| Vietnam Expo 2022: ຮ່ວມເດີນທາງກັບວິສາຫະກິດໃນຍຸກດີຈີຕອນ | |
| ປະທານແນວໂຮມປະເທດຊາດ ຫວຽດນາມ ສົ່ງຈົດໝາຍອວຍພອນປີໃໝ່ລາວ ແລະ ກຳປູເຈຍ |
 |
| ພິທີມັດແຂນ (ພາບ: vinhphuc.gov.vn) |
ກ່າວຄຳເຫັນທີ່ການພົບປະ, ທ່ານ ດ່າວດັ້ງຮວ່າ ຮອງຫົວໜ້າພະແນກພົວພັນຕ່າງປະເທດແຂວງ ວິງຟຸກ ໄດ້ສົ່ງຄຳອວຍພອນປີໃໝ່ໄປຍັງສະຖານທູດ ລາວ ປະຈຳ ຫວຽດນາມ, ພ້ອມກັບບັນດານັກສຶກສາລາວ. ທ່ານ ຮວ່າ ໄດ້ຍ້ອງຍໍຊົມເຊີຍຄວາມມານະພະຍາຍາມ, ຈິດໃຈບືນຕົວຂຶ້ນຜ່ານຜ່າຄວາມຫຍຸ້ງຍາກຂອງ ນັກສຶກສາລາວ ທີ່ພວມຮ່ຳຮຽນຢູ່ບັນດາຮາກຖານການສຶກສາ - ບຳລຸງສ້າງໃນບໍລິເວນແຂວງ ວິງຟຸກ.
ທ່ານເນັ້ນໜັກວ່າ ປີ 2022 ແມ່ນ “ປີສາມັກຄີ, ມິດຕະພາບ ຫວຽດນາມ - ລາວ, ລາວ - ຫວຽດນາມ 2022” ໂດຍສອງພັກ ແລະ ສອງລັດ ຫວຽດນາມ - ລາວ ປຸກລະດົມໃນໂອກາດມຸ່ງໄປເຖິງການສະເຫຼີມສະຫຼອງ 60 ປີແຫ່ງວັນສ້າງຕັ້ງການພົວພັນທາງການທູດ ລະຫວ່າງ ຫວຽດນາມ - ລາວ (5 ກັນຍາ 1962 – 5 ກັນຍາ 2022) ແລະ 45 ປີແຫ່ງວັນເຊັ່ນສົນທິສັນຍາມິດຕະພາບ ແລະ ການຮ່ວມມື ຫວຽດນາມ - ລາວ (18 ກໍລະກົດ 1977 – 18 ກໍລະກົດ 2022).
ພ້ອມກັບປະຊາຊົນໃນທົ່ວປະເທດ, ປະຊາຊົນແຂວງວິງຟຸກ ມີຄວາມເອກອ້າງທະນົງໃຈ ທີ່ໄດ້ ແລະ ພວມປະກອບສ່ວນຫຼາຍພໍສົມຄວນຕໍ່ການພົວພັນມິດຕະພາບພິເສດ, ນ້ຳໃຈສາມັກຄີຕໍ່ສູ້ ແລະ ການຮ່ວມມືຮອບດ້ານລະຫວ່າງປະຊາຊົນສອງປະເທດ ຫວຽດນາມ - ລາວ.
ໃນຊຸມປີຜ່ານມາ, ໂດຍປະຕິບັດຕາມແຜນນະໂຍບາຍແນວທາງຂອງພັກ, ແຂວງວິງຟຸກ ໄດ້ຊຸກຍູ້ການພົວພັນຄູ່ຮ່ວມມືມິດຕະພາບອັນດີງາມກັບບັນດາທ້ອງຖິ່ນຂອງລາວ ຢ່າງບໍ່ຢຸດຢັ້ງ, ພິເສດແມ່ນບັນດາແຂວງທາງໃຕ້ລາວ. ມາຮອດປັດຈຸບັນ, ແຂວງວິງຟຸກ ໄດ້ມີການຮ່ວມມືມິດຕະພາບກັບ 10 ທ້ອງຖິ່ນຂອງລາວ, ໃນນັ້ນມີແຂວງຮັກສ່ຽວ ຫຼວງນ້ຳທາ.
ໃນໂອກາດນີ້, ບັນດາຜູ້ແທນ ແລະ ນັກສຶກສາລາວ ໄດ້ພ້ອມກັນເຂົ້າຮ່ວມພິທີກຳປະເພນີ ຂອງບຸນປີໃໝ່ຄື: ບາສີສູ່ຂວັນ, ຫົດນ້ຳ ອວຍພອນປີໃໝ່ ແລະ ເຂົ້າຮ່ວມການຟ້ອນລຳວົງ.
