| ນັກຖ່າຍຮູບ Gérard Gerhard (ຝຣັ່ງ): ຜູ້ “ເກັບພາບ” ປີໃໝ່ປະຈໍາຊາດຫວຽດນາມ ຖະໜົນເມືອງເກົ່າ ໂຮ້ຍອານ | |
| ໂຮ້ຍອານ, ນະຄອນທຳອິດຂອງຫວຽດນາມໃຫ້ຄຳໝັ້ນສັນຍາວ່າຈະບໍ່ບໍລິໂພກຊີ້ນໝາ ແລະ ແມວ |
 |
| ໂຮ້ຍອານມີ 5 ຮູບແບບທ່ອງທ່ຽວຂຽວໄດ້ຮັບການທົດລອງບັນລຸຜົນສຳເລັດ (ພາບປະກອບ) |
ທາງນະຄອນ ພວມມີການເຄື່ອນໄຫວແທດຈິງຫຼາຍຢ່າງ ເພື່ອແນໃສ່ຢືນຢັນວ່າ ການທ່ອງທ່ຽວຂຽວແມ່ນທິດເດີນຕົ້ນຕໍຂອງຂະແໜງທ່ອງທ່ຽວແຂວງ ກວາງນາມ ເວົ້າສະເພາະ ແລະ ທ່ອງທ່ຽວ ຫວຽດນາມ ເວົ້າລວມໃນໄລຍະຈະມາເຖິງ.
ປະຈຸບັນ, ໂຮ້ຍອານມີ 5 ຮູບແບບທ່ອງທ່ຽວຂຽວໄດ້ຮັບການທົດລອງບັນລຸຜົນສຳເລັດ, ສູ້ຊົນຮອດປີ 2025 ຢ່າງໜ້ອຍສຸດມີແຕ່ 70-100 ຫົວໜ່ວຍມີໃບຢັ້ງຢືນການທ່ອງທ່ຽວຂຽວ. ນີ້ແມ່ນພື້ນຖານເພື່ອໃຫ້ ໂຮ້ຍອານ ໄດ້ຮັບຮອງເປັນສະຖານທີ່ “ທ່ອງທ່ຽວຂຽວ” ໂດຍໄວ. ມາຮອດປະຈຸບັນ, ໂຮ້ຍອານ ໄດ້ສ້າງຊຸດມາດຕະຖານທ່ອງທ່ຽວຂຽວ ສຳເລັດແລ້ວ, ຄາດວ່າຈະປະກາດພາຍຫຼັງພິທີເປີດປີທ່ອງທ່ຽວແຫ່ງຊາດ 2022. ທ່ານລັດຖະມົນຕີກະຊວງວັດທະນະທຳ, ກິລາ ແລະ ທ່ອງທ່ຽວ ຫວຽດນາມ ຫງວຽນວັນຮຸງ, ໃຫ້ຮູ້ວ່າ:
“ພວກຂ້າພະເຈົ້າໄດ້ກຳນົດຂະແໜງທ່ອງທ່ຽວແມ່ນຂະແໜງເສດຖະກິດປາຍແຫຼມ ເນື້ອໃນ “ຂຽວ” ໄດ້ສະແດງໃຫ້ເຫັນຢ່າງຈະແຈ້ງໃນການກຳນົດທິດການເຕີບໂຕແບບຍືນຍົງ. ຂະແໜງທ່ອງທ່ຽວຍັງສວມບົດບາດໜູນຊ່ວຍໃຫ້ຂະແໜງເສດຖະກິດອື່ນອີກ. ບົນພື້ນຖານມະຕິຂອງກົມການເມືອງວ່າດ້ວຍການພັດທະນາການທ່ອງທ່ຽວໃຫ້ກາຍເປັນຂະແໜງເສດຖະກິດປາຍແຫຼມ, ພິເສດແມ່ນມະຕິຂອງລັດຖະບານວ່າດ້ວຍ ການຟື້ນຟູເສດຖະກິດ, ໃນນັ້ນມີການຟື້ນຟູ ຂະແໜງທ່ອງທ່ຽວ… ຫວັງວ່າ ພາຍຫຼັງໄລຍະ 2 ປີ ຈະມາເຖິງ ຂະແໜງທ່ອງທ່ຽວ ຫວຽດນາມ ຈະມີການຈະເລີນເຕີບໂຕ".
vovworld.vn
