| ວາດພາບບັນຍາກາດບຸນປີໃໝ່ປະຈໍາຊາດຫວຽດນາມ ຜ່ານເອກະສານສຳເນົາ | |
| ງານວາງສະແດງ “ບຸນເຕັດດັ້ງເດີມ” ວາງສະແດງເອກະສານ ແລະຮູບພາບທີ່ເປັນເອກະລັກສະເພາະກ່ວາ 100 ແຜ່ນກ່ຽວກັບບຸນປີໃໝ່ປະຈໍາຊາດ |
ຫຼັງຈາກເດີນທາງໄປທົ່ວປະເທດກຳປູເຈຍ ຈາກເໜືອເຖິງໃຕ້ເປັນເວລາ 3 ເດືອນ, ຫວຽດນາມ ແມ່ນຈຸດນັດພົບຕໍ່ໄປຂອງນັກຖ່າຍຮູບ Gérard Gerhard. ປີ 2018, ສະຖານທີ່ແຫ່ງທຳອິດທີ່ເພິ່ນມາຫວຽດນາມ ແມ່ນນະຄອນ ໂຮ່ຈີມິນ ແລະ ໄດ້ຢູ່ ໂຮ້ຍອານ ເປັນເວລາເກືອບ 3 ປີ.
 |
| ນັກຖ່າຍຮູບ Gérard Gerhard |
ດ້ວຍສະຖາປັດຕະຍະກຳເກົ່າແກ່ ແລະ ບັນດາຮີດຄອງປະເພນີ ວັນບຸນປີໃໝ່ປະຈໍາຊາດ, ຖະໜົນ ໂຮ້ຍອານ ໄດ້ພາພວກເຮົາກັບຄືນສູ່ບັນຍາກາດຂອງບຸນປີໃໝ່ປະຈໍາຊາດຫວຽດນາມ ໃນເມື່ອກ່ອນ. “ສອງຄັ້ງທີ່ໄດ້ຕ້ອນຮັບບຸນປີໃໝ່ປະຈໍາຊາດ ຢູ່ ຫວຽດນາມ ຂ້າພະເຈົ້າໄດ້ ຢູ່ ໂຮ້ຍອານ ຕະຫຼອດເວລາ. ແລະແຕ່ລະຄັ້ງແມ່ນປະສົບການທີ່ຫນ້າສົນໃຈທີ່ແຕກຕ່າງກັນ”, ທ່ານ Gérard Gerhard ແບ່ງປັນ.
ສຳລັບທ່ານ Gérard Gerhard ແລ້ວ, ເມື່ອມີກິ່ນຫອມອ່ອນໆຂອງທູບເກດສະໜາຢູ່ທົ່ວທຸກຫົນທາງ, ນັ້ນໝາຍຄວາມວ່າບຸນປີໃໝ່ປະຈໍາຊາດໄດ້ໄປຮອດໂຮ້ຍອານ. ຕົ້ນໄຊຍະພຶກຢູ່ຕໍ່ໜ້າເດີ່ນວັດ, ເດີ່ນສາລາ, ບັນດາລະບຽງຂອງບ້ານກໍ ໄດ້ປະດັບປະດາດ້ວຍບັນດາໂຖດອກເໜີຍເຫຼືອງ, ດອກດາລີລາ (Dahlia) ທີ່ສວຍງາມ. ໃນຕອນກາງເວັນ, ມີບັນດາການລະຫຼິ້ນພື້ນເມືອງຄື: ຮ້ອງເພງສະເໜ່, ຊ່ວງເຮືອໃນຕົ້ນລະດູໃບໄມ້ປົ່ງ, ຫຼີ້ນໝາກຮຸກມະນຸດ, ຟ້ອນສິງໂຕ... ໃນຕອນແລງ, ໂຄມໄຟສ່ອງແສງໄປທົ່ວຖະໜົນ, ກະໂທງລອຍລ່ອງສ່ອງແສງຢູ່ຕາມແມ່ນ້ຳ.
ທ່ານ Gérard Gerhard ໃຫ້ຮູ້ວ່າ: “ຫວຽດນາມ ມີບັນດາມໍລະດົກວັດທະນະທຳ, ສະຖາປັດຕະຍະກຳທີ່ຮັກສາໄວ້ໄດ້ຫຼາຍແຫ່ງ. ນອກຈາກນັ້ນ, ຮີດຄອງປະເພນີ, ຄຸນງາມຄວາມດີຂອງປະຊາຊົນກໍຍັງໄດ້ຮັບການຮັກສາໄວ້ຕະຫຼອດຜ່ານບັນດາລຸ້ນຄົນ. ຍ້ອນຄວາມຮັກນັ້ນ, ໂຮ້ຍອານກັບທຸກມຸມຂອງຊີວິດໄດ້ຮັບການສ້າງຄືນໃໝ່ໂດຍຜ່ານຮູບຖ່າຍຂອງທ່ານ Gérard Gerhard.
ປົກກະຕິແລ້ວໃນຊ່ວງບຸນປີໃໝ່ປະຈໍາຊາດ, ທ່ານ Gérard Gerhard ມັກຂີ່ລົດຖີບເກົ່າໄປທົ່ວເຂດຖະໜົນ, ທ່າເຮືອການຄ້າ ກັບ "ຜູ້ຊ່ວຍວຽກ" ຂອງຕົນ - ຫມາ Cappuccino ເພື່ອບັນທຶກຊ່ວງເວລາຂອງຖະໜົມໂຮ່ຍ. “ນັ້ນແມ່ນຄວາມມັກຂອງຂ້າພະເຈົ້າ. ທຸກຄົນມີຄວາມດີໃຈທີ່ໄດ້ຕ້ອນຮັບຂ້າພະເຈົ້າ ແລະ ຖ່າຍຮູບກັບຂ້າພະເຈົ້າ. ໃນຊ່ວງວັນເວລານັ້ນ, ຂ້າພະເຈົ້າເຫັນໄດ້ເຖິງຊີວິດທີ່ສວຍງາມຢ່າງແທ້ຈິງ”.
 |
| ປີ 2018, ສະຖານທີ່ແຫ່ງທຳອິດທີ່ເພິ່ນມາຫວຽດນາມ ແມ່ນນະຄອນ ໂຮ່ຈີມິນ ແລະ ໄດ້ຢູ່ ໂຮ້ຍອານ ເປັນເວລາເກືອບ 3 ປີ. |
ຫວນຄືນບັນດາຄວາມຊົງຈຳຂອງບຸນປີໃໝ່ປະຈໍາຊາດຢູ່ຫວຽດນາມ, ທ່ານ Gérard Gerhard ໃຫ້ຮູ້ວ່າ: “ໃນບຸນປີໃໝ່ປະຈໍາຊາດປີກາຍນີ້, ຂ້າພະເຈົ້າໄດ້ມີໂອກາດໄດ້ຮັບຄຳແນະນໍາວິທີ ເຮັດຄຳໝາກຄຳພູຈາກແມ່ເຖົ້າ ຮ້ານດອກໄມ້ ບຸ່ຍທິຊອງ. ຂ້າພະເຈົ້າສົນໃຈຫລາຍເພາະຂ້າພະເຈົ້າມັກພົບປະກັບຜູ້ເຖົ້າຢູ່ໂຮ້ຍອານທີ່ມີແຂ້ວດຳ, ປາກແດງຈາກການຄ້ຽວໝາກ. ຂ້າພະເຈົ້າກໍໄດ້ຖືກເຊີນໄປເຮືອນເພື່ອນເພື່ອສະເຫຼີມສະຫຼອງບຸນເຕັດ, ໄດ້ພ້ອມກັບຄອບຄົວຂອງເພື່ອນກະກຽມພາເຂົ້າໄປຖວາຍບັນພະບຸລຸດ, ໄດ້ຮັບປະທານອາຫານໃນບຸນເຕັດຫວຽດນາມ ແມ່ນປະສົບການທີ່ໜ້າຈົດຈຳທີ່ສຸດໃນຊີວິດຂອງຂ້າພະເຈົ້າ”.
“ຂ້າພະເຈົ້າມັກຈະໃຫ້ອັງເປົາແກ່ເດັກນ້ອຍໃນຊ່ວງເວລາບູນເຕັດ. ໄດ້ຍິນວ່າ ເງິນພຽງເລັກນ້ອຍໃນຊອງສີແດງຈະນໍາເອົາຄວາມໂຊກດີ, ສິ່ງດີໆໃຫ້ກັບເດັກນ້ອຍໃນຊ່ວງຕົ້ນປີ. ປົກກະຕິແລ້ວຂ້າພະເຈົ້າເອົາເງິນໃສ່ຫຼາຍຫນ້ອຍຫນຶ່ງ, ເພາະວ່າໃນປີມີເທື່ອໜຶ່ງ, ຂ້າພະເຈົ້າ ຢາກໃຫ້ເດັກນ້ອຍມີຄວາມດີໃຈຫຼາຍກວ່າ ແລະມີຄວາມຊົງຈໍາໃນຊ່ວງບຸນປີໃຫມ່ຫຼາຍກວ່າ".
ໄຊພອນ
