| ເຂັ້ມຂົ້ນໄປດ້ວຍສີສັນຂອງຊຸດເສື້ອຍາວ ຫວຽດນາມໃນລາຍການສີສັນລະດູບານໃໝ່ 2022 | |
| ຜູ້ອອກແຮງງານຈະໄດ້ພັກ 3 ວັນ ໃນຊ່ວງປີໃໝ່ສາກົນ 2022 |
ຜູ້ອອກແຮງງານຈະໄດ້ພັກບຸນປີໃໝ່ກຸດຫວຽດນາມນັບແຕ່ວັນທີ 31 ມັງກອນ ຈົນຮອດວັນທີ 4 ກຸມພາ ບວກໃສ່ກັບວັນພັກທ້າຍອາທິດອີກ 4 ວັນ, ຜູ້ອອກແຮງງານສາມາດພັກໄດ້ຕິດຕໍ່ກັນ 9 ວັນ.
ຫ້ອງວ່າການລັດຖະບານໄດ້ປະກາດແຈ້ງການເລກທີ 245/VPCP-KGVX ວັນທີ 11 ມັງກອນ 2022 ຖ່າຍທອດຄຳເຫັນຂອງຮອງລັດຖະມົນຕີ ວູ໊ດືກດ່າມ ກ່ຽວກັບການພັກບຸນປີໃໝ່ກຸດຫວຽດນາມ ແລະ ວັນຊາດ ປີ 2022 ຂອງພະນັກງານ, ລັດຖະກອນ, ລັດຖະການ ແລະ ຜູ້ອອກແຮງງານ.
 |
| ພາບປະກອບ: giadinhvaphapluat |
ຕາມເນື້ອໃນດັ່ງກ່າວນັ້ນ, ໃນ 5 ວັນຂອງໄລຍະພັກບຸນປີໃໝ່ກຸດຫວຽດນາມຕໍ່ເນື້ອງກັບ 4 ວັນພັກທ້າຍອາທິດຂອງອາທິດກ່ອນ ແລະ ຫຼັງບຸນປີໃໝ່, ສະນັ້ນ ລັດຖະກອນ, ລັດຖະການ ຈະໄດ້ພັກເຖິງ 9 ວັນລຽນຕິດກັນ.
ບັນດາອົງການ, ບັນດາຂະແໜງທີ່ດຳເນີນການຈັດຕັ້ງປະຕິບັດຕາຕະລາງການພັກດັ່ງກ່າວ ຕ້ອງມອບໝາຍຈັດແບ່ງບັນດາພາກສ່ວນທີ່ເຮັດວຽກໃຫ້ເໝາະສົມ ເພື່ອແກ້ໄຂວຽກງານໃຫ້ຕໍ່ເນື່ອງ, ຮັບປະກັນວຽກງານການບໍລິການອົງການຈັດຕັ້ງ, ປະຊາຊົນ ແລະ ວຽກງານປ້ອງກັນ, ສະກັດກັ້ນການລະບາດພະຍາດໂຄວິດ-19.
ການພັກແຕ່ລະອາທິດ, ການພັກບຸນ, ພັກງານເທດສະການຕ່າງໆ ດຳເນີນຕາມຂໍ້ກຳນົດຂອງປະມວນກົດໝາຍແຮງງານ. ບັນດາກະຊວງ, ອົງການ, ຄະນະກຳມະການປະຊາຊົນບັນດາແຂວງ, ນະຄອນທີ່ຂອ້ນກັບສູນກາງ ພ້ອມກັນຈັດຕັ້ງປະຕິບັດໜ້າທີ່ຕ່າງໆທີ່ໄດ້ຖືກມອບໝາຍຢ່າງເຂັ້ມງວດຕາມຄຳແນະນຳ ເລກທີ 35/CT-TTg ວັນທີ 31 ທັນວາ 2021 ກ່ຽວກັບການເພີ່ມທະວີມາດຕາຕະການຮັບປະກັນການສະເຫຼີມສະຫຼອງຕ້ອນຮັບປີໃໝ່ກຸດຫວຽດນາມ 2022 ຢ່າງມ່ວນຊື່ນ, ອົບອຸ່ນ, ສະຫງົບປອດໄພ, ປະຫຍັດມັດທະຍັດ.
ວິລະຊົນ
