ອ້າຍ ເລົ່າວ່າ "ຢູ່ອິນເດຍພວກເຮົາບໍ່ມີວັດທະນະທໍາການດື່ມເຫຼົ້າ ແລະ ຖ້າມີ, ພວກຂ້າພະເຈົ້າກໍ່ບໍ່ເຄີຍດື່ມຕໍ່ຫນ້າຜູ້ສູງອາຍຸ. ເມື່ອຂ້າພະເຈົ້າໄປງານລ້ຽງ ໃນມື້ນັ້ນ, ຂ້າພະເຈົ້າພົບໝູ່ເພື່ອນຂອງຕົນພວມດື່ມເຫຼົ້າກັບສາດສະດາຈານ, ເຊິ່ງ ແນ່ນອນວ່າອາຍຸສູງກວ່າພວກຂ້າພະເຈົ້າທຸກຄົນ. ສິ່ງນີ້ເຮັດໃຫ້ຂ້າພະເຈົ້າແປກໃຈ ແຕ່ກໍ່ຮູ້ສຶກໄດ້ເຖິງຄວາມໃກ້ຊິດສະໜິດສະໜົມ.”
 |
| Satyam Mishra (ອິນເດຍ) ຫຼິ້ນບຸນເຕັດກັບໝູ່ເພື່ອນ. |
ເປັນຄັ້ງທີ 2 ທີ່ຕ້ອນຮັບບຸນເຕັດຢູ່ຫວຽດນາມ, Satyam Mishra ໄດ້ຖືກເຊີນໄປເຮືອນຂອງເພື່ອນຂອງຕົນ ແລະ ຈັດງານບຸນເຕັດຢູ່ມະຫາວິທະຍາໄລແຫ່ງຊາດ ຮ່າໂນ້ຍ ພ້ອມກັບຄູອາຈານ ແລະ ໝູ່ເພື່ອນ.
ສໍາລັບ Satyam Mishran, ຮີດຄອງປະເພນີ ເຊັ່ນ: ການໄຫວ້ບູຊາບັນພະບຸລຸດ, ໄປວັດຕ່າງໆໃນວັນບຸນເຕັດເຮັດໃຫ້ລາວຮູ້ສຶກເຖິງຄວາມຄ້າຍຄືກັນລະຫວ່າງບຸນປີໃໝ່ປະຈຳຊາດຂອງຊາວຫວຽດນາມ ແລະ ບຸນ Diwali ຂອງອິນເດຍ ບ້ານເກີດເມືອງນອນຂອງຕົນ.
Satyam Mishra ໃຫ້ຮູ້ວ່າ: ຕົນຮັກຮີດຄອງປະເພນີບຸນເຕັດຂອງຊາວ ຫວຽດນາມ. “ການໄຫວ້ບູຊາບັນພະບຸລຸດ ເຮັດໃຫ້ເຮົາອວ່າຍໜ້າກັບຄືນກົກເຄົ້າເຫງົ້າກໍຂອງຄອບຄົວ. ໄປວັດ, ພວກເຮົາ ຂໍພອນໄຊອັນປະເສີດ ໃຫ້ແກ່ຄອບຄົວ, ໝູ່ເພື່ອນ ແລະ ຍາດຕິພີ່ນ້ອງ. ໃນຊີວິດທີ່ພັດທະນາຢ່າງວ່ອງໄຫວຄືໃນປະຈຸບັນ, ເດັກນ້ອຍກໍ່ຕ້ອງການສະພາບແວດລ້ອມແບບນີ້ ເພື່ອພັດທະນາຢ່າງຮອບດ້ານ ແລະ ຫຼໍ່ລ້ຽງຄຸນຄ່າວັດທະນະທຳດ້ານຈິດໃຈ.”
ບູນມີ
