| ຕາຕະລາງວັນພັກປີໃໝ່ກຸດຫວຽດນາມ 2022 ຍາວ 9 ວັນ | |
| ແນະນຳຮີດຄອງປະເພນີບູຊາບັນພະບຸລຸດ ແລະ ບຸນປີໃໝ່ຂອງຊາວຫວຽດນາມ ຢູ່ ເວເນຊູເອລາ |
ສຽງຟ້າຮ້ອງລັ່ນປີຂານ (ເສືອ) 2022 ນີ້ມາຊ້າຈົນທ້າຍເດືອນຈຽງຈຶ່ງມີສຽງຟ້າຮ້ອງມາ ຊຶ່ງຕາມຄວາມເຊື່ອບູຮານຂອງຫຼາຍຄົນໃນເຂດພູດອຍນັ້ນ ປີໃໝ່ຈະມາຮອດເຖິງແທ້ກໍຕໍ່ເມື່ອມີສຽງຟ້າງຮ້ອງລັ່ນໃນຕົ້ນປີ. ນັ້ນກໍແມ່ນເວລາທີ່ພວກເຂົາເຈົ້າເປີດພິທີບຸນຕ້ອນຮັບປີໃໝ່.
 |
| ພາບປະກອບ: dantocmiennui.vn |
ປັດຈຸບັນ, ຫຼາຍໝູ່ບ້ານເຜົ່າໄຕຢູ່ແຂວງເງາະອ່ານ ໃນນັ້ນ ມີໝູ່ບ້ານຮວ່າຕຽນ (ຕາແສງເຈົ່າຕຽນ, ເມືອງກຸຍເຈົ່າ) ຍັງຄົງຮັກສາຮີດຄອງປະເພນີທີ່ເອີ້ນວ່າດື່ມເຫຼົ້າລະດູດອກໄມ້ບານ (ກິນເຫຼົ້າໄຫດອກໄມ້ - ພາສາໄຕ).
ທ່ານນາງ Quang Thi Thay ໝໍພອນທ່ານໜຶ່ງຢູ່ໝູ່ບ້ານຮວ່າຕຽນຈັດພິທີບຸນນີ້ເປັນປະຈຳ. ຕາມການອະທິບາຍຂອງທ່ານນັ້ນ ປະເພນີການດື່ມກິນເຫຼົ້າລະດູດອກໄມ້ບານຖືກຈັດຂຶ້ນໃນຄອບຄົວ ຫຼື ຖືໄດ້ວ່າມີພຽງຜູ້ທີ່ເຄື່ອນໄຫວທາງການເປັນໝໍພອນ ຈຶ່ງຈັດພີທີງານບຸນນີ້. ເຄື່ອງໄຫວ້ມີໄກ່ຖວາຍພະເຈົ້າ, ເຫຼົ້າໄຫ, ພາຍຫຼັງຈາກພິທີໄຫວ້ຖວາຍໂດຍເຈົ້າຖິ່ນເຈົ້າຖານກໍຄືໝໍພອນດຳເນີນການນັ້ນແລ້ວ, ພວກເຂົາເຈົ້າຈະເປີດເຫຼົ້າໄຫດື່ມເພື່ອຮ່ວມ່ວນຊື່ນປີໃໝ່ນຳກັນ.
ພາຍຫຼັງຈາກສຽງຟ້າຮ້ອງລັ່ນຕົ້ນປີ, ເຜົ່າໄຕຢູ່ກຸຍເຈົ່າຍັງຈັດຕັ້ງພິທີບຸນກຸດສັງຂານ ຊຶ່ງເປັນບຸນປະເພນີຄວາມເຊື່ອຖືທີ່ເປັນເອກະລັກຂອງເຜົາໄຕຢູ່ແຂວງເງາະອ່ານ. ເວົ້າເຖິງຄວາມໝາຍຂອງບຸນກຸດສັງຂານ, ທ່ານ Vi Ngoc Chan ເປັນຜູ້ໜຶ່ງທີ່ຄົ້ນຄວ້າສຶກສາວັດທະນະທຳພື້ນຖານຢູ່ເມືອງກຸຍເຈົ່າ ໃຫ້ຊາບວ່າ: “ບຸນກຸດສັງຂານແມ່ນຈັດໂດຍໝໍພອນເພື່ອຂໍພອນໃຫ້ພວກເຂົາເຈົ້າກໍຄືຄອບຄົວ ແລະ ໝູ່ບ້ານມີຄວາມສະຫງົບສຸກ, ມີສຸຂະພາບແຂງແຮງ. ອີກຄວາມໝາຍທີ່ສຳຄັນ, ສັງຂານຖືວ່າເປັນພິທີການຍົກລະດັບຂັ້ນຂອງບັນດາໝໍພອນທັງຫຼາຍ…”
ຕົ້ນດອກໄມ້ສັງຂານປະກອບມີ 9 ຊັ້ນ ແທນໃຫ້ເທບທັງ 9 ຕາມຄວາມເຊື່ອຖືຂອງເຜົ່າໄຕ ຖືກກະກຽມໄວ້ ແລະ ນັ້ນເປັນສິ່ງໃຈກາງຂອງຂອງພິທີ. ຕົ້ນສັງຂານຖືກປະດັບປະດາຢ່າງມີສີສັນດ້ວຍດອກໄມ້, ກ້ານໃບ, ນົກປະດິດ,… ນັ້ນເປັນການຈຳລອງໃຫ້ແກ່ສະຫວັນຊັ້ນຟ້າ ແລະ ໂລກາແດນດິນ ຕາມຄວາມເຊື່ອຂອງປວງປະຊາ. ເວລາດຳເນີນພິທີນັ້ນ, ພວກເຂົາເຈົ້າຈະມີການມ່ວນຊື່ນເປັນກຸ່ມຟ້ອນລຳ, ກິນດື່ມເຫຼົາໄຫອ້ອມຕົ້ນສັງຂານນີ້.
ການສະແດງແຕ່ລະລາຍການສະແດງຈຳລອງເຖິງວົງຈອນຂອງຊີວິດມະນຸດ, ຈາກຂຶ້ນສວງສະຫວັນຂໍເທວະດາໄປເກີດໃໝ່ ໄປຫາຕອນຢູ່ໃນທ້ອງຖືພາເກີດມາເປັນເດັກອ່ອນ ຈົນຮອດສົ່ງວິນຍານທີ່ລ່ວງລັບໄປຄືນສູ່ສວງສະຫວັນ. ໃນນັ້ນມີບັນດາພາບການເຄື່ອນໄຫວເຮັດໄຮ່, ເຮັດນາ, ອອກແຮງງານເພີ່ມພູນຜະລິດຜົນ ແລະ ການດຳລົງຊີວິດຂອງຄອບຄົວຜົວເມັຍແນໃສ່ຮັກສາສາຍສຳພັນທີ່ດີງາມ. ລີລາຕ່າງໆຂອງການຟ້ອນລຳຄວບຄູ່ໄປກັບທຳນອງສຽງເສບຄ້ອງ, ສຽງກອງ, ສຽງໂຮແຊວມ່ວນຊື່ນທັງຜູ້ຟ້ອນ ແລະ ຜູ້ຮ່ວມຊົມພິທີ.
ປັດຈຸບັນ, ນອກຈາກເມືອງກຸຍເຈົ່າແລ້ວ, ບັນດາເມືອງເກວ້ຟ່ອງ, ເຕືອງເຢືອງ ຍັງຄົງຮັກສາພິທີບຸນກຸດສັງຂານໃນຊຸມຊົນ. ປີ 2017, ບຸນກຸດສັງຂານໄດ້ຖືກກະຊວງວັດທະນະທຳ, ກິລາ ແລະ ທ່ອງທ່ຽວ ຮັບຮອງໃຫ້ນາມເປັນມໍຣະດົກທາງວັດທະນະທຳທີ່ເປັນນາມມະທຳແຫ່ງຊາດ.
ທ່ານ Ho Manh Ha ຮອງຫົວໜ້າຫ້ອງການຄຸ້ມຄອງມໍຣະດົກ, ພະແນກວັດທະນະທຳ ແລະ ກິລາ ແຂວງເງາະອ່ານ ໃຫ້ຊາບວ່າ: “ໄລຍະເວລາອັນໃກ້ນີ້, ເຫັນວ່າບົດບາດຂອງບຸນກຸດສັງຂານໃນການດຳລົງຊີວິດວັວດທະນະທຳຄວາມເຊື່ອຖືຂອງປວງຊົນຊາວເຜົ່າໄຕ, ບາງທ້ອງຖິ່ນມີຫຼາຍມາດຕະການໃນການອະນຸລັກ, ປົກປັກຮັກສາ, ສົ່ງເສີມຄຸນຄ່າຂອງບຸນກຸດສັງຂານ. ເປັນຕົ້ນແບບຄືເມືອງກີ່ເສີນ ປັດຈຸບັນກຳລັງສ້າງໂຄງການ: “ອະນຸລັກ ແລະ ພັດທະນາຄຸນຄ່າທາງວັດທະນະທຳຕິດພັນກັບການພັດທະນາການທ່ອງທ່ຽວ”. ບັນດາເມືອງອື່ນໆພວມກຳລັງສຳຫຼວດ, ເກັບໂຮມ, ຄົ້ນຄວ້າສຶກສາ ເພື່ອຮັກສາສືບທອດບຸນກຸດສັງຂານ”.
ວິລະຊົນ
