 |
| ທ່ານເອກອັກຄະລັດຖະທູດ ຫວຽດນາມ ຫງວຽນຮຸຍຕັງ ປະຈຳ ກຳປູເຈຍ (ພາບປະກອບ: VOV) |
ທ່ານເອກອັກຄະລັດຖະທູດ ຫງວຽນຮຸຍຕັງ ໄດ້ສະແດງຄວາມຍິນດີທີ່ໄດ້ຮັບການແຕ່ງຕັ້ງເປັນເອກອັກຄະລັດຖະທູດ ຫວຽດນາມ ປະຈຳ ກຳປູເຈຍ; ຖືວ່ານີ້ແມ່ນຄວາມເປັນກຽດ, ຄວາມພາກພູມໃຈ ແລະ ພ້ອມກັນນັ້ນ ກໍແມ່ນໜ້າທີ່ຮັບຜິດຊອບອັນໃຫຍ່ຫຼວງທີ່ພັກ, ລັດ ແລະ ປະຊາຊົນ ຫວຽດນາມ ໄວ້ເນື້ອເຊື່ອໃຈ ແລະ ມອບໝາຍໜ້າທີ່.
ທ່ານເອກອັກຄະລັດຖະທູດ ກໍສະແດງຄວາມຊົມເຊີຍບັນດາຜົນງານອັນໃຫຍ່ຫຼວງທີ່ອ້າຍນ້ອງກຳປູເຈຍ, ລວມທັງນະຄອນຫຼວງພະນົມເປັນ ຍາດໄດ້ໃນຊຸມປີມໍ່ໆມານີ້, ພິເສດແມ່ນໃນ 2 ປີທີ່ຜ່ານມາ, ເຖິງວ່າຈະໄດ້ຮັບຜົນກະທົບຈາກໂລກລະບາດ Covid-19.
ດ້ວຍມາດຕະການທີ່ມີປະສິດທິຜົນຂອງລັດຖະບານກຳປູເຈຍ, ກຳປູເຈຍໄດ້ສະກັດກັ້ນ ແລະ ຮັບມືກັບພະຍາດໂຄວິດ-19 ຢ່າງມີປະສິດທິຜົນ, ຊ່ວຍກຳປູເຈຍເປີດປະເທດຄືນໃໝ່ໂດຍໄວ ແລະ ຟື້ນຟູເສດຖະກິດຄືນໃໝ່ຢ່າງເປັນປົກກະຕິ.
ທ່ານເອກອັກຄະລັດຖະທູດ ໄດ້ຂອບໃຈລັດຖະບານ ກຳປູເຈຍ ທີ່ໄດ້ສ້າງເງື່ອນໄຂສະດວກໃຫ້ປະຊາຄົມຊາວ ຫວຽດນາມ ຢູ່ ກຳປູເຈຍ ໄດ້ຮັບການສັກຢາປ້ອງກັນພະຍາດໂຄວິດ-19 ຢ່າງຄົບຖ້ວນ, ທັງສ້າງເງື່ອນໄຂສະດວກໃຫ້ແກ່ການດຳລົງຊີວິດ, ການສຶກສາ ແລະ ເຮັດວຽກຢູ່ ກຳປູເຈຍ, ດຳເນີນທຸລະກິດຢູ່ ກຳປູເຈຍ, ປະກອບສ່ວນ ໃຫ້ແກ່ການພັດທະນາຂອງກຳປູເຈຍ ກໍ່ຄືການພົວພັນອັນດີງາມລະຫວ່າງ ຫວຽດນາມ ແລະ ກຳປູເຈຍ.
ທ່ານເຈົ້າຄອງນະຄອນ ເກີນເທີ ຢືນຢັນຈະສືບຕໍ່ສະໜັບສະໜູນທ່ານເອກອັກຄະລັດຖະທູດປະຕິບັດໜ້າທີ່ ແລະ ປະກອບສ່ວນຢ່າງຕັ້ງໜ້າເຂົ້າໃນການຊຸກຍູ້ການພົວພັນລະຫວ່າງ ຫວຽດນາມ - ກຳປູເຈຍ ເວົ້າລວມ, ເປັນຕົ້ນແມ່ນການພົວພັນລະຫວ່າງນະຄອນ ຫຼວງ ພະນົມເປັນ ແລະ ນະຄອນ ໂຮ່ຈີມິນ ແລະ ນະຄອນຫຼວງ ຮ່າໂນ້ຍ ເວົ້າສະເພາະ.
2 ຝ່າຍໄດ້ແລກປ່ຽນຫຼາຍເນື້ອໃນການຮ່ວມມື, ຊຸກຍູ້ການຮ່ວມມືລະຫວ່າງນະຄອນຫຼວງພະນົມເປັນ, ນະຄອນຫຼວງຮ່າໂນ້ຍ ແລະ ນະຄອນໂຮ່ຈິມິນ, ພິເສດແມ່ນໃນຂົງເຂດເສດຖະກິດ, ການຄ້າ, ການລົງທຶນ ແລະ ສົມທົບກັນຈັດຕັ້ງບັນດາເຫດການໃນປີ 2022 ເນື່ອງໃນໂອກາດສະເຫຼີມສະຫຼອງ 55 ປີແຫ່ງວັນສ້າງສາຍພົວພັນທາງການທູດລະຫວ່າງສອງປະເທດ (24 ມິຖຸນາ 1967 - 24 ມິຖຸນາ 2022), ເປັນການປະສານງານກະກຽມໃຫ້ແກ່ການຢ້ຽມຢາມ ກຳປູເຈຍ ຂອງການນຳ ຮ່າໂນ້ຍ ແລະ ນະຄອນໂຮ່ຈິມິນ ໃນໄລຍະຈະມາເຖິງ.
ບຸນຄົງ
