| ດ່ານັ້ງ ນອນໃນ Top 7 ຫາດຊາຍທະເລແຖວໜ້າໂລກ | |
| ນະຄອນດ່ານັ້ງ ມອບໂຮງຮຽນມິດຕະພາບທີ່ມີມູນຄ່າ 7 ຕື້ດົ່ງ ໃຫ້ແກ່ສະມາຄົມຊາວຫວຽດນາມ ອາໄສຢູ່ແຂວງ ຈຳປາສັກ (ລາວ) |
 |
| ສະຫາຍ ຫງວຽນວັນຫຽວ ຮອງເລຂາຄະນະພັກນະຄອນ ໂຮ່ຈີມິນ ອວຍພອນບຸນປີໃໝ່ສະຖານກົງສູນໃຫຍ່ລາວ ປະຈຳ ໂຮ່ຈີມິນ (ພາບ: TTXVN) |
ຕອນເຊົ້າວັນທີ 11 ເມສາ, ຄະນະຜູ້ແທນຄະນະພັກນະຄອນ, ສະພາປະຊາຊົນ, ຄະນະກຳມະການປະຊາຊົນ, ຄະນະກຳມະການແນວໂຮມປະເທດຊາດ ຫວຽດນາມ ນະຄອນໂຮ່ຈີມິນ ໂດຍສະຫາຍ ຫງວຽນວັນຫຽວ ຮອງເລຂາຄະນະພັກນະຄອນ ໄດ້ນຳໜ້າຄະນະມາອວຍພອນພະນັກງານ, ພາລະກອນສະຖານກົງສູນໃຫຍ່ລາວ ປະຈຳນະຄອນໂຮ່ຈີມິນ ເນື່ອງໃນໂອກາດບຸນປີໃໝ່ປະຈຳຊາດ ລາວ.
ການນຳນະຄອນ ໂຮ່ຈີມິນ ໄດ້ສະແດງຄວາມປິຕິຊົມຊື່ນຕໍ່ການພັດທະນາອັນດີງາມໃນການພົວພັນລະຫວ່າງຫວຽດນາມ - ລາວ ແລະ ລະຫວ່າງນະຄອນ ໂຮ່ຈີມິນ ກັບບັນດາທ້ອງຖິ່ນຂອງລາວ. ນະຄອນ ໂຮ່ຈີມິນ ຍາມໃດກໍ່ກຽມພ້ອມ ແລະ ມານະພະຍາຍາມສູງທີ່ສຸດ ເພື່ອສືບຕໍ່ຮັດແໜ້ນສາຍພົວພັນມິດຕະພາບ ແລະ ການຮ່ວມມືໃນຫຼາຍດ້ານ, ພິເສດແມ່ນດ້ານເສດຖະກິດ, ລະຫວ່າງນະຄອນ ໂຮ່ຈີມິນ ແລະ ບັນດາທ້ອງຖິ່ນຂອງລາວ; ໃນນັ້ນໄດ້ເອົາໃຈໃສ່ເປັນພິເສດເຖິງບັນດາການເຄື່ອນໄຫວແລກປ່ຽນ ແລະ ການຮ່ວມມືຂອງລຸ້ນໜຸ່ມຂອງສອງປະເທດໃນການຮັກສາ, ອະນຸລັກຮັກສາ ແລະ ເສີມຂະຫຍາຍມູນເຊື້ອອັນດີງາມລະຫວ່າງສອງປະເທດ, ລະຫວ່າງນະຄອນ ໂຮ່ຈີມິນ ແລະ ທ້ອງຖິ່ນຂອງລາວ.
ຕອນເຊົ້າວັນທີ 10 ເມສາ, ທ່ານ ຫງວຽນງອກບິ່ງ, ກຳມະການຄະນະປະຈຳຄະນະປະທານສະຫະພັນບັນດາອົງການມິດຕະພາບຫວຽດນາມ, ປະທານສະຫະພັນບັນດາອົງການມິດຕະພາບນະຄອນ ດ່ານັ້ງ ພ້ອມດ້ວຍຄະນະໄດ້ໄປຢ້ຽມຢາມ, ອວຍພອນທ່ານທ່ານ ສຸພັນ ຫາດາເຮືອງ ກົງສຸນໃຫຍ່ ພ້ອມດ້ວຍການນຳ, ພະນັກງານ, ລັດຖະກອນສະຖານກົງສຸນໃຫຍ່ລາວ ປະຈຳນະຄອນ ດ່ານັ້ງ.
ບຸນຄົງ
