 |
| Vietnam Expo 2022 (ພາບ: vneconomy.vn) |
ງານວາງສະແດງຈະດຳເນີນໃນລະຫວ່າງວັນທີ 13 – 16 ເມສານີ້ ຢູ່ສູນວາງສະແດງສາກົນຮ່າໂນ້ຍ, ເຮືອນເລກທີ 91 ຖະໜົນ ເຈີ່ນຮຶງດ່າວ, ນະຄອນ ຮ່າໂນ້ຍ. ງານວາງສະແດງສິນຄ້າອອນໄລນ໌ຈະຈັດຂຶ້ນເປັນເວລາ 1 ເດືອນແຕ່ວັນທີ 13 ເດືອນເມສາ ຫາວັນທີ 13 ພຶດສະພາ ບົນພື້ນຖານຂອງລະບົບນິເວດສົ່ງເສີມການຄ້າດິຈິຕອນ DECOBIZ.
ກ່າວຄຳເຫັນໄຂ Vietnam Expo 2022, ທ່ານລັດຖະມົນຕີກະຊວງອຸດສາຫະກຳ ແລະ ການຄ້າ ຫງວຽນຮົ່ງຢຽນ ໃຫ້ຮູ້ວ່າ ງານວາງສະແດງສິນຄ້າ ຫວຽດນາມ ແມ່ນງານວາງສະແດງປະຈຳປີຢູ່ຮ່າໂນ້ຍ ນັບແຕ່ປີ 1991.
ພາຍຫຼັງ 30 ປີແຫ່ງການເຄື່ອນໄຫວຮ່ວມເດີນທາງກັບວິສາຫະກິດ ຫວຽດນາມ, Vietnam Expo ໄດ້ກາຍເປັນໜຶ່ງໃນບັນດາງການເຄື່ອນໄຫວສົ່ງເສີມການຄ້າສຳຄັນທີ່ມີຂອບຂະໜາດໃຫຍ່ທີ່ສຸດຂອງຂອງຂະແໜງອຸດສາຫະກຳ ແລະ ການຄ້າຫວຽດນາມ, ນຳມາເຊິ່ງມູນຄ່າດ້ານເສດຖະກິດຢ່າງຫຼວງຫຼາຍ, ກໍຄືເປັນກາລະໂອກາດຢ່າງແທດຈິງເພື່ອຊ່ວຍໃຫ້ວິສາຫະກິດຫວຽດນາມ ເພີ່ມທະວີການສົ່ງອອກ, ພັດທະນາຕະຫຼາດພາຍໃນປະເທດ, ຍົກສູງຄວາມສາມາດບົ່ມຊ້ອນດ້ານເສດຖະກິດ.
ເຂົ້າຮ່ວມໃນຕ່ອງໂສ້ມູນຄ່າທົ່ວໂລກ, ປະກອບສ່ວນຢ່າງຕັ້ງໜ້າເຂົ້າໃນການປະຕິບັດຄຳໝັ້ນສັນຍາຂອງລັດຖະບານໃນການເຊື່ອມໂຍງເສດຖະກິດສາກົນ.
ນີ້ແມ່ນງານວາງສະແດງຄັ້ງທຳອິດເພື່ອຕ້ອນຮັບບັນດາວິສາຫະກິດທີ່ເຂົ້າຮ່ວມ ແລະ ແຂກສາກົນເຂົ້າຮ່ວມງານຕະຫຼາດນັດໂດຍກົງ.
Vietnam Expo 2022, ມີການເຂົ້າຮ່ວມຂອງ 410 ວິສາຫະກິດ ດ້ວຍຂະໜາດ 380 ຮ້ານທີ່ມາຈາກ 15 ປະເທດ ແລະ ເຂດແຄ້ວນ ຈະສຸມໃສ່ວາງສະແດງຢູ່ 4 ເຂດວາງສະແດງທີ່ພົ້ນເດັ່ນຄື: ເຄື່ອງໝາຍການຄ້າແຫ່ງຊາດ ແລະ ສິນຄ້າສົ່ງອອກ; ເຄື່ອງຈັກ ແລະ ອຸປະກອນ - ອຸດສາຫະກໍາຫນູນຊ່ວຍ; ເຕັກໂນໂລຊີດິຈິຕອນ - ການຄ້າເອເລັກໂຕນິກ; ອາຫານ - ເຄື່ອງດື່ມ.
ບຸນຄົງ
