| ການາດາ ຖືເປັນສຳຄັນການພົວພັນກັບ ຫວຽດນາມ ໃນການຜັນຂະຫຍາຍນະໂຍບາຍການຕ່າງປະເທດ | |
| ຊົມເຊີຍທ່ານໝໍໜຸ່ມຫວຽດນາມ 10 ຄົນ |
 |
| ທ່ານຮອງນາຍົກລັດຖະມົນຕີ ຫວູດຶກດາມ ກ່າວຄຳເຫັນທີ່ກອງປະຊຸມ (ພາບ: TTXVN) |
ກ່າວຄຳເຫັນທີ່ກອງປະຊຸມຄົບຄະນະຂອງຄະນະກຳມະການແຫ່ງຊາດ ກ່ຽວກັບຊາວໜຸ່ມຫວຽດນາມ (ໄດ້ດຳເນີນໃນຕອນເຊົ້າວັນທີ 24 ມີນາ ຢູ່ ຮ່າໂນ້ຍ), ທ່ານຮອງນາຍົກລັດຖະມົນຕີ ຫວູດຶກດາມ ຊີ້ແຈ້ງວ່າ ຄະນະກຳມະການແຫ່ງຊາດ ກ່ຽວກັບຊາວໜຸ່ມຫວຽດນາມ ຕ້ອງປະຕິບັດບັນດາການເຄື່ອນໄຫວທີ່ບໍ່ພຽງແຕ່ຖື ການເບິ່ງແຍງດູແລຊາວໜຸ່ມໃຫ້ເປັນທີ່ດີເທົ່ານັ້ນ ຫາກຍັງຕ້ອງເສີມຂະຫຍາຍກຳລັງແຮງໜຸ່ມ, ຫົວຄິດປະດິດສ້າງ ແລະ ການອຸທິດສ່ວນຂອງຊາວໜຸ່ມ ຫວຽດນາມ ອີກດ້ວຍ.
ທ່ານຮອງນາຍົກລັດຖະມົນຕີ ຫວູດຶກດາມ ສະເໜີບັນດາກະຊວງ, ຂະແໜງການທີ່ກ່ຽວຂ້ອງ ຄວນສົມທົບກັນຢ່າງແໜ້ນແຟ້ນກັບຄະນະກຳມະການແຫ່ງຊາດ ກ່ຽວກັບຊາວໜຸ່ມຫວຽດນາມ ແລະ ຄະນະຊາວໜຸ່ມສູນກາງ ປະຕິບັດໂຄງການສະເພາະຢ່າງມີປະສິດທິຜົນ, ສອດຄ່ອງກັບຈິດໃຈຊີ້ນຳຂອງລັດຖະບານ.
ທ່ານຮອງນາຍົກລັດຖະມົນຕີ ຫວູດຶກດາມ ປາດຖະໜາວ່າ ໃນການປະຕິບັດບັນດາການເຄື່ອນໄຫວຮ່ວມມືສາກົນຂອງຄະນະຊາວໜຸ່ມກັບບັນດາຄະນະຊາວໜຸ່ມບັນດາປະເທດໃນພາກພື້ນ ແລະ ໂລກ, ບັນດາກະຊວງ, ຂະແໜງການຕ້ອງສົມທົບກັນຢ່າງແໜ້ນແຟ້ນກ່ວາອີກ ເພື່ອດຳເນີນການເຄື່ອນໄຫວພາຍໃຕ້ການສົມທົບ ແລະ ໜູນຊ່ວຍຂອງລັດຖະບານ.
ບຸນຄົງ
