາບ Fansipan ປີ 2022 ລວບລວມດອກກຸຫຼາບເຄືອ ຫຼາຍກວ່າ 10.000 ຕົ້ນ, ດອກກຸຫຼາບບູຮານ ຊາປາ ຫຼາຍກວ່າ 1.5 ເຮັກຕາ ແລະ ດອກກຸຫຼາບເກືອບ 100 ຊະນິດທີ່ນຳເຂົ້າຈາກຫຼາຍປະເທດເຊັ່ນ: ອັງກິດ, ຝຣັ່ງ, ຍີ່ປຸ່ນ...
ຈຸດເດັ່ນຂອງງານບຸນດອກກຸຫຼາບ Fansipan ປີ 2022 ແມ່ນການອອກແບບດັດແຕ່ງຕົ້ນໄມ້ນ້ອຍ ແລະໃຫຍ່ທີ່ເປັນເອກະລັກສະເພາະຈາກດອກກຸຫຼາບເຄືອສີແດງ ແລະສີບົວ.
ຍ້ອນປະຕິບັດການໂຄສະນາເຜີຍແຜ່ກ່ຽວກັບງານບຸນດອກກຸຫຼາບ Fansipan ປີ 2022, ງານບຸນເປີດສາກລະດູທ່ອງທ່ຽວຊາປາ-2022 ໄດ້ເປັນຢ່າງດີ, ສະນັ້ນ ນັກທ່ອງທ່ຽວໄປທ່ອງທ່ຽວຊາປາ ມີເປັນຈໍານວນຫຼວງຫຼາຍ.
ບູນມີ
