| ລາວຈັດຕັ້ງຫຼາຍການເຄື່ອນໄຫວສະເຫຼີມສະຫຼອງປີແຫ່ງການພົວພັນມິດຕະພາບລະຫວ່າງຫວຽດນາມ - ລາວ 2022 | |
| ສະມາຄົມນັກສຶກສາຫວຽດນາມປະຈຳຝຣັ່ງຈັດລະນຶກການສ້າງຕັ້ງຂຶ້ນຄົບຮອບ 18 ປີ |
 |
| ດົງທາບ ຊອກຮູ້ກາລະໂອກາດຮ່ວມມືດ້ານການລົງທຶນ, ສະພາບການຂອງຊາວ ຫວຽດນາມ ຢູ່ ກຳປູເຈຍ |
ຄະນະປະຕິບັດງານໄດ້ໄປຢ້ຽມຢາມ ແລະ ເຮັດວຽກກັບສະມາຄົມຂະແມ - ຫວຽດນາມ ຢູ່ ກຳປູເຈຍ, ຄະນະໄດ້ແລກປ່ຽນຂໍ້ມູນກ່ຽວກັບປະຊາຄົມຊາວຫວຽດນາມ ຢູ່ ກຳປູເຈຍ, ຈັບກຳເອົາຈິດໃຈ, ຄວາມມຸ່ງມາດປາດຖະໜາຂອງພໍ່ແມ່ປະຊາຊົນປະຊາຊົນ; ແລກປ່ຽນ ແລະ ເກັບກຳຢ່າງລະອຽດກ່ວາກ່ຽວກັບບັນດານະໂຍບາຍ, ລະບຽບການ, ຂໍ້ກຳນົດຂອງລັດຖະບານ ກຳປູເຈຍ ສຳລັບປະຊາຄົມຊາວ ຫວຽດນາມ ຢູ່ທີ່ນີ້.
ຄະນະຍັງໄດ້ໄປຢ້ຽມຢາມ ແລະ ເຮັດວຽກກັບທ່ານເອກອັກຄະລັດຖະທູດ ຫວຽດນາມ ປະຈຳ ກຳປູເຈຍ ຫງວຽນຮຸຍຕັງ. ທີ່ການພົບປະ, ທ່ານເອກອັກຄະລັດຖະທູດ ຫງວຽນຮຸຍຕັງ ສະເໜີແຂວງ ດົ່ງທາບ ສົມທົບກັບສະຖານທູດ ຫວຽດນາມ ປະຈຳ ກຳປູເຈຍ ແລະ ສະມາຄົມຂະແມ - ຫວຽດນາມ ເພື່ອແນໃສ່ແລກປ່ຽນ ແລະ ແກ້ໄຂສະພາບການຢ່າງທັນການ, ເພີ່ມທະວີການພົວພັນກັບບັນດາແຂວງເຂດຊາຍແດນ ເພື່ອແກ້ໄຂຄວາມຫຍຸ້ງຍາກ ແລະ ສ້າງເງື່ອນໄຂອັນສະດວກເພື່ອໃຫ້ປະຊາຊົນຊາວຫວຽດນາມ ມີບ່ອນຕັ້ງຖິ່ນຖານໃໝ່ ແລະ ມີຊີວິດທີ່ໝັ້ນຄົງ.
ທ່ານປະທານຄະນະກຳມະການປະຊາຊົນແຂວງ ດົ່ງທາບ ຟ້າມທ້ຽນເຫງຍ ສະເໜີບັນດາອົງການທີ່ກ່ຽວຂ້ອງຂອງແຂວງ ດົ່ງທາບ ສືບຕໍ່ຕິດຕາມກວດກາ, ສົມທົບກັບບັນດາຂະແໜງທີ່ກ່ຽວຂ້ອງຂອງ ກຳປູເຈຍ, ສະຖານທູດຫວຽດນາມ ປະຈຳ ກຳປູເຈຍ ແລະ ສະມາຄົມຊາວຂະແມ - ຫວຽດນາມ ປະຈຳ ກຳປູເຈຍ ກໍາໄດ້ສະພາບການໂດຍທັນເວລາ, ສະເໜີການນຳແຂວງພິຈາລະນາ ແລະ ໃຫ້ຄວາມເຫັນ.
ໃນໄລຍະດຳເນີນການປະຕິບັດງານ, ຄະນະກໍ່ໄດ້ໄປຢ້ຽມຢາມ ແລະ ສຳຫຼວດບັນດາການເຄື່ອນໄຫວຜະລິດທຸລະກິດຂອງກຸ່ມບໍລິສັດ SOKIMEX ເທິງພູ Bokor ເພື່ອຊອກຫາກາລະໂອກາດ ແລະ ຊຸກຍູ້ການເຄື່ອນໄຫວການຄ້າ ແລະ ການລົງທຶນກັບແຂວງ ດົ່ງທາບ. ຜ່ານການເຊື່ອມຕໍ່ຂອງການນຳແຂວງ ດົ່ງທາບ, ກຸ່ມບໍລິສັດ SOKIMEX ແລະ ກຸ່ມບໍລິສັດ NOVALAND ໄດ້ເຫັນດີເປັນເອກະພາບການຮ່ວມມື ແລະ ລົງທຶນເຂົ້າບັນດາຂົງເຂດຢູ່ ດົ່ງທາບ ດ້ວຍຮູບແບບທີ່ເໝາະສົມລະຫວ່າງລັດຖະບານ 2 ປະເທດ ຫວຽດນາມ - ກຳປູເຈຍ.
ໄຊພອນ
