| ຖໍ້າເຊີນດອງ ໄດ້ໂຄສະນາຢູ່ໃນຫນ້າຈໍຂອງ Google | |
| ກຸ່ມບໍລິສັດ KT ຂອງ ສ.ເກົາຫຼີ ຜັນຂະຫຍາຍການບໍລິການດ້ານການແພດທາງໄກຢູ່ຫວຽດນາມ |
 |
| ພາບປະກອບ: TTXVN |
Travelbook ແນະນຳໃຫ້ນັກທ່ອງທ່ຽວຕ້ອງຍາດເວລາມາຢ້ຽມຢາມຮ່າໂນ້ຍ, ບໍ່ພຽງແຕ່ຍ້ອນສະຖານທີ່ສວຍງາມຫຼາຍແຫ່ງເທົ່ານັ້ນ, ຫາກຍັງມີບັນດາຕະຫລາດທີ່ເຕັມໄປດ້ວຍສີສັນ, ຟົດຟື້ນດ້ວຍຊີວິດອັນແທ້ຈິງ.
ໃນບັນດາຂໍ້ແນະນຳ 6 ຂໍ້ທີ່ Travelbook ຍົກອອກກ່ຽວກັບບັນດາສິ່ງທີ່ນັກທ່ອງທ່ຽວສາມາດມາຢ້ຽມຢາມ ແລະ ຄົ້ນຫາຢູ່ນະຄອນຫຼວງຂອງຫວຽດນາມ, ວັນມ໊ຽວ - ກວກຕື້ຢາມ ເປັນອັນດັບໜຶ່ງ. ອີງຕາມບົດຄວາມ, ນັກທ່ອງທ່ຽວຊາວເອີຣົບຈໍານວນຫຼາຍ ໄດ້ພັນລະນາເຖິງຄວາມງາມຂອງອາຄານພັນປີເປັນ "ການຄົ້ນຫາທີ່ພິເສດ" ແທ້ໆທີ່ເຂົາເຈົ້າສາມາດຮູ້ສຶກໄດ້ເມື່ອໄປຢ້ຽມຢາມສະຖານທີ່ນີ້.
ສະຖານທີ່ຕໍ່ໄປແມ່ນສຸສານປະທານໂຮ່ຈີມິນ ແລະ ສະໜາມຫຼວງ ບາດິ່ງ, ແມ່ນໜຶ່ງໃນບັນດາສະຖານທີ່ສຳຄັນທີ່ສຸດຂອງຫວຽດນາມ. ສະຖານທີ່ທີ 3 ແມ່ນວັດ ໂມດໂກດ (ວັດ ເສົາດຽວ) - ແມ່ນໜຶ່ງໃນບັນດາວັດທີ່ເກົ່າແກ່ກວ່າໝູ່ຢູ່ຮ່າໂນ້ຍ, ກໍ່ແມ່ນສັນຍາລັກຂອງຮ່າໂນ້ຍ. ຂໍ້ທີ 4 ຂອງ Travelbook ແມ່ນການທ່ອງທ່ຽວຮອບເມືອງເກົ່າໂດຍ ຊິກໂລ (ສາມລໍ້ຖີບ). ທີ 5 ເມື່ອມາຢ້ຽມຢາມ ຮ່າໂນ້ຍ ແມ່ນໄປໂຮງລະຄອນຕຸກກະຕານ້ຳ.
ເມື່ອໄດ້ໄປຢ້ຽມຢາມ 5 ສະຖານທີ່ຂ້າງເທິງນີ້, Travelbook ກໍ່ໄດ້ແນະນຳນັກທ່ອງທ່ຽວຄວນຊິມເຝີຮ່າໂນ້ຍຄັ້ງໜຶ່ງ. ຕາມບົດຂຽນແລ້ວ, ຖ້າຫາກນັກທ່ອງທ່ຽວຍັງບໍ່ເຄີຍໄດ້ຊີມເຍື່ອງອາຫານນີ້ຢູ່ແຫ່ງອື່ນຢູ່ຫວຽດນາມມາກ່ອນ, ກໍຄວນໄດ້ລອງຢ່າງໜ້ອຍໜຶ່ງຄັ້ງຢູ່ຮ່າໂນ້ຍ.
ໄຊພອນ
